Efeso 5:21 - Tosi Tapu

²¹ Kotou fefakataulaloaki ia koutou i le fakaapaapa kia Kilisito.

Efeso 5:21 ပူးပေါင်းရင်းမြစ်များ

Senesi 16:9

Na pati loa le aselo o le Eteleno kiate ia : Ke ke toe liliu ki lou aliki fafine, ti ke fakataulalo i ona mua.

Uluaki tosi o Koloniko 29:24

Ti na fakataulalo loa a pule fuli, mo tagata lalasi fuli, ti mo vosa fuli o le sau ko Tavite ki le sau ko Salomone.

Lua tosi o Koloniko 19:7

I le lakaga nei, ke nofo ia koutou le i ki le Eteleno, ti ke kotou tokaga ki lakoutou gaoi, talie e leaise maua i le Eteleno, lotatou Atua, se agaveli, mo se filifili mata ki tagata, ti mo se tali o ni nea alofa.

Neemia 5:15

Kae ko kovana ala na muamua iate au na fakamamae ia le kakai ki le tukusau lena, o lotou tali mei le kakai le pane, mo le vino ti mo fa sikele paaga e kau fa ; io, na fakavelivelii e alatou tagata fakasausau le kakai. Na leaise kau fai fua le nea lena, talie na kau i ki le Atua.

Neemia 5:9

Ti na kau pati loa : Ko le nea leia e kotou fai e leaise malie. Pe na leaise tonu ke kotou saele i le i ki lotatou Atua, o tupu ke aua na lauvelii tatou e puleaga ala e fili mai kia tatou ?

Taagapati 24:21

Ei loku vosa, i ki le Eteleno mo le sau ; Aua na ke kau mo le kau tagata fakamaveuveu ;

Uluaki tosi ki le kau Kolinto 16:16

Ke kotou fakaapaapa foki ki le tau tagata fenaaki, ti mo latou fuli ala e gaoi i le gaoi lena.

Lua tosi ki le kau Kolinto 5:11

I lama iloa le sausau o le Aliki, e ma faiga ke fakalotoi a tagata ; e iloa maua e le Atua, ti e kau amanaki e kotou iloa foki maua i okoutou loto.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Kalate 5:13

Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.

Efeso 5:22

Fafine avaga, ke kotou tasi fakataulalo ki lona avaga, o fakatatau ki le Aliki ;

Efeso 5:24

Kae, ofaipe le Ekelesia leia e fakataulalo kia Kilisito, ke fakataulalo foki le fafine ki lona avaga i nea fuli.

Filipe 2:3

Aua na kotou fai se nea i se loto fakatautau pe i se loto fia sa, kae i le loto agamalu ke kotou tio ki la ake o sakinake e lotou taualuga ake ia koutou totonu.

Uluaki tosi kia Timoteo 2:11

Ke tali e le fafine le akonaki i le fakalologo, mo se loto fakataulalo katoa.

Uluaki tosi kia Timoteo 3:4

E tonu ke takitaki malie e ia lona fale totonu, ti ke fakalogo ana fanau kiate ia i se fakaapaapa katoa ;

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Uluaki tosi a Petelo 2:13

Ke kotou fakataulalo, o tupu ko le Aliki, ki pule fuli ala kua fakanofo i lotolotoga o tagata : ki le sau ofaipe leia e lasi,

Uluaki tosi a Petelo 2:17

Kotou fakaapaapa ki tagata fuli, kotou alofa ki fetaina, kotou i ki le Atua, kotou fakaapaapa ki le sau.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.