Efeso 4:6 - Tosi Tapu

⁶ mo se Atua e tasi ko le Tamana o tagata fuli, leia e nofo i aluga o tagata fuli, ti mo tagata fuli, ti i tagata fuli.

Efeso 4:6 ပူးပေါင်းရင်းမြစ်များ

Senesi 14:19

Na tapuaki loa a ia kia Apalamo, o pati : Ke tapuakina Apalamo e le Atua Taualuga, ko le pule o le lagi mo le kele !

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Esaia 63:16

Kae ko koe maoki ko lomatou tamana, Talie e leaise iloa matou e Apalaamo, Ti e leaise tokaga Iselaele kia matou ; Ko koe toka tasi, Eteleno, leia ko lomatou tamana, Leia, talu mei le lee gato, e igoa ko lomatou fakamauli.

Malakia 2:10

Pe leaise tou maua fuli se tamana e tasi ? Pe leaise ko se Atua e tasi leia na fakatupu ia tatou ? Kolea e leaise tou agatonu ai i otou vasaa, Ti e tou maumaui ai le sai o otou tamana ?

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Mateo 6:9

Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ;

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Soane 17:26

Ti na kau fakasa kia latou lou suafa, ti e kau toe fakasa loa a ia kia latou, o tupu ke nofo ia latou le alofa leia kua ke alofa ai kiate au, ti ke kau nofo ia latou.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Loma 11:36

Ko nea fuli e tupu meiate ia, e maua iate ia, ti e kaku kiate ia. Kiate ia le kololia i sekulo fuli ! Amene !

Uluaki tosi ki le kau Kolinto 12:6

mo gaoi kesekese, kae ko le Atua fuai e tasi leia e fai ia a nea fuli i tagata fuli.

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Efeso 1:21

o taualuga ake i pule fuli, mo makeke fuli, mo mafimafi fuli, mo mamalu fuli, ti mo igoa fuli ala e feala ke sua, o leaise gato fua i le sekulo leinei, kae i le sekulo foki ka au.

Efeso 2:22

Iate ia kua fau foki koutou ke liliu ko se nofoaga o le Atua i le Laumalie.

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Efeso 6:23

Ke soli le tokamalie, mo le alofa, ti mo le tui ki fetaina e le Atua ko le Tamana ti mo le Aliki ko Sesu-Kilisito !

Tetelonome 6:4

Ke ke fakalogo, Iselaele ! Ko le Eteleno, lotatou Atua, ko le Eteleno a ia e tasi.

Uluaki tosi a Soane 3:24

Ko leia e fai ia ana fakatotonu, e nofo i le Atua, ti e nofo le Atua iate ia ; ti e tou iloa e nofo a ia ia tatou, o tupu ko le Laumalie leia na soli mai e ia kia tatou.