Ekesote 12:31 - Tosi Tapu

³¹ I le po fai lena, na kalagai loa e Falaone a Moisese mo Alone, o pati kia laua : Kotou tutuu ki aluga, ti kotou mavae i loku kakai, a koutou mo fanau a Iselaele. Kotou ano, ti kotou tausi ki le Eteleno o mulimuli ki le nea leia na kolua pati mai ki ai.

Ekesote 12:31 ပူးပေါင်းရင်းမြစ်များ

Pesalemo 105:38

Na fiafia loa le kau Esipito i lolatou mavae, Talie na lotou i ai kia latou.

Ekesote 10:29

Na tali loa Moisese : Kua ke pati ki ai, e leaise kau toe sa loa i ou mua.

Ekesote 10:9

Na tali loa Moisese : E motou ano loa mo amatou fanau mo lomatou kau matua, mo omatou vosa, mo omatou taine, mo amatou ovi, ti mo amatou pipi ; talie e tonu ke motou fai se aso fakafiafia ki le Eteleno.

Ekesote 11:1

Na pati loa le Eteleno kia Moisese : E kau toe tuku loa se tautea fakaoki kia Falaone mo Esipito. Ka oki loa le nea lena, e tuku loa koutou e Falaone ke mavae i leinei. Ka tuku loa e ia koutou ke ano, e kapu loa e ia koutou ke mavae oki i leinei.

Ekesote 11:8

Ti e ifo mai loa au tagata fakasausau fuli anei kiate au, ti e lotou punou loa ki le kele i oku mua, o pati : Mavae, a koe mo le kakai katoa leia e muli iate koe ! Ka oki loa le nea lena, e kau mavae loa. Ti na mavae loa Moisese mei le fale o Falaone i se ita lasi ai.

Ekesote 12:39

Na lotou fakamoso loa ni kato sala fakatupu ki le falina leia kua lusi, leia na aumai mei Esipito kae na leikiaise tupu, talie na kapu latou mei Esipito, o lotou mavae fakatavili kae na leaise lotou too ia ni nea kai ke ano mo latou.

Ekesote 6:1

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Ekesote 8:25

Na tali loa Moisese : E kau mavae loa i lou fale, ti e kau faikole loa ki le Eteleno. I le aso apogipogi, e fakamamao loa a lago meia Falaone, mo ana tagata fakasausau, ti mo lona kakai. Kae ke aua na toe kaka loa Falaone, o fakafiti ke tuku ke ano le kakai o momoli ni sakilifisio ki le Eteleno.

Ekesote 8:8

Ti na mavae loa Moisese mo Alone mei le fale o Falaone. Ti na kalaga loa Moisese ki le Eteleno o uiga mo kelenui ala na tautea ki ai Falaone.

Uluaki tosi a Samuele 6:6

Kolea ka kotou fakafefeka ai loa okoutou loto ofaipe le fakafefeka o loto o Falaone mo le kau Esipito ? Pe na leaise fakavilo loa e le Atua ana tautea kia latou, pe na leaise lotou tuku loa ke ano a fanau a Iselaele ?