Ekesote 22:30 - Tosi Tapu

³⁰ E ke soli mai loa kiate au le uluaki o lau pipi fafine mo lau ovi fafine ; e nofo loa le uviki i aso e fitu mo lona tinana ; kae i le valu o aso, e ke soli mai loa a ia kiate au.

Ekesote 22:30 ပူးပေါင်းရင်းမြစ်များ

Senesi 17:12

I le valu o aso, e silikosisio loa a toe tagata fuli ia koutou, o sosolo i okoutou tautupu, tatau fuai leia na tupu i le loto fale mo leia na totogi paaga mei se tagata matapule, kae na leaise kau ki lou lanu.

Ekesote 13:12

e ke vaei kese loa ki le Eteleno a uluaki fuli, tatau foki mo uluaki fuli o manu ala e ke maua loa : E maua loa e le Eteleno a manu tagata.

Esekiele 4:14

Na kau pati : Ei Aliki Eteleno, ko leinei, na leikiai fua se fakakelekele loku laumalie e se nea kelekele ; talu i loku ikiiki o kaku mai ki le lakaga leinei, na leikiaise kau kai fua ki se manu mate, pe na tamate e se tasi ake a manu, ti na leikiaise ulu fua se kanoi manu kelekele ki loku gutu.

Levitiko 11:44

Talie ko au ko le Eteleno, ko lokoutou Atua ; e kotou maokioki loa, talie e kau maokioki ; ti aua na kotou kelekele loa i se manu i manu fuli ana ala e totolo i aluga o le kele.

Levitiko 11:45

Talie ko au ko le Eteleno, leia na fakamavae ia koutou mei le fenua o Esipito, o tupu ke kau liliu ko lokoutou Atua ; ke kotou maokioki talie e kau maokioki.

Levitiko 12:3

I le aso valu, e silikosisio loa le toe.

Levitiko 17:15

Ko leia e kai loa ki se manu leia na mate masaki pe na tamate e se manu fekai, pe ko se tasi o le fenua pe ko se matapule, e tonu ke fo loa e ia ona kofu, ti ke maanu loa a ia i le vai ; ti e kelekele loa a ia o kaku ki le afiafi, ti o mea loa a ia.

Levitiko 22:27

Ka fanaui loa se uviki pipi, pe ko se akeno, pe ko se uviki koti, e nofo loa a ia mo lona tinana i ni aso e fitu ; kae kamata atu loa i le valu o aso, e feala loa ke momoli a ia i se sakilifisio tutu e le afi ki le Eteleno.

Levitiko 22:8

E leaise kai loa e ia se manu masaki pe na tamate e se manu, o tupu ke aua na kelekele loa i ai. Ko au ko le Eteleno.

Levitiko 7:23

Masau ki le kakai o Iselaele, o ke pati kia latou : Aua na kotou kai loa le gako o le pipi, mo le ovi, mo le koti.

Levitiko 7:24

E feala ke fakaaoga le gako o se manu leia na mate masaki, pe na tamate e se tasi ake a manu, ki ni iki ake a nea, kae e leaise kotou kai loa a ia.

Levitiko 7:26

E leaise kotou kai loa se toto, mo ni manu lele, mo ni manu lalasi, i ganea fuli ala e kotou nonofo ai loa.

Tetelonome 14:21

Ke aua na kotou kai loa se manu leia na mate masaki : ke ke soli loa a ia ki le matapule leia e nofo loa mo koe, ke kai e ia, pe ke fakatau loa a ia ki se matapule ; talie ko koe ko se kakai maokioki ki le Eteleno, lou Atua. Ke aua na ke saka loa se uviki manu i le sua manu o lona tinana.

Tetelonome 15:19

E ke fakatapui loa ki le Eteleno, lou Atua, a manu tagata uluaki fuli ala e tupu loa i lau kau manu lalasi mo lau kau manu liliki. Ke aua na ke fakagaoi loa le pipi tagata uluaki, ti ke aua na ke koti loa a fulu o le ovi tagata uluaki.