Ekelesiasi 3:2 - Tosi Tapu

² Se temi ke tupu ai, mo se temi ke mate ai, mo se temi ke to ai, ti mo se temi ke taaki ai le nea leia kua to ;

Ekelesiasi 3:2 ပူးပေါင်းရင်းမြစ်များ

Epelo 9:27

Kua fakatuutuu ke mate tua tasi a tagata fuli, ti o soko mai loa le fakamaau.

Sopo 14:5

Kapau kua tosi a aso o le tagata, ti kapau kua ke lau ona masina ; Ti kapau kua ke fakatotonu le koiga ke aua na fakalaka ai,

Kalate 4:4

kae i le kaku mai o le temi leia na fakatuutuu ki ai, na kakau mai loa e le Atua lona Alo, leia na tupu mei se fafine, leia na tupu i le lao,

Luka 1:20

Ti ko leinei, e ke gutu mate loa, ti e leaise mafai loa lau masau o kaku ki le aso leia e soko ai loa a nea ana, talie na leaise ke tui ki aku folafola, ala e soko loa i lona temi.

Mateo 15:13

Na tali loa Sesu : Ko ga laakau fuli ala na leaise to e loku Tamana i Selo e taaki loa.

Soane 16:21

Ko le fafine, mo ka fanau, e logoi e ia le mamae, talie kua soko lona ola ; kae, ka fanaui loa e ia lona toe, e leaise toe manatui loa e ia lona mamae, i lona fiafia talie kua tupu se tagata ki le malama nei.

Esaia 38:1

I le temi lena, na masaki loa Esekiasi, o teiteiki ke mate. Ti na au loa le polofeta ko Esaia, vosa o Amotesito, o pati kiate ia : Ko leinei le folafola a le Eteleno : Tuku au fakatotonu ki lou fale, talie ka ke mate loa, talie leaise ke toe mauli loa.

Sopo 7:1

E fai le mauli o le tagata i le malama nei pe leia o se tagata solia, Ti e tatau ona aso mo la o se tagata solia gaoi totogi.

Gaoi 7:20

I le temi lena, na tupu loa Moisese, leia na fulumalie ki mata o le Atua. Na fagai loa a ia i ni masina e tolu i le fale o lona tamana ;

Gaoi 7:17

Na ofi mai loa le temi leia na tonu ke fakasoko ai le fakapapau leia na fai e le Atua kia Apalaamo ; ti na tupu loa o toka api ai le kakai i Esipito,

Soane 7:30

Na lotou afa loa ke too a ia, kae na leaise fafa loa le lima o se tasi kiate ia, talie na leikiaise soko lona ola.

Luka 1:36

Ko leinei, kua tinae foki Elisapeta, lou kaiga, ko se toe tama, kae kua finematua : ti ko leia na pati e paa kua nofo a ia i lona masina ono.

Luka 1:13

Kae na pati loa le aselo kiate ia : Aua na ke i, Sakalia, talie kua tali lau kole. E fanaui loa e lou avaga ko Elisapeta se vosa kiate koe, ti e ke soli loa kiate ia le igoa ko Soane.

Mateo 13:41

E kakau loa e le Vosa o le tagata ana aselo, ke lotou taaki i lona Puleaga a nea fuli ala e fakatupu veli ti mo latou ala e fai ia a aga fakalialia :

Selemia 45:4

Pati kiate ia : E folafola le Eteleno, o pati : Ko leinei, e kau maumaui loa le nea leia kua kau fakatuu ; ti e kau taaki loa le nea leia kua kau to, io, le fenua katoa leinei.

Selemia 1:10

Tio, kua kau tuku kiate koe i le aso nei se makeke ki atu kakai mo atu puleaga, o tupu ke ke taaki mo veteki, ke ke maumaui mo soloi, ke ke lagai ake mo to.

Esaia 54:1

Ke ke fakafiafia, fafine paa, a koe leia e leaise koi fanaunau ! Ke ke fakasa lou nekenekea mo lou fiafia, a koe leia e leaise koi mamae lou ganea ! Talie ko vosa o leia na tiakina e toka api ake loa I vosa o le fafine leia na avaga, e pati le Eteleno.

Esaia 38:5

Ano, o pati kia Esekiasi : Ko leinei le folafola a le Eteleno, le Atua o Tavite, lou tamana : Kua kau logo ki lau kole, ti kua kau tio ki ou loimata. Ko leinei, e kau toe fakalasi loa ou aso ki ni fetuu e kau agafulu tupu lima.

Pesalemo 113:9

E soli e ia se fale ki le fafine leia e paa, E fakaliliu e ia a ia ko se tinana fiafia i loto malie o ana fanau. Kotou fakafetai ki le Eteleno !

Pesalemo 52:5

E ke manako ake ki le veli i le malie, Ki le loi i le maoki. - Manava.

Sopo 14:14

Ka na feala ke toe mauli le tagata leia kua mate, E kau maua loa le amanaki malie i le temi katoa o oku mamae, O kaku ki le temi e fetogi ai loa loku anoaga.

Lua tosi o Sau 4:16

Na pati loa Eliseo kiate ia : I le temi leinei o le fetuu ka au, e ke sogi loa ki se vosa. Ti na tali loa le fafine : Leai ! loku aliki, tagata a le Atua, aua na ke loiloisii lau fafine fakasausau !

Uluaki tosi o Sau 13:2

Na kalaga loa a ia ki le aletale, o mulimuli ki le folafola a le Eteleno, ti na pati loa a ia : Aletale ! aletale ! ko leinei le folafola a le Eteleno : Ko leinei, e tupu loa se vosa i le fale o Tavite, ko lona igoa ko Sosiasi ; e tutu loa e ia i ou aluga a pelepitelo o potu taualuga ala e tutu ia i ou aluga ni kaloni, ti e tutu loa i ou aluga ni ivii tagata !

Uluaki tosi a Samuele 2:5

Kua gaoi totogi latou ala na makokona ki se pane, Ti kua malolo latou ala na pakupaku ; Kua fanau tua fitu le fafine paa, Ti kua fefe le fafine leia na mauke ona fanau.

Tetelonome 34:5

Na mate loa Moisese, tagata fakasausau a le Eteleno i lena, i le fenua o Moape, o mulimuli ki le fakatotonu a le Eteleno.

Senesi 47:29

Na fakafeofi loa Iselaele ki le temi o lona mate, ti na kalagai loa e ia lona vosa ko Sosefo, o pati kiate ia : Kapau e ke alofa kiate au, ti ke fakasa loa kiate au lou alofa mo lou agatonu : Aua na ke tanu loa au i Esipito. E kau kole atu kiate koe, ke ke fakapapau mai kiate au, o velo mai lou lima ki lalo o loku tega.

Senesi 17:21

Kae ko laku sai, e kau fai loa a ia mo Isaake, leia e fanaui loa e Sala kiate koe i le temi totonu leinei o le fetuu ka au.

Taagapati 24:27

Teuteu au gaoi i fafo, Teuteu lau faisaga ke malie, Ti ke fakatuu loa lou fale.

Esaia 28:24

Ko leia e laga ia le kele ke to ai le pulapula, pe laga a ia o lee gato ? Pe fakamavaa ti mo fakamaluu e ia le kele o lee gato ?