Efeso 5:25 - Tosi Tapu

²⁵ Tagata avaga, kotou tasi alofa ki lona avaga, ofaipe Kilisito leia na alofa ki le Ekelesia, o soli a ia totonu o tupu ko ia,

Efeso 5:25 ပူးပေါင်းရင်းမြစ်များ

Senesi 2:24

Koia leia e tonu ai ke mavae loa le tagata i lona tamana mo lona tinana, ti ke pipiki loa a ia ki lana avaga, ti e la liliu loa ko se tino e tasi.

Senesi 24:67

Ti na taki loa e Isaake a Lepeka ki le falela o lona tinana ko Sala ; na too loa e Isaake a Lepeka ke liliu ko lana avaga. Na alofa loa Isaake kiate ia, ti na fimalie loa lona loto i le puli o lona tinana.

Lua tosi a Samuele 12:3

Kae na leaise maua se nea e le tagata mativa, ko se ga ovi fafine muli fua e tasi leia na totogi e ia ; na fagai e ia a ia, ti na tupu ake a ia o lasi i lona fale mo ona toe ; na kai a ia ki lana pane, ti na inu a ia i lona ipu, ti na moe a ia i lona fatafata, ti na tio a ia ki ai ofaipe sona taine.

Katiko o Katiko 1:11

E motou fai loa kiate koe ni tini aulo, Mo ni nonoa siliva.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Efeso 5:24

Kae, ofaipe le Ekelesia leia e fakataulalo kia Kilisito, ke fakataulalo foki le fafine ki lona avaga i nea fuli.

Efeso 5:28

E tonu ke alofa fenaaki le tagata ki lona avaga ofaipe lona tino totonu. Ko le tagata leia e alofa ki lana avaga e alofa kiate ia totonu.

Efeso 5:33

E kau fakaoki atu loa : ke tasi alofa le tagata ki lana avaga ofaipe kiate ia totonu, ti ke fakaapaapa le fafine ki lona avaga.

Kolose 3:19

Tagata avaga, kotou alofa ki okoutou avaga, ti aua na kotou fakaitaita kia latou.

Uluaki tosi kia Timoteo 2:6

leia na soli a ia totonu ke totogi ai tagata fuli. Ko lena le fakamaoki leia na tuku e ia i lona temi totonu,

Uluaki tosi a Petelo 3:7

Tagata avaga, kotou fakasa foki se poto i lokoutou mauli mo okoutou avaga, o kotou iloa ko se ipu fakaeteete lasi a ia ; kotou fakaapaapa ki ai, ofaipe se tasi leia e tonu ke mau tofiga ia mo koutou le kalasia o le mauli. Kotou fai fenaaki, o tupu ke aua na taofi akoutou faikole e se nea.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;