Efeso 6:4 - Tosi Tapu

⁴ Ti ko koutou, tamana, aua na kotou fakatupu itaita ki akoutou fanau, kae ke kotou taupau latou, o fakatonutonu latou ti mo ako latou ke popoto i le Aliki.

Efeso 6:4 ပူးပေါင်းရင်းမြစ်များ

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Uluaki tosi o Koloniko 29:19

Soli ki loku vosa ko Salomone se loto leia e oli ki le tausi o au folafola, mo au pelesepeto mo au lao, o tupu ke fai e ia a nea fuli anei, ti ke fakatuu e ia le fale sau leinei na kau fai ki ai ni tokonaki.

Taagapati 19:18

Tautea lou vosa, talie koi maua se amanaki malie kiate ia ; Kae aua na ke oli ke fakamate a ia.

Taagapati 22:15

E nonoa le valea ki le loto o le toe ; Kae ko le laakau o le akonaki leia e fakamamao ia loa a ia.

Taagapati 22:6

Akonaki le toe o mulimuli ki le ala leia e tonu ke mulimuli ai ; Ti ka liliu loa a ia o matua, e leaise toe maliu loa a ia mei ai.

Taagapati 29:15

Ko le laakau mo le valoki e tuku ia le poto, Kae ko le fanau leia e tuku ke faifaitalisa e fakatupu ia le luma o lona tinana.

Taagapati 29:17

Tautea lou vosa, ti e soli atu loa e ia le malolo kiate koe, Ti e fakafiafia loa e ia lou laumalie.

Esaia 38:19

Ko leia e mauli, ko leia e mauli, ko ia leia e fakafetai kiate koe, O tatau mo au i le aso nei ; E fakailoilo e le tamana ki ana fanau lou agatonu.

Efeso 6:3

o tupu ke ke manuia mo mauli fualoa i le malama nei.

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Tetelonome 6:7

Ke ke ako loa latou ki au fanau, ti ke ke masau loa kia latou mo ka ke nofo loa i lou fale, mo ka ke fanoga loa, mo ka ke moe loa, ti mo ka ke ala ake loa i lau moe.

Kolose 3:21

Tamana, aua na kotou fakakaekae akoutou fanau, talie ke aua na lotou loto gaegae.

Lua tosi kia Timoteo 1:5

talie e kau taupau foki le tausi alofa malie o le tui maoki leia iate koe, leia na uluaki nofo i lou tupuna ko Loisa ti mo lou tinana ko Eunise, leia, e kau iloa papau, e toe nofo foki iate koe.

Lua tosi kia Timoteo 3:15

Talie talu mei lou ikiiki, na ke iloa le Tosi tapu, leia e mafai ke fakapotoi ia a koe ki le saofaki i le tui kia Sesu-Kilisito.

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.

Tuifakamaau 13:12

Ti na pati loa Manoa : Ko leinei, kapau e soko loa au masau, kolea le nea leia e tonu ke ma mulimuli loa ki ai o uiga mo le toe ? Koa a nea ala e tonu ke ma fai loa kiate ia ?