Ekelesiasi 2:4 - Tosi Tapu

⁴ Na kau fai loa ni gaoi lalasi : na kau laga ni fale kiate au ; na kau to loa ni faisaga vite kiate au ;

Ekelesiasi 2:4 ပူးပေါင်းရင်းမြစ်များ

Senesi 11:4

Na lotou toe pati loa : Tou tutuu ki aluga, ti tou fakatuu se kolo mo se tule leia e tau lona tumutumu ki le lagi ; ke logo ai lotatou igoa, ti ke aua na tou mavetevete loa i aluga o le malama nei katoa.

Lua tosi a Samuele 18:18

I le temi leia na mauli ai Apesalone, na fakatuu e ia sona fatu fakamanatu i le vaivailiua o le sau ; talie na pati a ia : E leai soku vosa ke taupau ia le fakamanatu o loku igoa. Ti na tuku loa e ia lona igoa totonu ki le fatu lena, leia koi fakaigoa i le aso nei ko le fatu fakamanatu o Apesalone.

Uluaki tosi o Sau 15:19

Ke i ai se sai iate koe mo au, ofaipe le sai leia na fai e loku tamana mo lou tamana. Ko leinei, e kau avatu loa kiate koe se nea alofa ko le aulo mo le paaga. Ano, ti ke motusi lau sai mo Paesa, sau o Iselaele, o tupu ke fakamamao atu a ia iate au.

Uluaki tosi o Sau 9:1

I le oki o le fakatuu e Salomone o le fale o le Eteleno, mo le fale o le sau, ti mo nea fuli ala na loto a ia ke fai,

Uluaki tosi o Koloniko 27:27

na pule Simei, mei Lama, ki faisaga vite ; na pule Sapeti, mei Sefami, ki le vino o faisaga vite ;

Lua tosi o Koloniko 26:10

Na fakatuu loa e ia ni tule i le toafa, ti na kenu loa e ia ni sosoni mauke, talie na maua e ia ni kau manu lasi i vaivailiua mo le laumalie o le fenua, mo ni kau tagata gaoi kele mo gaoi vite i mauga o Kalemelo, talie na fia fai a ia ki le gaoi kele.

Lua tosi o Koloniko 8:11

Na avake loa e Salomone le taine o Falaone mei le kolo o Tavite ki le fale leia na fakatuu e ia ; talie na pati loa a ia : E leaise nofo loa laku avaga i le fale o Tavite, sau o Iselaele, talie e tapu a ganea ala kua ulu ki ai le aleka o le Eteleno.

Pesalemo 49:11

Talie e lotou tio loa ki ai : E mamate le kau poto, E toe mate foki le tagata valea mo leia e sala atamai, Ti e lotou tuku olatou koloa ki ni iki ake.

Katiko o Katiko 1:14

Ko loku mamanaaga e fai kiate au pe se fui toloene Mei faisaga vite o Ene-Keti.

Katiko o Katiko 7:12

Au, ei loku mamanaaga, ta ano ki faisaga, Ta nonofo i le pouli i kolo liliki !

Esaia 5:1

E kau sua loa ki loku alofaaga Le katiko o loku alofaaga ki lana vite. Na maua e loku alofaaga se faisaga vite, I se mauga kele mauli.

Taniela 4:30

ti na masau loa le sau, o pati : Pe leaise ko Papilone leinei, le kolo lasi leia na kau laga ko se nofoaga fakasau, ke fakasa ai le lasi o loku makeke, mo le kololia o laku pule.