Ekelesiasi 7:2 - Tosi Tapu

² E malie ake le ano ki se fale leia e fai ai ni tagi laulau i le ano ki se fale leia e fai ai se kaitasi ; talie ko le mate ko le fakaokiaga a ia o tagata fuli, ti ko leia e mauli e tokaga loa ki ai.

Ekelesiasi 7:2 ပူးပေါင်းရင်းမြစ်များ

Pesalemo 90:12

Ako matou ke motou iloa le lau omatou aso, O tupu ke motou maua se loto leia e poto.

Ekelesiasi 2:14

talie e iloa e le tagata poto le ganea leia e ano ki ai, kae e saele taufa le tagata valea. Kae na kau iloa foki ko le nea e tasi e soko loa kia laua.

Ekelesiasi 2:16

Talie ko nea fuli ala e soko e galoi i aso fua ala i muli. E mate le tagata poto o tatau mo le vale, ti e leaise lasi ake loa le manatu ki le poto i le vale. Kolea lona tupuaga ?

Ekelesiasi 3:19

Talie e tatau le fakaoki o vosa o le tagata mo leia o le manu. E mate le tagata ofaipe le mate o le manu, ti e tukumanava le tagata ofaipe le manu, koia e leaise mauiga ake ai le tagata i le manu ; talie e vaiga nea fuli.

Ekelesiasi 3:20

E ano nea fuli ki le ganea e tasi ; na fai a nea fuli ki le efu, ti e toe liliu nea fuli ki le efu.

Ekelesiasi 6:6

Ti kapau e mauli foki le tagata lena i ni fetuu e lua afe kae e leaise iloa e ia le fiafia, kolea le uiga o lona mauli ? Talie e ano a nea fuli ki le ganea e tasi.

Ekelesiasi 9:2

Ti e tatau ki tagata fuli. Ko se ikuaga e tasi ki le tagata agatonu, mo le tagata agaveli, mo leia e agamalie, mo leia e mea, mo leia e kelekele, mo leia e fai ia ni sakilifisio ti mo leia e leaise fai ia ni sakilifisio ; e toe tatau foki mo le tagata agamalie, mo le tagata agasala, mo leia e fakapapau, ti mo leia e i i le fakapapau.

Ekelesiasi 9:3

Ko leinei se tasi a veli i nea fuli ala e fai i le lalo laa : Ko leinei e i ai se ikuaga e tasi ki tagata fuli ; koia e apele ai le loto o vosa o le tagata i le agaveli, ti e nofo le valea i olatou loto i le lolotoga olatou mauli ; kae i le fakaoki e lotou ano ki le nofoaga o le kau mate. Talie ko ai e kese loa ?

Ekelesiasi 9:5

Talie e iloa e le kau mauli e lotou mamate loa ; kae e leaise iloa se nea e latou ala kua mamate, ti e leaise toe talitali ki se totogi, talie kua galo latou.

Esaia 47:7

Na ke pati : E kau fafine aliki loa o lee gato ! Na leaise ke tuku fua ki lou loto, Na leaise ke manatu fua e oki loa le nea a ia i se aso.

Selemia 16:8

Aua na ke ulu foki ki se fale leia e fai ai se kaitasi, O eke fakatasi mo latou, O kai ti mo inu.

Akeseo 1:5

Koia e folafola ai i le aso nei le Eteleno o kau tau, o pati : Kotou fakakaukau ki okoutou ala !

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Numelo 23:10

Ko ai leia e mafai ke lau ia le efu o Sakopo, Ti ke fakasa ia le lasi o le vaega fa o Iselaele ? Ke kau mate i le mate o le kakai agatonu lena, Ti ke tatau loku fakaoki mo lolatou !

Mateo 5:4

Manuia latou ala e loto mamae, talie e fakapelepelei loa latou !

Tetelonome 32:29

Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.

Tetelonome 32:46

Na pati loa a ia kia latou : ke kotou too fakamalotoloto a folafola fuli anei e kau fakapapau atu kia koutou i le aso nei, ti ke kotou fakatotonu latou ki okoutou fanau, o tupu ke lotou tausi latou mo fai latou.

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Epelo 9:27

Kua fakatuutuu ke mate tua tasi a tagata fuli, ti o soko mai loa le fakamaau.