Ekesote 12:8 - Tosi Tapu

⁸ I le po lena, e kai loa le kanofi o le manu, leia kua tunu i le afi, mo ni pane sala fakatupu ti mo ni lau laakau kona.

Ekesote 12:8 ပူးပေါင်းရင်းမြစ်များ

Lua tosi o Koloniko 35:13

Na lotou fakamoso loa le Pasikate i le afi, o mulimuli ki le fakatotonu, ti na lotou fakamoso loa a inati taputapu i ni kulo mo ni fakapaku ; ti na lotou fakatavili loa o tufa latou ki le kakai.

Pesalemo 22:14

E lotou fakamaga mai olatou gutu kiate au, Ofaipe le laione leia e sae ti gugulu.

Ekesote 1:14

Na lotou fakamamae lolatou mauli ki ni gaoi mamafa ki le kelepulu, mo le fau piliki, ti mo gaoi kesekese i faisaga. Ti na lotou fakamaua kia latou a gaoi fuli ana ki le aga tukipo.

Ekesote 12:9

E leaise kotou kai mata loa le kanofi, pe saka loa a ia i le vai, kae e kotou tunu loa a ia i le afi, o fakatasi mo le ulu, mo vae, ti mo tootooga.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 13:7

E kai loa ni pane sala fakatupu i aso e fitu ; e leaise maua loa i lou fale se pane fakatupu, ti e leaise maua loa i lou fale se fakatupu, ti mo lou fenua katoa.

Ekesote 23:18

Aua na ke momoli fakatasi loa se pane fakatupu mo le toto o le manu leia kua momoli kiate au ; ti aua na tuku loa le gako o laku failaulau ke kaku ki le pogipogi usu.

Ekesote 34:25

Aua na ke momoli fakatasi loa mo se pane fakatupu le toto o le vikitima leia kua momoli mai kiate au ; ti aua na ke tuku loa le sakilifisio o le Pasikate mei le pouli ke kaku ki le usu.

Esaia 53:10

Na malie ki le Eteleno ke fatii a ia i le mamae… I le oki o le soli o lona mauli ko se sakilifisio ki le agasala, E tio loa a ia ki se sakoga ti e fakatologa loa e ia ona aso ; Ti e manuia loa le gaoiaga a le Eteleno i ona lima.

Amosi 4:5

Kotou fai akoutou sakilifisio fakafetai ki se pane fakatupu ! Kotou fakasa, kotou logologo akoutou moliga ala e kotou fai, Talie ko le nea lena e kotou loto ki ai, fanau o Iselaele, E pati le Aliki, le Eteleno.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Mateo 16:12

Ti na lotou matala loa i ai na leaise masau a ia ki le fakatupu leia o le pane, kae ki le akonaki a le kau faliseo mo le kau Satuseo.

Mateo 26:26

I le lolotoga o le kai, na too loa e Sesu le pane, o fakafetai, mo tofitofi, mo soli ki ana tisipulo, o pati : Kotou too, ti kotou kai, ko le nea leinei ko loku tino a ia.

Kalate 5:9

Ko se ga momoi fakatupu e fakatupu ia le falina katoa kua lusi.

Tetelonome 16:7

E ke fakamoso loa le vikitima, ti e ke kai loa a ia i le ganea leia e filifili loa e le Eteleno, lou Atua. Ti e ke toe liliu loa i le pogipogi usu ki lou kaiga.

Uluaki tosi ki le kau Tesalonika 1:6

Ti ko koutou totonu, na kotou faifaitaki mai kiate au, ti mo le Aliki, o kotou tali le folafola i ni mamae lasi ai, mo le fiafia o le Laumalie Maokioki,