Ekesote 22:31 - Tosi Tapu

³¹ E kotou liliu loa kiate au ko se kakai maokioki : aua na kotou kai loa se manu leia na tamate e se manu fekai i le vao ; e kotou ti loa a ia ki kuli.

Ekesote 22:31 ပူးပေါင်းရင်းမြစ်များ

Esetalasi 9:2

O tupu kua lotou avaga mo ni taineliki o fenua ana, ti kua toe felaaki mo olatou vosa, ti kua lotou filo le lanu tapu mo le kakai o fenua pagani anei ; ti ko le kau pule mo le kau tui fakamaau, ala na uluaki fai ia le agasala lena.

Esekiele 4:14

Na kau pati : Ei Aliki Eteleno, ko leinei, na leikiai fua se fakakelekele loku laumalie e se nea kelekele ; talu i loku ikiiki o kaku mai ki le lakaga leinei, na leikiaise kau kai fua ki se manu mate, pe na tamate e se tasi ake a manu, ti na leikiaise ulu fua se kanoi manu kelekele ki loku gutu.

Esekiele 44:31

E leaise kai loa e tagata faisakilifisio se manu lele pe ko se manu masaki, pe ko se manu na tamate e se tasi a manu.

Levitiko 19:2

Masau ki le kakai katoa o Iselaele, o pati kia latou : Ke kotou maokioki, talie e kau maokioki, a au, ko le Eteleno, ko lokoutou Atua.

Levitiko 20:25

Kotou tokaga loa o fakakesekese a manu mea mo manu kelekele, a manu lele mea mo manu lele kelekele, o tupu ke aua na kotou kelekele loa i le lave ki ni manu, mo ni manu lele, ti mo ni manu totolo i le kele. Na kau fai le fakatuutuu lena ke kotou popoto i le iloa o nea ala e kelekele.

Levitiko 22:8

E leaise kai loa e ia se manu masaki pe na tamate e se manu, o tupu ke aua na kelekele loa i ai. Ko au ko le Eteleno.

Levitiko 7:24

E feala ke fakaaoga le gako o se manu leia na mate masaki, pe na tamate e se tasi ake a manu, ki ni iki ake a nea, kae e leaise kotou kai loa a ia.

Gaoi 10:14

Kae na tali loa Petelo : Leai, Aliki, talie e leikiaise kau kai fua i se aso ki se nea e tapu pe kelekele.

Gaoi 15:20

kae ke tou fai se tosi kia latou ke lotou fakamamao mei fakalialia o taulaatua, mo le fai feauaki, mo manu mamate, ti mo le toto.

Tetelonome 14:21

Ke aua na kotou kai loa se manu leia na mate masaki : ke ke soli loa a ia ki le matapule leia e nofo loa mo koe, ke kai e ia, pe ke fakatau loa a ia ki se matapule ; talie ko koe ko se kakai maokioki ki le Eteleno, lou Atua. Ke aua na ke saka loa se uviki manu i le sua manu o lona tinana.