Efeso 4:31 - Tosi Tapu

³¹ Ke puli ia koutou a manatu kona fuli, mo loto veli, mo itaita, mo kalaga, mo fatituu, ti mo agaveli fuli.

Efeso 4:31 ပူးပေါင်းရင်းမြစ်များ

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 37:21

Na logo loa Lupeni ki le nea lena, ti na fakapapau loa a ia ke saofaki e ia Sosefo mei lima o ona fetaina. Na pati loa a ia : Aua na tou tamate a ia.

Senesi 37:4

Na tio loa ona fetaina na alofa lasi ake lolatou tamana kia Sosefo ia latou fuli, ti na lotou vesia loa kiate ia. Na leaise feala ke lotou masau malie kiate ia.

Senesi 4:8

Kae na pati loa Kaino ki lona taina ko Apele ke la ano ki fafo. I lala kaku ki faisaga, na oso loa Kaino ki lona taina ko Apele, o tamate a ia.

Lua tosi a Samuele 13:22

Na leaise toe masau loa Apesalone kia Amone ; kae na vesia loa a ia kiate ia talie na fakamatagafua e ia Tamale, lona tuagaane.

Lua tosi a Samuele 19:27

Ti na loi a ia o uiga mo lau tagata fakasausau ki loku aliki le sau. Kae e fai loku aliki le sau pe se aselo a le Atua. Fai le nea leia e ke malie ia.

Lua tosi a Samuele 19:43

Ti na tali loa a tagata o Iselaele ki tagata o Suta : E motou kau tua kau agafulu ki le sau, ti e toe lasi ake kia Tavite ia koutou. Kolea na kotou fakanoai ai matou ? Pe na leaise ko matou ala na uluaki manatu ke toe aumai lomatou sau ? Ti na masau loa a tagata o Suta o makeke ake i tagata o Iselaele.

Pesalemo 101:5

Ko leia e lauveli fakafufu ki lona oloi, E kau tapono ia loa lona gutu. Ko leia e maua ia ni mata matasoka mo se loto fia nealasi, e leaise kau kataki loa kiate ia.

Pesalemo 140:11

Ke laku kia latou ni malala kaka ! Ke ti latou ki le afi, Ki vanu, ala e leaise mafai ke lotou toe tuu ake i ai !

Pesalemo 15:3

E leaise lau e ia ni veli ki lona oloi, E leaise fai e ia se nea veli ki lona oloi, Ti e leaise fai e ia se nea fakalumaluma ki lona oloi.

Pesalemo 37:8

Ke ke tuku le ita, ke ke tiaki le itaita veli ; Ke aua na ke ita, talie e ke fai loa le nea leia e veli.

Pesalemo 50:20

E ke tonatona, ti e ke masau veli ki lou taina, E ke lau veli ki le vosa o lou tinana.

Pesalemo 64:3

Saofaki au i fono veli a le kau agasala, I le fakatasi logoa a tagata agaveli !

Taagapati 10:12

E fakasolosolo e le vesia ni fefele, Kae e uufi e le alofa a sala fuli.

Taagapati 10:18

Ko leia e fufu ia le vesia e maua ia ni laugutu loi, Ti ko leia e fakamafola ia ni fatufatu ko se tagata valea.

Taagapati 14:17

Ko leia e itaita vave e fai ia ni sala valea, Ti e tupu le vesia ki le tagata leia e apele i manatu veveli.

Taagapati 18:8

Ko masau a le tagata folafola veli e faipe ni lole, E lotou ulu o kaku ki takele o tootooga.

Taagapati 19:12

Ko le ita o le sau e faipe le gugulu o le laione, Ti ko lona agamalie e faipe le sese i le mutie.

Taagapati 25:23

E fanaui e le matagi o le potu noleto le ua, Ti e fanaui e le alelo fakaveli ni mata itaita.

Taagapati 26:20

Ka sala fafie, e mate le afi ; Ti ka sala tagata folafola veli, e gato le felega.

Taagapati 29:22

E fakatupu e le tagata itaita ni fefele, Ti e fai e le tagata loto oso ni agasala lasi.

Taagapati 29:9

Kapau e visi se tagata poto mo se tagata valea, E pakia loa a ia i le ita mo le kata, e leaise soko loa le tokamalie.

Taagapati 6:19

Mo le tagata fakamaoki loi leia e fakasa ia ni loi, Ti mo leia e fakatupu ia ni fefele i fetaina.

Ekelesiasi 7:9

Aua na ke ita vave i lou loto, talie e nofo le ita i le fatafata o le kau vale.

Selemia 6:28

Ko ni kau agatuu fuli latou, ko ni kau fatufatu ; Ko se kapa mo se ukamea ; Kua lotou fakalialia fuli.

Selemia 9:4

Ke tasi nofo tokaga ki lona kaukau nea, Ti ke aua na fanaki ki se tasi o ona fetaina ; Talie e afa e fetaina fuli ke kaka, Ti e fakamafola e kaukau nea fuli ni fatufatu.

Gaoi 21:30

Ti na maveuveu loa le kolo katoa, ti na feoso mai loa le kakai katoa mei potu fuli. Na lotou too loa Paulo, o toso ki fafo mei le fale tapu, kae na lotou tapotapono aifai a matapa.

