Ekelesiasi 2:3 - Tosi Tapu

³ Na kau fakatotonu i loku loto ke kau tuku loku tino ki le vino, kae taki loa au e loku loto i le poto, ti ke kau pipiki ki le valea o kaku ki laku tio ki le nea leia e malie ke fai e vosa o le tagata i le lalo lagi i le lolotoga o lolatou mauli.

Ekelesiasi 2:3 ပူးပေါင်းရင်းမြစ်များ

Senesi 47:9

Na tali loa Sakopo kia Falaone : Ko fetuu o loku mauli, i le temi leia na kau feanoaki ai, ko le kau lelau kau tolu. E teiki fua fetuu o loku mauli mo veveli, e leaise lotou kaku ki fetuu o oku tamana.

Sopo 14:14

Ka na feala ke toe mauli le tagata leia kua mate, E kau maua loa le amanaki malie i le temi katoa o oku mamae, O kaku ki le temi e fetogi ai loa loku anoaga.

Pesalemo 104:15

Le vino leia e fakafiafia ia le loto o le tagata, Ti mo le lolo leia ke fakagigila ia ona mata, Ti mo le pane leia ke fakamakeke ia le mafu o le tagata.

Taagapati 20:1

E gologolo le vino, ti e logoa a kava makeke ; Ko leia e fakavalevale ki ai e leaise poto.

Ekelesiasi 1:17

Na kau tuku loku loto ke iloa ia le poto, ti ke iloa ia le valeuka mo le valea ; na kau matala ko le nea foki lena ko le tuli o le matagi.

Ekelesiasi 10:19

E fai ni kaitasi ke tupu ai le kata, ti e fakafiafia e le vino le loto, ti e tuku e le paaga a nea fuli e loto ki ai.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Ekelesiasi 2:24

Ko le nea e tasi e fiafia ai le tagata : ko le kai, mo le inu, ti mo le fakafiafia o lona laumalie ki le fua o lana gaoi ; kae na kau tio foki ko le Atua leia e soli ia le nea lena.

Ekelesiasi 5:18

Kae kapau na soli e le Atua ki se tagata ni koloa mo ni nea malilie, ti kapau na tuku e ia ke pule le tagata lena ki ona koloa o kai, mo too lona vaega, ti mo fiafia i loto malie o lana gaoi, ko le nea lena ko se nea alofa a ia o le Atua.

Ekelesiasi 6:12

Talie e fakalaka le tagata i le mauli ofaipe le ata. Ko ai e iloa ia le nea leia e malie ke fai e ia i aso taki tasi o lona mauli vaiga ? Ti ko ai e feala ke fakasa ia ki le tagata le nea leia ka soko loa i ona muli i le lalo laa ?

Ekelesiasi 7:18

E malie ke ke taofi mau le tasi, ti aua na tiaki leia, talie ko leia e i ki le Atua e leaise tonu ke vilo ki nea fuli ana.

Ekelesiasi 7:25

Na kau faiga loa i loku loto ke kau iloa, mo kau oono, ti mo kau afa le poto mo le uiga totonu o nea fuli ; ti na kau ako loa mei ai ko le valea le agaveli mo le sala atamai.

Ekelesiasi 8:15

Ti na kau fakavikiviki loa ki le fiafia, talie e leaise tasi ake manuia ki le tagata i le lalo laa i le kai, mo le inu, mo le fakafiafia ; talie ko le nea a ia leia e tonu ke maua tuumau e ia i lana gaoi, i lona mauli leia e soli e le Atua kiate ia i le lalo laa.

Mateo 6:24

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Tuifakamaau 9:13

Kae na tali loa le vite kia latou : Pe kau fakafiti loa ki loku vino leia e fakafiafia ia le Atua mo tagata, o ano o lagiaki ki laakau ?

Uluaki tosi a Samuele 25:36

Na kaku loa Apikaile ki tafa o Napale. Ti ko leinei, na fai e ia i lona fale se kaitasi ofaipe se kai fakasau ; kua fiafia ai lona loto, ti kua kona oki a ia. Na leaise fakasa loa e Apikaile kiate ia se nea fua e tasi, ikiiki pe lasi, o kaku ki le mafoa mai o le ao.