Ekesote 30:34 - Tosi Tapu

³⁴ Na pati loa le Eteleno kia Moisese : Too ni nea fakamanogi : se setakite, mo se onika, mo se kalipanume, ti mo se iseso mea, o fua fakatatau fuli latou.

Ekesote 30:34 ပူးပေါင်းရင်းမြစ်များ

Neemia 13:5

na soli ia kia Topisa se kogafale lasi, leia na tanaki ai a moliga i mua, mo le iseso, mo ipu, mo le vaega kau agafulu o le fulumeto, mo le vino, mo le lolo, io, le nea leia na fakatotonu ke soli ki le kau Levi, mo le kau sua, ti mo le kau tuu matapa, ti mo le nea leia na vaei ki le kau tagata faisakilifisio.

Ekesote 25:6

mo se lolo ki le malama tutu, mo ni laakau fakamanogi ki le lolo tapu mo le kaloni fakamanogi ;

Ekesote 30:23

Too loa kiate koe a kaloni malilie tukupau : le mila, ko ni sikele e kau lelau lima o le mila leia e sali toka tasi ; mo le sinamome, ko ni sikele e kau lelau lua kau lima ; mo ni kanele manogi, ko ni sikele e kau lelau lua kau lima ;

Ekesote 30:33

Ko leia e fai ia loa se lolo ofaipe le lolo lena, pe pani loa ki ai se tagata kese, e tuuti loa a ia mei lona kakai.

Ekesote 30:35

E ke fai loa ki nea ana se kaloni o mulimuli ki le poto o le tagata fai kaloni ; e konakona loa a ia, mo mea, mo maokioki.

Ekesote 30:7

E tutu loa e Alone le kaloni fakamanogi ; e tutu loa e ia i usu fuli, i le temi leia e fakamea ai e ia a malama.

Ekesote 31:11

mo le lolo pani tapu, ti mo le kaloni fakamanogi ki le sagatualio. E lotou fai loa o fakatatau ki nea fuli ala na kau fakatotonu atu kiate koe.

Ekesote 35:15

le aletale o kaloni mo ona amo, mo le lolo tapu ti mo le kaloni fakamanogi, mo le lito o le matapa ulu ki le tapenakulo ;

Ekesote 37:29

Na fai loa e ia le lolo pani tapu, mo le kaloni fakamanogi, ki a nea fakamanogi, o mulimuli ki le poto o le tagata fai kaloni.

Katiko o Katiko 3:6

Ko ai leia e pale mai i le toafa, Ofaipe ni pou afu, I loto malie o ni kokofu o le mila mo le iseso, Ti mo nea fakamanogi fuli a le kau fai koloa ?

Esaia 43:23

Na leaise ke momoli mai kiate au ni akeno i ni failaulau, Ti na leaise ke fakamauiga au ki au sakilifisio ; Na leaise kau fakamakeke kiate koe ni moliga, Ti na leaise kau fakakaekae a koe ki se iseso.

Levitiko 16:12

E too loa e ia se tanakiaga malala leia kua apele i le malala kaka o le aletale leia e tuu i mua o le Eteleno, mo ni lukuga kaloni fakamanogi e lua na ali ki lona alofilima ; ti e ave loa e ia a nea ana ki loto o le lito tapono, ki le potu taputapu.

Levitiko 2:1

Kapau e fai loa e se tagata sana moliga nea kai ki le Eteleno, e fai loa e ia lana moliga ki le falina tea ; ti e liligi loa e ia se lolo ki aluga, ti e toe tuku loa e ia ki ai se iseso.

Levitiko 2:15

E ke liligi loa se lolo i aluga, ti e ke toe teki loa ki aluga se iseso. Ko se moliga nea kai a ia.

Levitiko 24:7

I aluga o le tuuga pane e ke teki loa se iseso mea, leia e tutu loa e le afi i mua o le Eteleno, o fetogi ia a pane, ofaipe se nea fakamanatu.

Levitiko 5:11

Ti kapau e leaise maua loa e ia se nea leia ke totogi ai ni kulukulu e lua pe ko ni lupe muli e lua, e momoli loa e ia ki lana agasala ni kilo falina tea e fa ; kae e leaise liligi loa e ia se lolo i aluga, pe teki loa e ia i aluga se iseso, talie ko se sakilifisio a ia ki le agasala.

Numelo 4:16

Ko Eleasale, vosa o le tagata faisakilifisio ko Alone, e tokaga loa ki le lolo o le tuuaga malama, mo le kaloni fakamanogi, mo le moliga nea kai o aso taki tasi, ti mo le lolo tapu ; ko ia leia e leoleo loa ki le falela tapu mo nea fuli i loto, tatau fai a nea tapu mo nea gaoi tapu.

Numelo 7:14

mo se ipu aulo e kau agafulu fa sikele leia na apele i le kaloni fakamanogi ;

Mateo 2:11

Na lotou ulu loa ki le fale, ti na lotou tio loa ki le ga toe mo Malia lona tinana, ti na lotou tutuli loa ki lalo o atolasio ki le ga toe ; ti na lotou fakamavaa loa olatou koloa, ti na lotou momoli loa kiate ia alatou moliga ko le aulo, mo le iseso ti mo le mila.