Efeso 6:1 - Tosi Tapu

¹ Fanau, kotou fakalogo ki okoutou matua i le Aliki, talie e totonu le nea lena.

Efeso 6:1 ပူးပေါင်းရင်းမြစ်များ

Senesi 28:7

Na tio loa a ia ki le fakalogo a Sakopo ki lona tamana mo lona tinana, o ano ki Patane-Alame.

Senesi 37:13

Ti na pati loa Iselaele kia Sosefo : Pe leaise fagai e ou fetaina le kau manu i Siseme ? Au, talie e kau loto ke ke ano kia latou. Ti na tali loa a ia, ko leinei au !

Senesi 48:12

Ti na too loa e Sosefo ona vosa, ala na ekeeke i tuli o lona tamana ko Sakopo, o tuku ki lalo, ti na punou loa a ia i ona mua.

Senesi 50:12

Na fakasoko loa i ai e vosa o Sakopo le nea leia na fakatotonu ake e lolatou tamana kia latou :

Neemia 9:13

Na ke ifo mai loa i le mauga o Sinai, ti na ke masau loa kia latou mei le lagi, ti na ke soli loa kia latou a fakatotonu maoki, a lao o le maoki, mo pelesepeto, mo folafola saosaoa.

Esitele 2:20

Na leaise fakasa e Esitele lona fale ti mo lona kakai, talie na tapui a ia e Maletoseo kiate ia, ti na mulimuli katoa a ia ki fakatotonu a Maletoseo ofaipe le temi leia na koi fakalogo ai a ia kiate ia.

Sopo 33:27

E sua loa a ia o fakasa ki tagata fuli : Na kau agasala, na kau maumaui le lao, kae na leaise fakatua au o mulimuli ki laku agaveli ;

Pesalemo 119:128

Koia e kau pati ai e totonu au fakatotonu fuli ; Ti e kau vesia ai ki ala fuli o le loi.

Pesalemo 119:75

E kau iloa, ei Eteleno ! e totonu au fakamaauaga ; Talie ko lou agatonu leia na ke fakamamae ai au.

Pesalemo 19:8

E saosaoa le lao a le Eteleno, e fakafoou e ia le laumalie. E maoki le fakamaoki a le Eteleno, e tuku e ia le poto ki le vale.

Taagapati 1:8

Ei loku vosa, fakalogo mai ki akonaki a lou tamana, Ti aua na ke tiaki le tokoi a lou tinana ;

Taagapati 23:22

Fakalogo ki lou tamana leia na ke tupu ai, Ti aua na ke fakanoa lou tinana mo ka matua a ia.

Taagapati 30:11

E i ai se tautagata leia e fakamalaia ki lona tamana, Ti e leaise tapuaki ki lona tinana.

Taagapati 30:17

Ko le mata leia e gologolo ki se tamana, Ti e leaise fakanoa ia le patigaofie ki se tinana, E kapei loa a ia e le kolopo o le liua, Ti e kai loa a ia e uviki o le akuila.

Taagapati 6:20

Ei loku vosa, tausi a pelesepeto o lou tamana, Ti aua na ke tiaki le akonaki a lou tinana.

Selemia 35:14

Na lotou fakalogo loa ki masau a Sonatape, vosa o Lekape, leia na fakatotonu ki ona vosa ke aua na lotou inu ki le vino, ti na leaise lotou inu ki ai o kaku mai ki le aso nei, talie na lotou fakalogo ki le fakatotonu a lolatou tamana. Ti ko au, na kau masau kia koutou, na kau masau kia koutou koi usu, kae na leaise kotou fakalogo mai kiate au.

Selemia 35:18

Ti na pati loa Selemia ki le fale o le kau Lekape : E folafola le Eteleno o kau tau, le Atua o Iselaele : O tupu kua kotou fakalogo ki fakatotonu a Sonatape, lokoutou tamana, o tupu kua kotou tausi ana lao fuli, ti mo fai a nea fuli ala kua tuku atu e ia kia koutou ;

Selemia 35:8

E motou fakalogo ki nea fuli ala na fakatotonu mai e Sonatape, lomatou tamana, vosa o Lekape : e leaise motou inu ki le vino i lomatou mauli katoa, matou, mo amatou avaga, mo omatou vosa ti mo omatou taineliki ;

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Levitiko 19:3

Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Luka 2:51

Ti na ifo loa a ia mo laua o ano ki Nasaleti, ti na fakalogo a ia kia laua. Kae na taupau e lona tinana a nea fuli ana i lona loto.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Loma 16:2

o tupu ke kotou fakatalitali a ia i le Aliki, i se fakatalitali leia e gali mo le kau sagato, ti ke kotou tokoi kiate ia i nea ala e kotou aoga ai loa kiate ia, talie na tokoi a ia ki se toka api ti mo au totonu foki.

Loma 7:12

Koia e maokioki ai le lao, ti e maokioki le fakatotonu, mo totonu, ti mo malie.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Tetelonome 21:18

Kapau e maua loa e se tagata se vosa patigataa mo fakatutuu, leia e leaise fakalogo loa ki le leo o lona tamana mo lona tinana, ti kapau e la tautea loa a ia kae e leaise fakalogo loa a ia kia laua,

Uluaki tosi kia Timoteo 5:4

Ti kapau e maua e se fafine lokonui ni ana fanau pe ko ni ona makopuna, e tonu ke lotou ako i mua o nea fuli le fai o le aga fakaatua ki olatou famili totonu, ti ke lotou totogi ki olatou matua le nea leia na lotou tali meia latou, talie e malie le nea lena ki le Atua.

Uluaki tosi a Petelo 2:13

Ke kotou fakataulalo, o tupu ko le Aliki, ki pule fuli ala kua fakanofo i lotolotoga o tagata : ki le sau ofaipe leia e lasi,

Lute 3:5

Na tali loa a Lute kiate ia : E kau fai loa a nea fuli ala kua ke pati ki ai.

Uluaki tosi a Samuele 17:20

Na tuu ake loa Tavite i le mafoata. Na tuku loa e ia a ovi ki se tagata leo, ti na too loa e ia lana kavega, o ano loa, o mulimuli ki le nea leia na fakatotonu e Isaia kiate ia. Na kaku loa a ia ki le nofolaga tau, o tautonu atu mo le fakaatu a le solia ke tau mo kalaga.