Ekesote 30:16 - Tosi Tapu

¹⁶ E ke tali loa mei fanau a Iselaele le paaga o lolatou totogi, ti e ke fakaaoga loa a ia ki le gaoi o le falela tapu ; ko se tausi alofa loa lena ki fanau a Iselaele, i mua o le Eteleno, ki le totogi o olatou laumalie.

Ekesote 30:16 ပူးပေါင်းရင်းမြစ်များ

Lua tosi o Koloniko 24:6

Na kalagai loa e le sau a Seosata, le tagata faisakilifisio lasi, o pati kiate ia : Kolea na leaise ke tokaga ai ke aumai e le kau Levi mei Suta mo Selusalemi le tukusau leia na fakatotonu e Moisese, tagata fakasausau a le Eteleno, ti na teki ki le fakatasiga a Iselaele o uiga mo le falela o le fakamaoki ?

Ekesote 12:14

E kotou taupau loa le fakamanatu o le aso lena, ti e kotou tausi loa a ia ko se aso lasi ki le Eteleno ; e kotou tausi loa a ia ofaipe se lao ke tuku sosolo i okoutou sakoga.

Ekesote 30:15

E leaise totogi loa e le tagata mou koloa o fakalaka i le vaeluai sikele, ti e leaise totogi loa e le tagata mativa o ikiiki i le vaeluai sikele : e totogi loa e le tagata taki toka tasi ki le Eteleno le totogi leia kua fakatotonu ke fakamauli ai lona laumalie.

Ekesote 30:17

Na masau loa le Eteleno kia Moisese, o pati :

Numelo 16:40

Ko se fakamanatu a ia ki fanau a Iselaele, o tupu ke aua na fakafeofi se tasi leia e leaise kau ki le sakoga o Alone, o momoli se kaloni i mua o le Eteleno, ti ke aua na fai loa a ia pe Kole mo lona kakai, o mulimuli ki le nea leia na fakasa e le Eteleno ia Moisese.

Numelo 31:54

Na tuku loa e Moisese mo Eleasale a nea aulo fuli ala na momoli e le kau pule o Iselaele ki le falela tapu, o tupu ke aua na galoi e le Eteleno a fanau a Iselaele.

Luka 22:19

Na too foki e ia se pane, o fakafetai, mo tofitofi a ia, mo soli a ia kia latou, o pati : Ko le nea leinei ko loku tino, leia e soli o tupu ko koutou ; kotou fai le nea leinei o fakamanatu kiate au.