Efeso 5:27 - Tosi Tapu

²⁷ talie ke fakatuu i ona mua le Ekelesia lena i lona kololia, sala ila, sala mafetufetu, sala maimoa, kae maokioki mo lee mele.

Efeso 5:27 ပူးပေါင်းရင်းမြစ်များ

Pesalemo 45:13

Ti e au loa le taine o Tile mo le kau mou koloa o le kakai, Mo ni moliga, o afa lou alofa.

Pesalemo 87:3

Na masaui ni nea fakakololia o uiga mo koe ! Ei kolo o le Atua - Manava.

Katiko o Katiko 4:7

E ke fulumalie katoa, ei loku alofaaga, Ti e leai fua se ga mele iate koe.

Esaia 62:3

E ke liliu loa ko se pala gigila i le lima o le Eteleno, Ko se pale fakasau i le lima o lou Atua.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Lua tosi ki le kau Kolinto 11:2

Talie e kau finenonofo kia koutou i se finenonofo o le Atua, talie kua kau fakatasii koutou ki se tagata avaga e tasi, o tupu ke kau fakaali koutou kia Kilisito ofaipe se taupoou mea.

Lua tosi ki le kau Kolinto 4:14

o ma iloa ko leia na toe fakatuuake ia le Aliki ko Sesu, e toe fakatuuake ia loa maua foki mo Sesu, ti e fakasa loa e ia maua mo koutou i ona mua.

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Kolose 1:22

o tupu ke fakatuu e ia koutou i ona mua kua maokioki, mo lee mele, ti mo sala valoki,

Kolose 1:28

Ko ia leia e ma fakasa, o kole ki tagata fuli, ti mo akonakii tagata fuli i le poto katoa, o tupu ke ma momoli ki le Atua a tagata fuli kua malie tukupau ia Kilisito.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Uluaki tosi a Petelo 1:19

kae ki le toto mauiga o Kilisito, ofaipe se akeno sala ila mo lee mele ;

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Suta 1:21

ke kotou nofo mau i le alofa o le Atua, o talitali ki le manavaalofa o lotatou Aliki ko Sesu-Kilisito o uiga mo le mauli lee gato.

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,

Apokalipisi 14:4

Ko latou anei na leaise fakakelekele mo ni fafine, talie e lotou taupoou ; e lotou muli i le Akeno, i ganea fuli ala e ano a ia ki ai. Na totogi latou mei lotolotoga o tagata, ofaipe ni uluaki fua ki le Atua ti mo le Akeno.