Ekelesiasi 7:9 - Tosi Tapu

⁹ Aua na ke ita vave i lou loto, talie e nofo le ita i le fatafata o le kau vale.

Ekelesiasi 7:9 ပူးပေါင်းရင်းမြစ်များ

Senesi 4:8

Kae na pati loa Kaino ki lona taina ko Apele ke la ano ki fafo. I lala kaku ki faisaga, na oso loa Kaino ki lona taina ko Apele, o tamate a ia.

Lua tosi a Samuele 13:22

Na leaise toe masau loa Apesalone kia Amone ; kae na vesia loa a ia kiate ia talie na fakamatagafua e ia Tamale, lona tuagaane.

Lua tosi a Samuele 13:28

Na tuku loa e Apesalone le fakatotonu leinei ki ana tagata fakasausau : Kotou tokaga i le temi leia e kona ai loa Amone ti e kau pati atu ai loa kia koutou : Kotou taai Amone ! Ti kotou tamate loa a ia, aua na kotou i ki se nea, pe leaise ko au leia kua fakatotonu ia atu a ia kia koutou ? Ke kotou loto toa ti ke kotou fakasa lokoutou loto makeke !

Lua tosi a Samuele 13:32

Na masau loa Sonatape, vosa o Simea, taina o Tavite, o pati : Ke aua na manatu loa loku aliki kua tamate loa a tupulaga fuli, vosa o le sau, talie ko Amone toka tasi leia kua mate ; ti ko le nea lena na fakapapau e Apesalone talu mei le aso leia na fakamatagafua ai e Amone a Tamale, lona tuagaane.

Lua tosi a Samuele 19:43

Ti na tali loa a tagata o Iselaele ki tagata o Suta : E motou kau tua kau agafulu ki le sau, ti e toe lasi ake kia Tavite ia koutou. Kolea na kotou fakanoai ai matou ? Pe na leaise ko matou ala na uluaki manatu ke toe aumai lomatou sau ? Ti na masau loa a tagata o Suta o makeke ake i tagata o Iselaele.

Taagapati 14:17

Ko leia e itaita vave e fai ia ni sala valea, Ti e tupu le vesia ki le tagata leia e apele i manatu veveli.

Taagapati 14:29

Ko leia e leaise itaita vave e nofo mo se atamai lasi, Kae ko leia e itaita vave e fakasa ia lona valea.

Taagapati 16:32

Ko leia e ita tuvai e malie ake i le tagata toa, Ti ko leia e loto lolomi e malie ake i leia e malo i se kolo.

Taagapati 25:8

Aua na ke fakatavili o fakasa i le fakamaauaga le nea leia na ke tio ki ai, Talie na fakaoki ake e leaise koi ke iloa se nea ke fai, Mo ka fakaluma loa a koe e lou oloi.

Ekelesiasi 7:10

Aua na ke pati : Kolea na malie ake ai a aso i mua i aso anei ? Talie e leaise ko le poto a ia e tupu ai lau vesili.

Sonasi 4:3

I le aso nei, Eteleno, ke ke too la loku mauli iate au, talie e malie ake le mate kiate au i le mauli.

Sonasi 4:8

I le sopo ake o le laa, na fakaagi loa e le Atua se matagi vevela mei le esite, ti na tutu loa e le laa le fa ulu o Sonasi, o fakapouli ai ona mata. Ti na kole loa e ia le mate, o pati : E malie ake le mate kiate au i le mauli.

Sonasi 4:9

Kae na pati loa le Atua kia Sonasi : Pe malie koia lau itaita o tupu ko le lisega ? Na tali loa a ia : E tonu loku itaita o kaku ki le mate.

Maleko 6:19

Koia na ita ai Elotiasi kia Soane, o loto ke tamate a ia.

Maleko 6:24

Na ulu loa le taine mei le kogafale, o pati ki lona tinana : Kolea loa le nea leia e tonu ke kau kole ? Ti na tali loa lona tinana : Ko le fa ulu o Soane-Patita.

Sakopo 1:19

Ke kotou iloa le nea leinei, ei oku fetaina alofaina : ke fakalogologo vave a tagata fuli, ke aua na masau vave, ke aua na itaita vave ;