Efeso 4:32 - Tosi Tapu

³² Ke kotou feagamalieaki ia koutou, o manavaalofa, mo fefakamolemoleaki ofaipe le fakamolemole a le Atua kia koutou ia Kilisito.

Efeso 4:32 ပူးပေါင်းရင်းမြစ်များ

Lua tosi a Samuele 7:21

Kua ke fai a nea lalasi fuli ana, ti kua ke fakasa latou ki lau tagata fakasausau, o tupu ko lau folafola, mo mulimuli ki lou finegalo.

Pesalemo 112:9

E fai e ia ni tufa koloa, e soli e ia ki le kau mativa ; E tuu lona faitotonu o lee gato ; E malaga lona ulu i le kololia.

Pesalemo 145:9

E agamalie le Eteleno ki tagata fuli, Ti e mafola lona manava alofa ki ana gaoiaga fuli.

Taagapati 12:10

E tokaga le tagata agatonu ki lana kau manu, Kae e agaveli le loto o le kau agaveli.

Taagapati 19:11

Ko le tagata leia e poto e leaise itaita vave, Ti e maua e ia lona kololia i le fakamolemole ki veli ala na fai ake kiate ia.

Taagapati 19:22

Ko le nea leia e fakatupu ia le fulumalie o se tagata ko lona agamalie ; Ti e malie ake se tagata mativa i se tagata gutu loiloi.

Esaia 57:1

E mate le tagata agatonu, ti e leaise tokaga se tasi ki ai ; E pupuli a tagata malilie, ti e leaise tokaga se tasi. Io, e puli le tagata agatonu i mua o le malaia.

Selemia 38:12

Ti na pati loa Epeti-Meleke, le tagata Etiopia, kia Selemia : Fakapiki a kofu masaesae ana ki ou afiga mo maea. Ti na fai loa ki ai a Selemia.

Mateo 6:12

fakamolemole mai ki amatou agasala, ofaipe lamatou fakamolemole foki kia latou ala e agasala mai kia matou ;

Maleko 11:25

Ti ka kotou tuu i aluga o faikole, kae kotou nofo mo se nea ki se tasi, kotou fakamolemole, o tupu ke fakamolemole foki akoutou agasala e lokoutou Tamana leia e nofo i le lagi.

Luka 1:78

O tupu ko le manavaalofa mo le agamalie o lotatou Atua, Leia na mu ai le laa kia tatou mei aluga,

Luka 11:4

fakamolemole mai ki amatou agasala, talie e motou fakamolemole foki kia latou ala e agasala mai kia matou ; ti aua na ke tuku matou ki le fakasala.

Luka 17:4

Ti kapau e sala a ia kiate koe o tua fitu i se aso e tasi, kae toe liliu tua fitu atu a ia kiate koe, o pati : e kau fakasemala ! e ke fakamolemole loa kiate ia.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Luka 6:37

Aua na kotou fakamaaui, ti e leaise fakamaaui loa koutou ; aua na kotou fakatuaa se tasi, ti e leaise fakatuaa loa koutou ; kotou fakamolemole, ti e fakamolemole atu loa kia koutou.

Gaoi 28:2

Na lasi ai le agamalie o le kakai seka lena kia matou ; talie na lotou tafu loa se afi ke fakatalitali ai matou, o tupu na ua ti na momoko.

Loma 12:10

Ke kotou fealofani i se alofa fakatautaina ; ke kotou tokaga ki le fakaapaapa i okoutou vasaa.

Uluaki tosi ki le kau Kolinto 13:4

E kataki fualoa le alofa, ti e apele a ia i le agamalie ; e leaise loto veli le alofa ; e leaise viki tonu le alofa, ti e leaise fia nealasi a ia,

Lua tosi ki le kau Kolinto 2:10

Koia ko leia e kotou fakamolemole ki ai, e kau toe fakamolemole foki ki ai, ti ko le nea leia kua kau fakamolemole ki ai, mo kapau na kau fakamolemole ki se nea, na kau fai a ia o tupu ko koutou, i mua o Kilisito,

Lua tosi ki le kau Kolinto 2:7

Koia e tonu ai ke kotou fakamolemole kiate ia, ti ke kotou fakafimalie a ia, talie ke aua na taomia a ia i se mamae lasi.

Lua tosi ki le kau Kolinto 6:6

i le maokioki, i le iloa, i le kataki fualoa, i le agamalie, i le Laumalie Maokioki, i le alofa maoki,

Efeso 5:1

Koia kotou faifaitaki ki le Atua, ofaipe ni fanau alofaina ;

Sakopo 5:11

Ko leinei, e motou fakasa kua manuia latou ala na kataki fualoa i le mamae. Kua kotou logo ki le kataki fualoa o Sopo, ti kua kotou tio ki le fakaoki leia na tuku e le Aliki kiate ia, talie e apele le Aliki i le manavaalofa ti mo le aloalofa.

Lua tosi a Petelo 1:7

e le alofa ki le Atua le alofa fakatautaina, e le alofa fakatautaina le alofa.

Uluaki tosi a Soane 1:9

Kapau e tou kofesio atou agasala, e maoki a ia mo agatonu ke fakamolemole atou agasala, ti mo fakamea tatou i agaveli fuli.

Uluaki tosi a Soane 2:12

E kau fai tosi atu kia koutou, fanau liliki, talie na fakamolemole akoutou agasala o tupu ko lona suafa.

Lute 2:20

Na pati loa Naomi ki lona fugao : Ke tapuakina a ia e le Eteleno, leia e manavaalofa kia latou ala e mauuli ofaipe lona manavaalofa kia latou kua mamate ! Ti na toe pati loa Naomi kiate ia : Ko le tagata lena ko lota kaiga totonu, e kau a ia kia latou ala e ofi kia taua.