Ekesote 27:21 - Tosi Tapu

²¹ E teuteui loa le lolo e Alone mo ona vosa i le falela o le fakapapau, i le potu tapu i mua o le lito, leia e tapono ia le aleka o le fakapapau ; e ula loa malama i mua o le Eteleno mei le afiafi o kaku ki le usu. Ko se lao lena ke tuku sosolo ki olatou sakoga ti ke taupau e fanau a Iselaele.

Ekesote 27:21 ပူးပေါင်းရင်းမြစ်များ

Senesi 1:5

Ti na fakaigoa loa e le Atua le malama ko le ao, kae na fakaigoa loa e ia le fakapouli ko le pouli. Ti na i ai loa se afiafi, ti na i ai loa se usu : ko le uluaki aso loa a ia.

Senesi 1:8

Na fakaigoa loa e le Atua le vasa ko le lagi. Ti na i ai loa se afiafi, ti na i ai loa se usu : ko le lua aso loa a ia.

Lua tosi o Koloniko 13:11

E motou momoli i usu fuli mo afiafi fuli a failaulau ki le Eteleno, e motou tutu le kaloni fakamanogi, e motou teki a pane taputapu ki le laupapa mea, ti e motou tutu i afiafi fuli le tekiaga malama aulo mo ona malama ; talie e motou tausi a fakatotonu a le Eteleno, lomatou Atua. Ti ko koutou, kua kotou tiaki a ia.

Pesalemo 134:1

Katiko o le fanoga tapu. Ko leinei, kotou fakafetai ki le Eteleno, koutou fuli ko tagata fakasausau a le Eteleno, Ala e tutuu i le fale o le Eteleno i le lolotoga o pouli !

Ekesote 12:14

E kotou taupau loa le fakamanatu o le aso lena, ti e kotou tausi loa a ia ko se aso lasi ki le Eteleno ; e kotou tausi loa a ia ofaipe se lao ke tuku sosolo i okoutou sakoga.

Ekesote 16:34

Ti na tuku loa e Alone le ipu mane ki mua o le fakamaoki, o mulimuli ki le fakatotonu leia na fai e le Eteleno kia Moisese.

Ekesote 25:16

E ke tuku loa ki loto o le aleka le fakamaoki leia e kau soli atu loa kiate koe.

Ekesote 28:43

E tui loa e Alone mo ona vosa a vavae loto ana, mo ka lotou ulu loa ki le falela, peka e lotou fakafeofi loa ki le aletale, o fai a gaoi i le sagatualio. Ti e leaise lotou sala loa, ti e leaise lotou mamate loa. Ko se lao lena ke tuu mau kia Alone mo lona sakoga i ona muli.

Ekesote 29:28

E tuu loa a ia ko se lao ke tuku sosolo i tautupu mo tautupu i fanau a Iselaele : E soli loa a inati ana kia Alone mo ona vosa, i manu fuli ala e momoli mai kiate au e fanau a Iselaele i alatou sakilifisio fakafetai.

Ekesote 29:42

Ko lena loa le failaulau leia e tonu ke fai tuumau e okoutou sakoga i mua o le uluaga o le falela tapu, i mua o le Eteleno : ko le ganea lena e kau felavei ai loa mo koutou ti e kau masau ai loa kiate koe.

Ekesote 29:44

E kau fakatapui loa le falela mo le aletale ; ti e kau fakatapui loa Alone mo ona vosa, o tupu ke lotou gaoi kiate au i le gaoi fakapelepitelo.

Ekesote 30:21

E lotou fakamea loa olatou lima mo olatou vae, o tupu ke aua na lotou mamate loa. Ko se lao lena ke tuu mau loa kia Alone, mo ona vosa, ti mo olatou sakoga.

Ekesote 30:36

E ke tuki loa a ia ke fai pe se pauta, ti e ke tuku loa a ia ki mua o le aleka o le fakamaoki, i loto o le falela tapu leia e kau felavei ai loa mo koe. Ko se nea maokioki loa lena kia koutou.

Ekesote 30:8

E toe tutu foki e ia le kaloni fakamanogi i le afiafi, i le temi leia e teuteui ai e ia a malama. Ti e tutu fenaaki loa o tuumau le kaloni fakamanogi i mua o le Eteleno i okoutou tautupu fuli.

Ekesote 40:3

E ke tuku loa ki loto le aleka o le fakapapau, ti e ke tapono loa le aleka ki le lito.

Levitiko 10:9

Aua na ke inu loa se vino, pe ko se kava, e koe mo ou vosa, i mua o lakotou ulu ki le falela tapu, ti e leaise kotou mamate loa : e kotou tausi loa le lao lena, e koutou mo akoutou fanau i temi fuli.

Levitiko 16:34

E tuu loa le nea lena kia koutou ko se lao lee gato : e fai tua tasi loa i le fetuu le fakamalie a fanau a Iselaele, o tupu ko alatou agasala. Ti na fai loa le nea leia na fakatotonu e le Eteleno kia Moisese.

Levitiko 17:7

E leaise lotou toe momoli loa alatou sakilifisio ki ni temonio (ala e fakatata e ni koti tagata), ala e lotou tono ki ai. E tuku loa le lekula lena kia latou mo olatou sakoga o lee gato.

