Ekelesiasi 2:9 - Tosi Tapu

⁹ Na kau liliu loa o lasi, o lasi ake ia latou fuli ala na mua iate au i Selusalemi. Kae na kau nofo malama aifuai i le temi katoa lena.

Ekelesiasi 2:9 ပူးပေါင်းရင်းမြစ်များ

Uluaki tosi o Sau 10:23

Na lasi ake le sau ko Salomone i sau fuli o le kele, i ona koloa mo lona poto.

Uluaki tosi o Sau 10:7

Na leaise kau tui ki ai, i mua o laku au o tio mata totonu. Ti ko leinei, na leaise fakamatala mai kiate au lona vaelua. E lasi ake lou poto mo lou mou koloa i le nea leia na kau logo ki ai.

Uluaki tosi o Sau 3:12

ko leinei, e kau fai loa o mulimuli ki lau kole. E kau soli loa kiate koe se loto poto mo atamai ; koia e leaise maua loa se tasi e tatau mo koe talu mei mua, ti e leaise toe tupu ake loa se tasi ke tatau mo koe ki muli.

Uluaki tosi o Koloniko 29:25

Na siki loa e le Eteleno a Salomone o taualuga lasi i mua o Iselaele katoa, ti na fakaliliu loa e ia lona sau o logologona ake i sau fuli o Iselaele i ona mua.

Lua tosi o Koloniko 1:1

Na makeke loa Salomone, vosa o Tavite, i lona puleaga ; ti na nofo loa mo ia le Eteleno, lona Atua, o siki a ia o lasi ai.

Ekelesiasi 1:16

Na kau pati i loku loto : Ko leinei, kua kau lasi, ti kua kau fakalaka ake i le poto ia latou fuli ala na sau i oku mua i Selusalemi, ti kua tio loku loto ki se poto lasi mo se iloa lasi.

Ekelesiasi 5:11

E fimalie le moe a le tagata gaoi, pe ikiiki pe lasi lana nea kai ; kae ko le makona o le tagata mou koloa e leaise tuku ia a ia ke moe.