Efeso 5:19 - Tosi Tapu

¹⁹ Kotou fefakalotomakekeaki ki ni pesalemo, mo ni imi, ti mo ni katiko fakalaumalie, o kotou sua mo fakavikiviki ki le Aliki i lokoutou loto katoa.

Efeso 5:19 ပူးပေါင်းရင်းမြစ်များ

Pesalemo 147:7

Kotou sua ni fakafetai ki le Eteleno, Kotou siki lotatou Atua i le alepe !

Pesalemo 62:8

I le Atua e malolo ai loku fakamauli mo loku kololia ; Ko le utu o loku makeke mo loku ulufaga e nofo i le Atua.

Pesalemo 86:12

E kau fakavikiviki loa kiate koe i loku loto katoa, Aliki, loku Atua ! Ti e kau fakakololia loa ki lou suafa o lee gato.

Pesalemo 95:2

Tou ano ki ona mua mo ni fakavikiviki, Tou fakagugulu ni katiko ki lona mauiga !

Esaia 65:14

Ko leinei, e sua loa aku tagata fakasausau i le fiafia o olatou loto ; Kae e kotou tagi loa i le mamae o lokoutou laumalie, Ti e kotou tagi laulau loa i le mamae okoutou loto.

Mateo 15:8

E fakaapaapa le kakai nei kiate au i olatou laugutu, Kae e mamao olatou loto iate au.

Mateo 26:30

I le oki o le sua katiko, na lotou ano loa ki le mauga o Oliveto.

Gaoi 16:25

I le vaeluapo, na faikole mo sua fakavikiviki ki le Atua a Paulo mo Silasi, ti na logo le kau pilisoni kia laua.

Uluaki tosi ki le kau Kolinto 14:15

Kolea loa ke fai ? E kau faikole loa i le laumalie, kae e kau toe faikole foki i loku atamai ; e kau sua loa i le laumalie, kae e kau toe sua foki i loku atamai.

Uluaki tosi ki le kau Kolinto 14:26

Kolea loa ke fai, ei fetaina ? I akoutou fakatasi, ka maua loa e ni iki se katiko, se akonaki, se levelasio, se masau kese ti mo lona fakamatala ; ke fai nea fuli ke faufau ai le Ekelesia.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Sakopo 5:13

Pe mamae se tasi ia koutou ? Ke faikole a ia. Pe fiafia se tasi ? Ke sua e ia ni katiko.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;