Ti aua na kotou fakatuu loa ni fale, ti aua na kotou muluki loa se fakaili e tasi, ti aua na kotou to loa se faisaga vite, ti aua na kotou maua loa se faisaga vite ; kae kotou nonofo loa i ni falela, i lokoutou mauli katoa, o tupu ke kotou mauli fualoa i le fenua leia e kotou nofo matapule ai.
Pe ko se nea e malie pe ko se nea e veli, e motou fakalogo loa ki le leo o le Eteleno, lomatou Atua, leia e motou kakau a koe ki ai, o tupu ke motou fiafia, mo kapau e motou fakalogo ki le leo o le Eteleno, lomatou Atua.
Ti ko koutou, tamana, aua na kotou fakatupu itaita ki akoutou fanau, kae ke kotou taupau latou, o fakatonutonu latou ti mo ako latou ke popoto i le Aliki.
Ke ke fakalogo mo ke tausi a nea fuli ana e kau fakatotonu atu kiate koe, o tupu ke manuia o lee gato, a koe mo au fanau ki muli, i le fai o le nea leia e malie mo totonu ki mata o le Eteleno, lou Atua.
Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.
Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.
Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.
Ke ke fai loa le nea leia e totonu mo le nea leia e malie ki mata o le Eteleno, o tupu ke ke manuia loa, ti mo ke ulu loa o maua tofiga le fenua malie leia na fakapapau e le Eteleno ki ou tamana ke soli atu kiate koe,
Koia ke ke fakalogo loa kia latou, Iselaele, ti ke ke fai loa latou, o tupu ke ke manuia ti mo ke liuliuga o api, ofaipe lona fakasa e le Eteleno, le Atua o ou tamana, o fakapapau atu kiate koe se fenua leia e sali ai le sua manu mo le sua meli.
