Ekesote 14:8 - Tosi Tapu

⁸ Na fakafefeka loa e le Eteleno le loto o Falaone, sau o Esipito, ti na tuli loa e Falaone a fanau a Iselaele. Na mavae loa fanau a Iselaele mo lima na siki i aluga.

Ekesote 14:8 ပူးပေါင်းရင်းမြစ်များ

Pesalemo 105:43

Na fakamavae loa e ia lona kakai i le fiafia lasi, Lana kau filifiliia i loto malie o ni kalaga fakafiafia.

Pesalemo 86:13

Talie e lasi ai lou agamalie kiate au, Ti kua ke saofaki loku laumalie mei le nofoaga loloto o le kau mate.

Ekesote 10:27

Na fakafefeka loa e le Eteleno le loto o Falaone, ti na leaise loto loa Falaone ke tuku latou ke ano.

Ekesote 13:16

E tuu loa le nea lena ko se fakamailoga i lou lima ti ko se fakamanatu i lou lae ; talie na fakamavae matou i Esipito e le lima makeke o le Eteleno.

Ekesote 13:18

Kae na taki loa e le Atua le kakai i le ala o le toafa, i le fetuu o le tai Kula. Na pale loa fanau a Iselaele ofaipe se kau tau mei le fenua o Esipito.

Ekesote 13:9

E tuu loa le nea lena kiate koe ofaipe se fakamailoga i lou lima, ofaipe se tausi alofa i ou vasa mata, o tupu ke maua le lao a le Eteleno i lou gutu ; talie ko le Eteleno leia na fakamavae ia a koe i Esipito, ki lona lima makeke.

Ekesote 14:17

Ko au, e kau fakafefeka loa le loto o le kau Esipito, ti e lotou natu loa i okoutou muli ; ti e fakasa loa loku kololia e Falaone, mo lana solia katoa, mo ana saliote, ti mo lana kau ekeosi.

Ekesote 14:4

E kau fakafefeka loa le loto o Falaone, ti e tuli loa e ia koutou ; kae e kau fakaaoga loa Falaone mo lana solia katoa ke fakasa ai loku kololia, ti e iloa loa e le kau Esipito ko au ko le Eteleno. Ti na fai loa ki ai fanau a Iselaele.

Ekesote 14:7

Na ave loa e ia ni saliote tau e kau lelau ono, ti mo saliote fuli o Esipito ; na apele fuli saliote ko tagata tau.

Ekesote 15:9

Na pati le fili : E kau tuli loa, e kau maua loa, E kau vae loa le koloa o le fili ; E kau fakamakona loa loku fia lagavaka, E kau tosoi loa le seleta, ti e maumaui loa latou e loku lima.

Ekesote 4:21

Na pati loa le Eteleno kia Moisese : E ke toe liliu loa ki Esipito, tio, kua kau tuku a nea fakamanamana kesekese ki lou lima : e ke fai loa latou i mua o Falaone. Ti ko au, e kau fakafefeka ia loa lona loto, ti e leaise tuku loa e ia le kakai ke ano.

Ekesote 6:1

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Ekesote 9:12

Na fakafefeka loa e le Eteleno le loto o Falaone, ti na leaise fakalogo loa Falaone kia Moisese mo Alone, o mulimuli ki le nea leia na fakasa e le Eteleno kia Moisese.

Tagi laulau a Selemia 3:65

E ke tuku loa latou ki le fefeka o olatou loto, Mo le malaia leia e au meiate koe ;

Levitiko 26:13

Ko au ko le Eteleno, ko lokoutou Atua, leia na fakamavae ia koutou mei le fenua o Esipito, o tupu ke aua na kotou toe liliu o popula kia latou. Na kau motusi a tini o Esipito ala na sai ia koutou, ti na kau fakasaele ia koutou i le fia tagata.

Numelo 33:3

Na lotou mavae loa i Lamisese i le uluaki masina, i le aso kau agafulu tupu lima o le masina lena. I le apogipogi o le Pasikate, na mavae loa fanau a Iselaele mo le lima kua siki i mua o le kau Esipito katoa.

Gaoi 13:17

Na filifili e le Atua o le kakai leinei o Iselaele otatou tamana. Ti na siki loa e ia a ia ki aluga i lana nofo i Esipito, ti na fakamavae loa e ia a ia mei ai ki lona lima mafimafi.

Tetelonome 26:8

Ti na fakamavae loa e ia matou mei Esipito, ki lona lima makeke mo lona lima falo, ki ni milakulo mo ni nea fakaofolele.

Tetelonome 32:27

Kae na kau i na gologolo loa olatou fili kiate au, Ti mo lotou pati loa ko latou ala na fai ia le nea lena, O lotou manatu loa na leaise fai e loku lima a nea fuli ana.

Sosue 11:20

Talie na fakataga e le Eteleno ke fakafefeka a loto o puleaga ana o tau ki Iselaele, o tupu ke tamate latou e Iselaele, ti ke aua na maua loa se alofa kia latou, kae ke tamate latou ke puli oki, o mulimuli ki le nea leia na fakatotonu e le Eteleno kia Moisese.

Tuifakamaau 4:7

E kau toso mai loa kiate koe, ki le liua o Kisoni, Sisela, pule o le solia a Sapini, mo ana saliote ti mo ana kau solia, ti e kau tuku loa a ia ki ou lima.