Ekelesiasi 9:3 - Tosi Tapu

³ Ko leinei se tasi a veli i nea fuli ala e fai i le lalo laa : Ko leinei e i ai se ikuaga e tasi ki tagata fuli ; koia e apele ai le loto o vosa o le tagata i le agaveli, ti e nofo le valea i olatou loto i le lolotoga olatou mauli ; kae i le fakaoki e lotou ano ki le nofoaga o le kau mate. Talie ko ai e kese loa ?

Ekelesiasi 9:3 ပူးပေါင်းရင်းမြစ်များ

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Sopo 15:16

Ti e feaki ake loa le lasi o le fakalialia mo le kelekele o le tagata, Leia e inu ia le agasala ofaipe le vai ?

Sopo 21:26

Kae ko latou fuli ana e momoe fakatasi i le kele, Ti e kai fuli latou e ilo.

Sopo 9:22

E tatau fai kiate au ? Koia e kau toa ai, o pati : E maumaui fakatatau e le Atua leia e saosaoa mo leia e agasala.

Pesalemo 51:5

Talie e kau iloa aku sala : Ti e tuu mau laku agasala i oku mua.

Pesalemo 64:7

E lotou fakakaukau ni nea veveli : Kua motou tokamalie, kua fai le fakatuutuu ! Ko manatu fakapulipuli, ko le loto o le tagata ko se vanu loloto.

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Ekelesiasi 1:17

Na kau tuku loku loto ke iloa ia le poto, ti ke iloa ia le valeuka mo le valea ; na kau matala ko le nea foki lena ko le tuli o le matagi.

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Ekelesiasi 2:14

talie e iloa e le tagata poto le ganea leia e ano ki ai, kae e saele taufa le tagata valea. Kae na kau iloa foki ko le nea e tasi e soko loa kia laua.

Ekelesiasi 7:2

E malie ake le ano ki se fale leia e fai ai ni tagi laulau i le ano ki se fale leia e fai ai se kaitasi ; talie ko le mate ko le fakaokiaga a ia o tagata fuli, ti ko leia e mauli e tokaga loa ki ai.

Ekelesiasi 7:25

Na kau faiga loa i loku loto ke kau iloa, mo kau oono, ti mo kau afa le poto mo le uiga totonu o nea fuli ; ti na kau ako loa mei ai ko le valea le agaveli mo le sala atamai.

Ekelesiasi 8:11

Talie e leaise soko fakatavili se tautea ki leia e fai ia le veli, koia e apele ai a loto o vosa o tagata i le oli ke fai ia le veli.

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Ekelesiasi 9:2

Ti e tatau ki tagata fuli. Ko se ikuaga e tasi ki le tagata agatonu, mo le tagata agaveli, mo leia e agamalie, mo leia e mea, mo leia e kelekele, mo leia e fai ia ni sakilifisio ti mo leia e leaise fai ia ni sakilifisio ; e toe tatau foki mo le tagata agamalie, mo le tagata agasala, mo leia e fakapapau, ti mo leia e i i le fakapapau.

Ekelesiasi 9:4

Talie e ia se amanaki malie kia latou fuli ala koi mauli : ti e malie ake se kuli mauli i se laione kua mate.

Selemia 16:12

Ti ko koutou, na kotou fai le veli o lasi ake i okoutou tamana ; Ti ko leinei, e tasi mulimuli le tagata ki oli o lona loto veli, Ke aua na fakalogo mai kiate au.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Selemia 17:9

E pikopiko le loto o fakalaka i nea fuli, ti e agaveli a ia : Ko ai e mafai ke iloa ia a ia ?

Luka 15:17

Na fakakaukau loa a ia i lona loto, o pati : E toka fia a tagata gaoi totogi i le fale o loku tamana ala e maua ia se pane o lasi, ti mo au leinei ka mate i le fia kai !

Luka 6:11

Kae na lotou apele loa i le ita, ti na lotou fakakaukau loa pe kolea ke lotou fai kia Sesu.

Gaoi 12:23

I le temi fai lena na taai loa a ia e se aselo o le Aliki, talie na leaise fakakololia a ia ki le Atua, ti na kai loa a ia e ilo, o mate.

Gaoi 26:11

Na kau tautea latou o tua lasi ai i sinakoka, ti na kau fakamakeke latou ke fatituu. I loku ita fakavale kia latou, na kau fakavelivelii latou o kaku ki kolo matapule.

Gaoi 26:24

I lana masau fenaaki ke fakamatatonu a ia, na kalaga loa Fesitusi : Paulo, kua ke valea ! Kua fakauluvale a koe e lou poto lasi.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Lua tosi a Petelo 2:16

kae na valoki a ia o tupu ko lana patigataa : na masau loa se asino fafine gutu mate i se leo o se tagata, o taofi le valea o le polofeta.