Efeso 5:5 - Tosi Tapu

⁵ Talie, ke kotou iloa, e leaise tagata fai feauaki, mo se tagata fakakelekele, mo se tagata manumanu, (ko lona uiga e tausi taulaatua) e maua ia le puleaga o Kilisito mo le Atua.

Efeso 5:5 ပူးပေါင်းရင်းမြစ်များ

Ekesote 20:17

Aua na ke manumanu loa ki le fale o lou oloi ; aua na ke manumanu loa ki le avaga o lou oloi, pe ko lana tagata fakasausau, pe ko lana fafine fakasausau, pe ko lana pipi, pe ko lana asino, pe ko se nea fua leia e maua e lou oloi.

Gaoi 20:32

Ti ko leinei, e kau tuku koutou ki le Atua ti mo le folafola o lona kalasia, ki leia e maua ia le makeke ke faufau ia koutou ti ke soli ia kia koutou le tofiga o fakatasi mo latou fuli kua fakamaokioki.

Gaoi 8:21

E leaise ke maua sou vaega fua i le nea lena, talie e leaise sako lou loto i mua o le Atua !

Kalate 5:19

E mailoga malie a gaoi o le kanofi ; ko le fai feauaki, mo le kelekele, mo le fakavalevale ;

Kalate 5:21

mo le manumanu, mo le inu fakavale, mo le kai fakavale, mo nea fuli ala e tatau mo nea ana. E kau fakasa fakatomua atu kia koutou, ofaipe laku fakasa atu i mua, ko latou ala e fai ia a nea ana e leaise maua ia loa le Puleaga o le Atua.

Efeso 5:3

Ke aua na masau fua ia koutou ki le fai feauaki, mo nea fakakelekele fuli, mo le manumanu, talie e leaise gali a ia mo le kau sagato.

Kolose 1:13

leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Uluaki tosi kia Timoteo 6:10

Talie ko le manumanu paaga ko se aka a ia o veli fuli ; ti ko ni iki, i lalatou maua le nea lena, kua lotou sese o mamao mei le tui, ti kua vivilo latou totonu ki ni mamae lasi.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Sosue 7:21

Na kau tio i le koloa o le tau ki se taupulupulu fulumalie mei Mesopotamia, mo ni fa sikele paaga e kau lelau lua, ti mo se potu aulo e kau lima sikele. Na kau manumanu loa ki nea ana, ti na kau too loa latou. Ko leinei latou kua tanu i le kele, i loto o loku falela, ti kua tautafa le paaga ki lalo.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !