Efeso 6:9 - Tosi Tapu

⁹ Ti ko koutou, kau pule, kotou fai fenaaki kia latou, ti aua na kotou fakaii kia latou, ke kotou iloa e nofo i le lagi lolatou pule mo lokoutou, ti e leaise kese se tasi i ona mua.

Efeso 6:9 ပူးပေါင်းရင်းမြစ်များ

Neemia 5:5

Kae ko leinei e tatau lomatou kanofi mo le kanofi o omatou fetaina, ti e tatau amatou fanau mo alatou fanau ; ti ko leinei e tonu ke motou tuku amatou fanau ke fakapopulai, ti kua toka api i omatou taineliki kua fakapopulai ; e leaise tasi ake puleaki e motou maua, talie kua maua amatou faisaga mo omatou vite e latou ala e motou tuu maua ki ai.

Sopo 34:19

Leia e leaise tokaga fua ki le mamalu o le kau lalasi, Ti e leaise fakakesekese ia le tagata mou koloa mo le tagata mativa, Talie ko latou fuli ko gaoiaga o ona lima ?

Pesalemo 140:12

Ko le tagata leia e gutu loiloi e leaise makeke i le malama nei ; Ti ko le tagata agamakeke, e maumaui a ia e le malaia.

Ekelesiasi 5:8

E malie ake ki le fenua ke maua e ia se sau leia e fakamuamua ia i nea fuli le gaoi ki faisaga.

Esaia 47:6

Na kau ita ki loku kakai, Ti na kau fakakelekele loku tofiga ; Ti na kau tuku latou ki ou lima : Kae na leaise ke maua fua kia latou se manava alofa, Ti na ke fakamamafa lau laakau ki le matua.

Taniela 3:15

I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Taniela 3:6

Ko leia e leaise punou loa ti e leaise atolasio loa ki le fakatata e ti loa a ia i le temi fai lena ki se gutuumu kaka.

Levitiko 19:13

Aua na ke pulei fakaveli loa lou oloi, ti aua na ke too fakamakeke loa se nea iate ia. Aua na ke taofi loa o kaku ki le apogipogi le totogi o le tagata gaoi.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 22:10

Na ano loa a tagata fakasausau ki ala, o lotou tae latou fuli ala na lotou maua loa i ai, le kau agaveli mo le kau agamalie, ti na apele loa le kogafale o le kaitasi i le kau fakaafe.

Mateo 22:8

Ti na pati loa a ia ki ana tagata fakasausau : Kua tokamalie le kaitasi ; kae e leaise gali le kau fakaafe mo le kaitasi.

Mateo 24:48

Kae kapau ko se tagata fakasausau agaveli a ia, leia e pati i lona loto : E tuvai mai loku pule,

Mateo 24:51

Ti e tautea fakaveliveli loa e ia le tagata fakasausau lena, o soli kiate ia lona vaega mo le kau malualoi : Ko lena le ganea leia e maua ai loa ni tagi mo ni fetati o nifo.

Mateo 7:12

Ko nea fuli ala e kotou loto ke fai atu e tagata kia koutou, kotou fai foki a ia kia latou, talie ko lena le lao ti mo le kau polofeta.

Luka 6:31

Ko le nea leia e kotou loto ke fai e tagata kia koutou, kotou fai a ia kia latou.

Soane 13:13

E kotou fakaigoa au ko le Pule mo Aliki, ti e kotou pati tonu, talie ko au a ia.

Gaoi 10:34

Ti na fakamavaa loa e Petelo lona gutu, o pati : E maoki e kau iloa e leaise filifili lanu le Atua,

Loma 2:11

Talie e leaise fakakese e le Atua se tasi i ona mua.

Uluaki tosi ki le kau Kolinto 1:2

ki le Ekelesia o le Atua i Kolinito, kia latou ala kua vaei kese ia Sesu-Kilisito, ti kua kalagai ke maokioki, ti mo latou fuli ala e too ia i potu kesekese le suafa o lotatou Aliki ko Sesu-Kilisito, ko lolatou Aliki ti ko loma Aliki foki.

Uluaki tosi ki le kau Kolinto 7:22

Talie ko le tagata popula leia kua kalagai e le Aliki ko se tagata lauatea a ia a le Aliki ; ti ko le tagata lauatea leia kua kalagai e le Aliki ko se tagata popula a ia a Kilisito.

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Kolose 3:25

Talie ko leia e leaise agatonu i lana gaoi e tali ia loa o mulimuli ki lona lee agatonu, talie e leaise fakapalatasi ki le kakai.

Kolose 4:1

Pule, kotou soli ki akoutou tagata fakasausau le nea leia e totonu mo feauga, o kotou iloa e i ai lokoutou Pule foki i le lagi.

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.

Sakopo 2:8

Kapau e kotou fai le lao o le puleaga, o mulimuli ki le Tosi : E ke alofa loa ki lou oloi o tatau mo koe totonu, e kotou fai malie.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.

Uluaki tosi a Samuele 15:17

Na pati loa Samuele : I le temi leia na ke ikiiki ai ki ou mata, pe na leaise ke liliu loa ko le pule o faasiga o Iselaele, ti na leaise fakanofo loa a koe e le Eteleno ko le sau o Iselaele ?