Efeso 6:18 - Tosi Tapu

¹⁸ Kotou fai i temi fuli i le Laumalie a kole kesekese fuli ti mo ni tagi. Kotou tokaga ki le nea lena mo se kataki fualoa katoa, ti kotou ulufaki le kau sagato fuli.

Efeso 6:18 ပူးပေါင်းရင်းမြစ်များ

Uluaki tosi o Sau 8:52

Ke ke fakamavaa ou mata ki le tagi a lau tagata fakasausau ti mo le tagi a lou kakai ko Iselaele, o tupu ke ke tali latou i nea fuli ala e lotou kole atu loa kiate koe.

Uluaki tosi o Sau 8:54

I le oki o le fai e Salomone o lana kole katoa lena mo lana tagi lena ki le Eteleno, na tuu ake loa a ia ki aluga mei mua o le aletale o le Eteleno, leia na tutuli ai, mo ona lima na mafao ki le lagi.

Uluaki tosi o Sau 8:59

Ke tuku tuumau i mua o le Eteleno, lotatou Atua, a masau anei, ko aku tagi i mua o le Eteleno, i le ao mo le po, ti ke fai e ia lana faitotonu i temi fuli ki lana tagata fakasausau mo lona kakai ko Iselaele,

Uluaki tosi o Sau 9:3

Ti na pati loa le Eteleno kiate ia : Kua kau tali lau kole mo lau tagi ala na ke fai mai kiate au, ti kua kau fakatapui le fale leinei na ke fakatuu ki loku suafa o lee gato ; ti e kau tuku tuumau loa ki ai oku mata mo loku loto.

Esitele 4:8

Na soli foki e ia se siki o le tosi o le lao leia kua tufa i Suse ke fakapuli latou, o tupu ke fakasa e ia a ia kia Esitele ti ke iloa e ia a nea fuli ; ti na fakatotonu loa e ia ke ano Esitele ki le sau, o fai se su kiate ia ti mo se tagi i ona mua o uiga mo lona kakai.

Sopo 27:10

Pe maua e ia lona fiafia i le Mafimafi ? Pe faikole a ia i temi fuli ki le Atua ?

Pesalemo 4:1

Ki le pule o le kau sua. Mo nea faimusika va. Pesalemo a Tavite.

Pesalemo 6:9

Kotou fakamamao atu iate au, koutou fuli ala e fai ia le veli ! Talie e logo le Eteleno ki le leo o oku loimata ;

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Taniela 6:10

I le iloa e Taniela kua tosi le fakatotonu, na ano loa a ia ki lona fale ; ti na fakamavaa loa e ia a katupa o le kogafale i lau fata ki le fetuu o Selusalemi. Ti na tua tolu i le aso na tutuli loa a ia o faikole mo fakavikiviki ki lona Atua, ofaipe lana fai masani i mua.

Taniela 9:20

Na kau toe masau, na kau faikole, ti na kau kofesio aku agasala mo agasala o loku kakai ko Iselaele, ti na kau fai aku tagi ki le Eteleno, loku Atua, o uiga mo le mauga maokioki o loku Atua ;

Oseo 12:4

I le manava o le tinana na kukumi loa e Sakopo le mulivae o lona taina, Ti na poko loa a ia mo le Atua i le temi o lona makeke.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Mateo 17:21

Ti koi mavae le faasiga temonio lena i le faikole mo le sesunio.

Mateo 26:41

Kotou alaala ti kotou faikole, ke aua na kotou siga ki le fakasala ; e makeke le laumalie kae gaegae le tino.

Maleko 13:33

Kotou tokaga, kotou alaala, ti kotou faikole ; talie e leaise kotou iloa pe au fakaa loa le aso lena.

Maleko 14:38

Kotou alaala, ti kotou faikole, ke aua na kotou siga ki le fakasala ; e makeke le laumalie, kae e gaegae le tino.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Luka 22:46

ti na pati loa a ia kia latou : Kolea e kotou momoe ai ? Kotou tutuu o faikole, o tupu ke aua na kotou siga ki le fakasala.

