Efeso 6:14 - Tosi Tapu

¹⁴ Koia, kotou tuu makeke : kotou toi i okoutou vakavaka le kilipipi o le maoki, ti kotou tui ki le fatafata le kofu tau o le maokioki,

Efeso 6:14 ပူးပေါင်းရင်းမြစ်များ

Lua tosi o Sau 3:21

Kae i le logo loa a le kau Moape fuli kua pale ake a sau e toka tolu ke taui latou, na lotou tanaki loa latou fuli ala na mafai ke too masafu, ti na lotou nonofo loa i le koiga.

Sopo 29:14

Na kau kofu ki le faitotonu, ti na kau fai kiate ia pe se kofu. Na kau taupulupulu mo puloga ki le maokioki.

Esaia 11:5

E liliu loa le faitotonu ko le kilipipi o ona vakavaka, Ti mo le agatonu ko le kilipipi o ona ifiifi.

Esaia 59:17

Na kofu e ia le faitotonu ofaipe se kofu tau, Ti na teki e ia ki lona ulu le puloga o le fakamauli ; Na too e ia le sausau o kofu, Ti na pulupulu a ia ki le finenonofo.

Luka 12:35

Ke toi okoutou kilii pipi ki okoutou sulugalava, ti ke ula okoutou malama.

Loma 13:12

Kua vave fua le oki o le pouli, kua ofi fua le ao. Koia ke tou tiaki ai a gaoi o le pouli, kae ke tou tui a masafu o le malama.

Lua tosi ki le kau Kolinto 6:7

i le folafola o le maoki, i le makeke o le Atua, i masafu tau mo masafu tali tau o le maokioki ;

Efeso 5:9

Talie ko le fua o le malama ko agamalie fuli, mo faitotonu fuli, ti mo maoki.

Efeso 6:13

Koia, ke kotou too a masafu tau fuli a le Atua, o tupu ke mafai lakotou tuu i le aso veli, ti mo lakotou tuu makeke mo ka oki lakotou malo i nea fuli.

Uluaki tosi ki le kau Tesalonika 5:8

Kae ko tatou ala e kau i le ao, tou fakapotopoto, tou kofu le kofu tau o le tui mo le alofa, ti tou too le puloga tau o le amanaki malie o le fakamauli.

Uluaki tosi a Petelo 1:13

Koia ke kotou nonoa ai a ifiifi o lokoutou loto, kotou fakapotopoto, kotou maua se amanaki malie katoa ki le kalasia leia e tuku atu loa kia koutou i le aso leia e sa ai loa Sesu-Kilisito.

Apokalipisi 9:17

Ti ko leinei le nea leia na kau tio loa ki ai i laku moe miti o uiga mo le kau osi ti mo latou ala na eke i ai : na lotou teu ki ni kofu tau kula ofaipe le afi, mo usi ofaipe le safile, ti mo fefelo ofaipe le sulifa. Ko ulu o osi na faipe ulu o laione ; ti na mapusi mei olatou gutu se afi, mo se afu, ti mo se sulifa.

Apokalipisi 9:9

Ti na lotou maua ni kofu tau ofaipe ni kofu tau ukamea, ti ko le logoa o olatou kapakau na faipe se logoa o saliote ala kua toso e ni osi mauke, o makape ki le tau.