Loma 3:14

E apele lolatou gutu i le tutuku mo le fakamalaia kona.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Uluaki tosi ki le kau Kolinto 5:8

Koia ke tou fai le aso, kae leai ki se fakatupu matua, pe ki se fakatupu o le veli mo le agaveli, kae ki ni pane sala fakatupu o le agatonu mo le maoki.

Lua tosi ki le kau Kolinto 12:20

Talie e kau i na leaise kau maua koutou, i laku tau atu, ofaipe le nea leia e kau loto ki ai, ti ke kotou maua au ofaipe le nea leia e leaise kotou loto ki ai. E kau tuania na i ai ni fefele, mo ni finenonofo, mo ni masau lalasi, mo ni fefiliaki, mo ni fatufatu, mo ni lauveli, mo ni fia nealasi, ti mo ni maveuveu.

Kalate 5:20

mo le tausi taulaatua, mo le fai nea fakatemonio, mo vesia, mo fefele, mo finenonofo, mo itaita, mo vaevaega, mo magai lotu ;

Efeso 4:22

Koia e tonu ai ke kotou tiaki lokoutou natula mago leia e pala i oli veveli kaka,

Efeso 4:25

Koia ke kotou tiaki le loi, kae kotou tasi masau i le maoki ki lona oloi ; talie ko koga tino koutou o le tino e tasi.

Efeso 4:26

Kapau e kotou ita, ke aua na kotou agasala ; ti ke aua na galo le laa i aluga o lokoutou ita,

Kolose 3:19

Tagata avaga, kotou alofa ki okoutou avaga, ti aua na kotou fakaitaita kia latou.

Kolose 3:8

Kae i le temi nei, ke kotou fakafiti ki nea fuli ana, ki le itaita, mo le masau makeke, mo le agaveli, mo le fatufatu, ti mo masau veveli ala e feala ke au mei okoutou gutu.

Uluaki tosi kia Timoteo 3:11

E tatau foki mo fafine, ke lotou aga fakaapaapa, mo sala fatufatu, mo fakapotopoto, ti mo agatonu i nea fuli.

Uluaki tosi kia Timoteo 3:3

E tonu ke aua na inu kava a ia, pe agamakeke, kae ke agamalu, mo fakatokatoka, ti ke aua na manumanu paaga.

Uluaki tosi kia Timoteo 5:13

Toe tasi ake, e lotou fakamasani loa i le fakapuli noa o lolatou temi i le ulu saele ki fale ; ti e leaise gato fua i le nofo noa, kae toe veli ake talie e lotou gutu pati mo fia ilo, o masau ki nea ala e leaise tonu ke masau ki ai.

Lua tosi kia Timoteo 2:23

Tiaki a vesili fakavale mo lee aoga, o ke iloa e lotou fakatupu ia ni fefele.

Lua tosi kia Timoteo 3:3

mo loto sala manavaalofa ki kaiga, mo lee taupau a fakapapau, mo fakatupu loi, mo oli veli, mo agamakeke, mo nukinuki ki le kakai malie,

Tito 1:7

Talie e tonu ke lee sala le epikopo, ofaipe se tagata taupau koloa a le Atua ; ke aua na fia nealasi a ia, mo itaita, mo inu kava, mo agamakeke, mo manumanu ki koloa fakalumaluma,

Tito 2:3

Fakasa ki fafine matutua, e tonu foki ke lotou maua se aga leia e gali mo le maokioki, ti ke aua na lotou fatufatu, pe fakavalevale ki le kava ; kae e tonu ke lotou tuku ni tokoi malilie,

Sakopo 1:19

Ke kotou iloa le nea leinei, ei oku fetaina alofaina : ke fakalogologo vave a tagata fuli, ke aua na masau vave, ke aua na itaita vave ;

Sakopo 3:14

Kae kapau e kotou maua i okoutou loto se oli kona mo se loto fefele, aua na kotou viki koutou, ti aua na kotou loi ki le maoki.

Sakopo 4:11

Fetaina, ke aua na kotou masau veli, a la ki la. Ko leia e masau veli ki se taina, pe fakamaaui ia lona taina, e masau veli a ia ki le lao ti e fakamaaui e ia le lao. Ti kapau e ke fakamaaui ia le lao, e leaise ko se tagata loa a koe leia e fai ia le lao, kae ko lona tui fakamaau.

Uluaki tosi a Petelo 2:1

Koia kotou tiaki ai a agaveli fuli, mo kaka fuli, mo malualoi, mo finenonofo, ti mo fatufatu fuli,

Uluaki tosi a Soane 3:12

kae aua na tou faipe Kaino, leia na au mei leia e kaka, ti na tukipooi ia lona taina. Ti kolea na tukipooi ai e ia lona taina ? Talie na veli ana gaoi, kae na maokioki a gaoi o lona taina.

Uluaki tosi a Soane 3:15

Ko leia e vesia ki lona taina, ko se tagata tukipo a ia, ti e kotou iloa e leaise maua e se tagata tukipo le mauli lee gato iate ia.

Apokalipisi 12:10

Ti na kau logo loa i le lagi ki se leo makeke na pati : I le temi nei kua soko mai loa le saofaki, mo le mafimafi, mo le pule fakasau o lotatou Atua, ti mo le pule o lona Kilisito ; talie kua ti ki fafo leia na lauveli ki otatou fetaina, leia na tukugavelii ia latou i mua o lotatou Atua i le ao mo le po.