Efeso 5:2 - Tosi Tapu

² ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Efeso 5:2 ပူးပေါင်းရင်းမြစ်များ

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Ekesote 29:18

E ke tutu loa le ovi tagata katoa i le aletale ; ko se failaulau lena ki le Eteleno, ko se sakilifisio leia e tutu e le afi, ti e manogi malie a ia ki le Eteleno.

Ekesote 29:25

E ke too loa a nea ana i olatou lima, ti e ke tutu loa latou i le aletale, i aluga o le failaulau ; ko se sakilifisio tutu katoa a ia e le afi i mua o le Eteleno, ti e manogi malie a ia ki le Eteleno.

Levitiko 1:13

E fufulu loa e ia ki se vai a vava ti mo vae ; ti e tutu loa e le tagata faisakilifisio a nea fuli i aluga o le aletale. Ko se failaulau tutu a ia, ko se failaulau a ia kua tutu e le afi, ti ko se nea manogi malie a ia ki le Eteleno.

Levitiko 1:17

E saei loa e ia le manu lele i loto malie o kapakau, kae e leaise motusi oki loa e ia a ia ; ti e tutu loa e le tagata faisakilifisio le manu lele i aluga o le aletale, i aluga o le fafie leia kua eti i le afi. Ko se moliga a ia o le failaulau, ko se sakilifisio a ia kua tutu e le afi, ti ko se nea manogi malie a ia ki le Eteleno.

Levitiko 1:9

E fufulu loa e ia ki se vai a tootooga mo vae ; ti e tutu loa e le tagata faisakilifisio a nea fuli i aluga o le aletale : ko se failaulau tutu a ia, ko se failaulau kua tutu e le afi, ti ko se nea manogi malie ki le Eteleno.

Levitiko 3:16

E tutu loa e le tagata faisakilifisio a nea fuli ana i aluga o le aletale. Ko se nea kai tutu a ia e le afi ti e manogi a ia ki le Eteleno. E maua e le Eteleno a gako fuli.

Amosi 5:21

E kau vesia, e kau fakalialia ki okoutou aso lalasi. E leaise koi kau fia sauga fua ki akoutou fakatasi.

Numelo 7:21

mo se pipi tagata muli, mo se ovi tagata, mo se akeno fetuu tasi, ki le failaulau ;

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Soane 13:34

E kau tuku kia koutou se fakatotonu foou : Kotou fealofani ia koutou ; ofaipe loku alofa kia koutou, ko koutou foki, kotou fealofani ia koutou.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Loma 4:25

leia na tuku ke mate o tupu ko atatou agasala ti kua toe tuuake o tupu ko lotatou fakamatatonu.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Loma 8:37

Kae i nea fuli ana, e motou malo lasi i leia e alofa kia tatou.

Uluaki tosi ki le kau Kolinto 16:14

Kotou fai nea fuli i le alofa.

Uluaki tosi ki le kau Kolinto 5:7

Kotou fakapuli le fakatupu matua, o tupu ke kotou liliu ko se falina foou, talie kua kotou sala fakatupu. Talie ko Kilisito, lotatou Pasikate, kua momoli ma tatou.

Lua tosi ki le kau Kolinto 2:14

Ke fakafetai ki le Atua, leia e tuku ia kia tatou le malo tuumau ia Kilisito, ti mo liligi ia kia tatou le manogi o lona iloa i ganea fuli !

Lua tosi ki le kau Kolinto 2:15

Talie ko le kaloni tatou o Kilisito ki le Atua, ia latou ala kua fakamauli, ti mo latou ala e mamate :

Lua tosi ki le kau Kolinto 8:9

Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Efeso 3:19

ti ke kotou iloa le alofa o Kilisito, leia e fakalaka i iloa fuli, o tupu ke kotou apele o kaku ki le apeleaga katoa o le Atua.

Efeso 4:15

Kae i le fakasa o le maoki i le alofa, e tou tupu loa o lalasi i nea fuli i leia ko le Pule, a Kilisito.

Efeso 4:2

i le loto fakataulalo mo le agamalu katoa, mo le kataki fualoa, o kotou fekatakiaki i le alofa,

Efeso 5:15

Koia kotou tokaga ai ki lakoutou saele, ke aua na kotou faipe se kau vale, kae ke kotou faipe se kau poto ;

Efeso 5:25

Tagata avaga, kotou tasi alofa ki lona avaga, ofaipe Kilisito leia na alofa ki le Ekelesia, o soli a ia totonu o tupu ko ia,

Tetelonome 27:6

E ke fau loa ki ni fatu katoa le aletale o le Eteleno, lou Atua. Ti e ke momoli loa i aluga o le aletale lena ni failaulau ki le Eteleno, lou Atua.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Kolose 3:14

Kae i aluga o nea fuli ana, kotou kofu le alofa, leia ko le sai o le malie tukupau.

Uluaki tosi ki le kau Tesalonika 4:9

O uiga mo le alofa fakatautaina, e leaise aoga kia koutou ke toe fai tosi atu ki ai, talie kua kotou ako e koutou totonu mei le Atua le fealofani fakatautaina,

Uluaki tosi kia Timoteo 2:6

leia na soli a ia totonu ke totogi ai tagata fuli. Ko lena le fakamaoki leia na tuku e ia i lona temi totonu,

Uluaki tosi kia Timoteo 4:12

Ke aua na fakanoai e se tasi lou koi muli, kae ke ke liliu ko se faifaitaki ki le kau agatonu, i masau, mo le aga, mo le alofa, mo le tui, ti mo le maokioki.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 8:3

Talie ko pule fai sakilifisio fuli, kua fakanofo latou ke lotou momoli ni moliga ti mo ni sakilifisio ; koia na aoga ai kiate ia ke i ai foki sana nea ke momoli.

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Epelo 9:23

Na aoga ke fakamea fenaaki a ata o nea maoki i le atu lagi. Kae na aoga ke fakamea a nea totonu o le atu lagi e ni sakilifisio ala e malilie tukupau oki.

Epelo 9:26

talie kapau koia ti na tonu loa ke mamae tua mauke Kilisito talu mei le kamataaga o le malama nei. Kae i le temi nei, i le fakaoki o sekulo, na sa a ia o tua tasi ke maumaui ai le agasala ki lona sakilifisio.

Uluaki tosi a Petelo 4:8

I mua o nea fuli, ke kotou maua i okoutou vasaa se alofa vevela, talie E uufi e le alofa ni agasala lasi ai.

Uluaki tosi a Soane 3:16

I le nea leinei, e tou iloa ai le alofa : na soli e Ia lona mauli o tupu ko tatou. Ko tatou foki, e tonu ke tou soli otatou mauli o tupu ko fetaina.

Uluaki tosi a Soane 3:23

Ti ko leinei lana fakatotonu : Ke tou tui ki le suafa o lona Alo ko Sesu-Kilisito, ti ke tou fealofaaki ia tatou, o mulimuli ki lana fakatotonu kia tatou.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;