Levitiko 23:14

Aua na kotou kai loa se nea o le tau fulumeto lena, pe ko se pane, pe ko ni fui fulumeto tunu pe mata, i mua o le aso leia e kotou ave ai loa le fuiga fulumeto o momoli ki le Eteleno. Kotou tausi loa le fakatotonu lena, e koutou mo okoutou sakoga, i temi fuli, ti mo ganea fuli ala e kotou nonofo ai loa.

Levitiko 23:21

I le aso fai lena, e kotou fakasa loa le aso lasi, ti e kotou fai loa se fakatasi tapu : aua na kotou fai loa se gaoi masani. Ko se lao tuku sosolo a ia ki okoutou tautupu, i ganea fuli ala e kotou nonofo ai loa.

Levitiko 24:2

Fakatotonu ki fanau a Iselaele ke aumai kiate koe le lolo olive mea leia na tuki ki le tuuaga malama, o tupu ke ula malie ai a malama i temi fuli.

Levitiko 24:3

E teuteui loa e Alone le tuuaga malama aulo i le falela tapu, i mua o le lito leia e tapono ia le aleka o le fakapapau, o tupu ke mu sosoko a malama mei le afiafi o kaku ki le usu i mua o le Eteleno. Ko se lao a ia ke tuku sosoko ki okoutou tautupu.

Levitiko 24:9

E maua loa a pane e Alone mo ona vosa, ti e lotou kai loa latou i se ganea tapu ; talie ko se nea maokioki a ia kia latou, ko se vaega a ia o moliga tutu i mua o le Eteleno. Ko se lao a ia ke tuku sosolo.

Levitiko 3:17

Ko se lao lee gato leinei ki okoutou sakoga, i ganea fuli ala e kotou nonofo ai loa : E leaise kotou kai loa se gako pe ko se toto.

Levitiko 3:8

E teki loa e ia lona lima ki le fa ulu o le manu, ti e tamate loa e ia le manu i mua o le falela tapu ; ti e liligi loa e vosa o Alone le toto o le manu ki le takatakai katoa o le aletale.

Levitiko 6:15

Ko le tagata faisakilifisio leia, i vosa o Alone, e pani loa ki le lolo ke fetogi ia a ia, e toe fai ia loa le moliga nea kai lena. Ko se lao lee gato a ia i mua o le Eteleno : e tutu katoa loa a ia e le afi.

Levitiko 7:36

Ko le nea lena na fakatotonu e le Eteleno ki fanau a Iselaele ke lotou soli kia latou i le aso leia e fakanofo ai latou. Ko le fakatotonu lena e tonu ke taupau tuumau.

Malakia 2:7

Talie e tonu ke taupau e laugutu o le tagata faisakilifisio le poto, Ti e tonu ke afa i lona gutu le lao, O tupu ko se tagata a ia na kakau mai e le Eteleno o kau tau.

Numelo 18:23

E fai loa e le kau Levi le tausi o le falela tapu, ti e lotou amo loa alotou sala. E leaise lotou maua loa se tofiga i loto malie o fanau a Iselaele : ko se lao loa lena ke tuku sosolo i okoutou sakoga.

Numelo 18:5

E kotou tokaga loa ki le tausi o le sagatualio mo le aletale, o tupu ke aua na toe vilo se sausau ki fanau a Iselaele.

Numelo 19:21

Ko se lao lena kia latou ke tuku sosolo. Ko leia e fai ia loa le afusi o le vai fakamea, e fo ia loa ona kofu, ti ko leia e lave loa ki le vai fakamea e kelekele loa a ia o kaku ki le afiafi.

Numelo 35:29

E kotou mulimuli loa ki lekula ana i temi fuli, i ganea fuli ala e kotou nofo ai loa.

Numelo 8:9

E ke fakafeofi ake loa le kau Levi ki mua o le falela tapu, ti e ke fakatasii ake loa le kakai katoa o Iselaele.

Mateo 4:16

Ko le kakai lena, na tonatona i le fakapouli, Kua tio ki se malama lasi ; Ti kua sopo le malama Kia latou ala na nonofo i le fenua ti mo le malu o le mate.

Luka 12:35

Ke toi okoutou kilii pipi ki okoutou sulugalava, ti ke ula okoutou malama.

Soane 5:35

Ko Soane ko le malama leia e ula mo malama, ti na kotou loto ke kotou fakafiafia i se ga temi ikiiki i lona malama.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Lua tosi a Petelo 1:19

Ti e motou fakamaoki ki le folafola kikite, leia e tonu ke kotou tokaga lasi ki ai, ofaipe se malama leia e mu i se ganea fakapouli, o kaku ki le mafoa mai o le ao, ti ke sopo le fetuu ao i okoutou loto.

Apokalipisi 2:1

Tosi ki le aselo o le Ekelesia o Efeso : Ko leinei le nea leia e pati ki ai leia e too ia a fetuu e fitu i lona lima atamai, leia e saele i loto malie o tekiaga malama aulo e fitu :

Uluaki tosi a Samuele 3:3

Na leikiaise mate loa le malama o le Atua, ti na moe loa Samuele i le fale tapu o le Eteleno, leia na tuku ai le aleka o le Atua.

Uluaki tosi a Samuele 30:25

Na fai fenaaki loa talu mei le aso a ia o fai ki muli, ti na fakatuu loa le nea lena ko se lao mo se agai fenua i Iselaele.