Efeso 6:10 - Tosi Tapu

¹⁰ Fakaoki, kotou fakamakeke i le Aliki, ti kotou fakamakeke ki lona makeke mafimafi.

Efeso 6:10 ပူးပေါင်းရင်းမြစ်များ

Uluaki tosi o Koloniko 28:10

Ke ke iloa papau kua filifili a koe e le Eteleno i le aso nei, o tupu ke ke fakatuu kiate ia se fale ko lona sagatualio. Ke ke fakamakeke ti ke ke gaoi.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Lua tosi o Koloniko 15:7

Koia ke kotou fakamakeke, ti ke aua na kotou tuku ke gaegae okoutou lima, talie e i ai loa se totogi ki akoutou gaoi.

Pesalemo 138:3

I le aso leia na kau kalaga ai kiate koe, Na ke tali mai kiate au, na ke fakafimalie au, na ke fakamakeke loku laumalie.

Esaia 40:28

Pe leaise ke iloa ? Pe na leaise ke logo ki ai ? Ko le Eteleno ko le Atua o sekulo mo sekulo ; Ko ia leia na fakatupu ia le malama nei mei leia potupotu o kaku ki leia potupotu ; E leaise toe gaegae fua a ia, ti e leaise toe kaekae fua a ia ; E leaise mafai ke fuafua lona atamai.

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Akeseo 2:4

I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Sakalia 8:13

Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Lua tosi ki le kau Kolinto 13:11

Ti e kau fakaoki loa, fetaina, kotou nonofo la ! kotou afa ki le malie tukupau, kotou fefakafimalieaki, kotou maua se manatu loto e tasi, kotou mauli i le tokamalie ; ti ko le Atua o le alofa mo le tokamalie e nofo loa mo koutou.

Efeso 1:19

ti e feaki le lasi lee gato o lona mafimafi kia tatou ala e tui, leia na fakasa e ia lona makeke katoa,

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Filipe 3:1

Fakatoetoe, ei oku fetaina, kotou fiafia i le Aliki. E leaise kau kaekae fua i le tosi atu kia koutou o nea masani, talie e aoga a ia kia koutou.

Filipe 4:13

E kau mafai a nea fuli i leia e fakamakeke ia au.

Filipe 4:8

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

Kolose 1:11

ti ke fakamakeke koutou e lona makeke fakakololia, o tupu ke kotou matatali ia a nea fuli i le fiafia, ti ke kotou kataki fualoa tuumau.

Lua tosi kia Timoteo 2:1

Ko koe loa, ei laku fanau, fakamakeke a koe i le kalasia leia ia Sesu-Kilisito.

Lua tosi kia Timoteo 4:17

Kae ko le Aliki leia na tuu mo au ti na fakamakeke ia au, o tupu ke kau fakasa le akonaki katoa ti ke logo ki ai le kau pagani fuli. Ti na fakamauli au mei le gutu o le laione.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Uluaki tosi a Petelo 3:8

Tie fakaoki loa, ke kotou maua fuli ni manatu tatau, mo ni manatu loto tatau ; ke kotou apele i le alofa fakatautaina, mo le loto alofa, ti mo le fakataulalo.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Uluaki tosi a Soane 2:14

Na kau fai tosi atu kia koutou, tamana, talie na kotou iloa leia na agai talu mei le kamataaga. Na kau fai tosi atu kia koutou, kau tupulaga, talie e kotou makeke, ti e nofo le folafola a le Atua ia koutou, ti na kotou malo i leia e agaveli.

Uluaki tosi a Samuele 23:16

I le temi lena, na tuu ake loa Sonatane, vosa o Saulo, o ano kia Tavite i le vaomatua. Na fakamakeke loa e ia lana fanaki ki le Atua,