Efeso 6:2 - Tosi Tapu

² Fakaapaapa ki lou tamana mo lou tinana (ko le uluaki fakatotonu a ia, ti e muli i ai se fakapapau),

Efeso 6:2 ပူးပေါင်းရင်းမြစ်များ

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Taagapati 20:20

Kapau e lauveli se tasi ki lona tamana mo lona tinana, E mate loa lona malama i loto malie o le fakapouli.

Selemia 35:18

Ti na pati loa Selemia ki le fale o le kau Lekape : E folafola le Eteleno o kau tau, le Atua o Iselaele : O tupu kua kotou fakalogo ki fakatotonu a Sonatape, lokoutou tamana, o tupu kua kotou tausi ana lao fuli, ti mo fai a nea fuli ala kua tuku atu e ia kia koutou ;

Selemia 35:7

Ti aua na kotou fakatuu loa ni fale, ti aua na kotou muluki loa se fakaili e tasi, ti aua na kotou to loa se faisaga vite, ti aua na kotou maua loa se faisaga vite ; kae kotou nonofo loa i ni falela, i lokoutou mauli katoa, o tupu ke kotou mauli fualoa i le fenua leia e kotou nofo matapule ai.

Esekiele 22:7

Kua tiaki iate koe le tamana mo le tinana, ti kua fai fakamakeke ki leia e matapule iate koe, ti kua fakapopulai le toe sala matua mo le fafine lokonui.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Loma 13:7

Ke kotou liufaki ki tagata fuli le nea leia e tonu ke maua e ia : le tukusau ki leia e tonu ke kotou ui ki ai, le totogi ki leia e tonu ke kotou totogi ki ai, le i ki leia e tonu ke kotou i ki ai, le fakaapaapa ki leia e tonu ke kotou fakaapaapa ki ai.

Efeso 6:3

o tupu ke ke manuia mo mauli fualoa i le malama nei.

Tetelonome 27:16

Ke malaia le tagata leia e leaise fakaapaapa loa ki lona tamana mo lona tinana ! Ti e pati loa le kakai katoa : Amene !

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Uluaki tosi kia Timoteo 5:4

Ti kapau e maua e se fafine lokonui ni ana fanau pe ko ni ona makopuna, e tonu ke lotou ako i mua o nea fuli le fai o le aga fakaatua ki olatou famili totonu, ti ke lotou totogi ki olatou matua le nea leia na lotou tali meia latou, talie e malie le nea lena ki le Atua.