Luka 3:26

vosa o Maati, vosa o Matatiasi, vosa o Semei, vosa o Soseke, vosa o Sota,

Luka 3:37

vosa o Matusala, vosa o Enoke, vosa o Saleti, vosa o Maleleele, vosa o Kainane,

Gaoi 1:14

Na lotou loto tasi fuli o kataki fualoa i le faikole, fakatasi mo fafine, mo Malia, tinana o Sesu, ti mo fetaina o Sesu.

Gaoi 10:2

Na tausi malie a ia mo alofa ki le Atua, a ia mo lona fale katoa ; ti na fai e ia ni nea alofa lasi ki le kakai, mo faikole tuumau ki le Atua.

Gaoi 12:5

Ti na leo loa Petelo i le fale pilisoni ; kae na leaise toe gato loa lona ulufaki e le Ekelesia ki le Atua.

Gaoi 6:4

Ti ko matou, e motou soko atu loa lamatou tokaga ki le faikole ti mo le gaoi o le folafola.

Loma 12:12

Ke kotou fakafiafia i le amanaki malie. Ke kotou kataki fualoa i le mamae. Ke kotou agatonu i le faikole.

Loma 8:15

Ti na leaise kotou tali se laumalie o le popula ke kotou toe nonofo ai i le i ; kae kua kotou tali se Laumalie o le fufui, leia e tou kalaga ai : Apa ! Tamana !

Kalate 4:6

Tie talie ko vosa koutou, kua kakau mai e le Atua ki otou loto le Laumalie o lona Alo, leia e kalaga : Apa ! Tamana !

Efeso 1:16

e leaise koi gato laku fakafetai o tupu ko koutou, o kau too okoutou igoa i aku faikole,

Efeso 2:22

Iate ia kua fau foki koutou ke liliu ko se nofoaga o le Atua i le Laumalie.

Efeso 3:18

o tupu ke kotou matala mo le kau sagato katoa ki le lau lasi, mo le loa, mo le loloto, ti mo le taualuga,

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Efeso 6:19

Kotou ulufaki au, o tupu ke soli mai kiate au, mo ka kau fakamavaa loku gutu, ke kau fakasa i le loto toa ti mo le lauatea le misitelio o le Evaselio,

Filipe 1:4

o leaise toe gato laku ulufaki koutou,

Filipe 4:6

Aua na kotou tokaga mamae ki se nea e tasi, kae kotou fakasa ki le Atua a nea ala e aoga kia koutou i ni kole, mo ni kolekole, ti mo ni fakafetai,

Kolose 1:3

E ma fakafetai ki le Atua, le Tamana o lotatou Aliki ko Sesu-Kilisito, ti e leaise toe gato lama ulufaki koutou,

Kolose 1:4

talu mei lama logo ki lakoutou tui kia Sesu-Kilisito ti mo lokoutou alofa ki le kau sagato fuli,

Kolose 4:2

Kotou kataki fualoa i le faikole, kotou alaala i ni faikole mo ni fakafetai ki le Atua.

Uluaki tosi ki le kau Tesalonika 5:17

Kotou faikole sosoko.

Uluaki tosi kia Timoteo 2:1

Koia e kau kole ai, i mua o nea fuli, ke fai ni kole, mo ni ulufaki, mo ni tagi, ti mo ni fakafetai, o tupu ko tagata fuli,

Lua tosi kia Timoteo 1:3

E kau fakafetai ki le Atua, leia na tausi e oku tamana i mua, leia e kau tausi i se atamai mea, e kau manatui tuumau a koe i aku faikole i le po mo le ao ;

Filemo 1:5

talie kua kau logo ki le tui leia e ke maua ki le Aliki ko Sesu, ti mo lou alofa ki le kau sagato fuli.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Uluaki tosi a Petelo 4:7

Kua ofi le fakaoki o nea fuli. Koia ke kotou popoto mo alaala, o tokaga ki le faikole.

Suta 1:20

Kae ko koutou, alofaina, ke kotou faufau koutou totonu i lakoutou tui maokioki, ti ke kotou faikole i le Laumalie Maokioki,

Uluaki tosi a Samuele 1:12

I le fualoa o lana faikole i mua o le Eteleno, na tioi loa e Eli lona gutu.