Efeso 4:30 - Tosi Tapu

³⁰ Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Efeso 4:30 ပူးပေါင်းရင်းမြစ်များ

Senesi 6:3

Koia na pati ai loa le Atua : E leaise toe nofo tuumau loa loku Laumalie i le tagata, talie ko se kanofi fuai le tagata, ti ko le lasi loa o ona aso ko le kau lelau kau lua fetuu.

Senesi 6:6

Ti na fakasemala loa le Eteleno i lana fakatupu le tagata i le malama nei, ti na mamae ai lona loto.

Pesalemo 78:40

Na tua fia lalatou agatuu kiate ia i le toafa ! Na tua fia lalatou fakatupu ia lona sausau i le potu lavaki !

Pesalemo 95:10

I le lolotoga o fetuu e kau fa na kau vesia loa ki le lanu lena, Ti na kau pati loa : Ko se kakai leia kua sese lona loto, E leaise lotou iloa oku ala.

Esaia 43:24

Na leaise ke totogi paaga ni nea fakamanogi kiate au, Ti na leaise ke fagai au ke makona ki le gako o au sakilifisio ; Kae na ke fakamamae au ki au agasala, Na ke fakapakia au ki au agaveli.

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Esaia 7:13

Ti na pati loa Esaia : Kotou fakalogo mai, fale o Tavite ! Pe ko se nea noa kia koutou ke kotou fakafiu le kataki o tagata, Ke kotou toe fakafiu ia foki le kataki o loku Atua ?

Esekiele 16:43

O tupu na leaise ke manatui lou temi ikiiki, o tupu na ke fakatupu ia loku ita ki nea fuli ana, ko leinei, e kau fakavilo loa lau faiaga ki lou ulu, e pati le Aliki, le Eteleno, ti e leaise ke toe fai loa le agaveli mo au nea fakalialia fuli.

Oseo 13:14

E kau totogi loa latou mei le makeke o le nofoaga o le kau mate, E kau saofaki loa latou mei le mate. Ei mate, kofea au masafu ? Nofoaga o le kau mate, kofea lau pule ki le mate ? Kae kua sola le fakasemala i oku mata !

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Luka 21:28

Ka kamata soko mai loa a nea ana, kotou tuu fakasako, ti kotou lagai ki aluga okoutou mata, talie kua ofi mai lokoutou saofaki.

Soane 3:33

Ko leia kua tui ki lana fakamaoki, na fakamaoki a ia e maoki le Atua ;

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Loma 8:11

Ti kapau e nofo ia koutou le Laumalie o leia na toe fakatuuake ia a Sesu mei le kau mate, ko leia na fakatuuake ia a Sesu-Kilisito mei le kau mate, e toe soli ia loa le mauli ki okoutou tino mamate i lona Laumalie leia e nofo ia koutou.

Loma 8:23

Ti e leaise gato fua iate ia, kae ko tatou foki, a nei e maua ia a uluaki fua o le Laumalie, e tou fetagisi i otatou loto, o talitali ki lotatou fufui ti mo le saofaki o otatou tino.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 15:54

Ka kofu loa e le tino pala leinei le lee pala, ti ka kofu loa e le tino mate leinei le mauli lee gato, ti e soko loa le folafola leia e tuu i le Tosi : Kua folo le mate e le malo.

Uluaki tosi ki le kau Tesalonika 5:19

Aua na kotou tamate le Laumalie.

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Epelo 3:10

Koia na kau vesia ai loa ki le tautupu lena, ti na kau pati ai loa : E sese tuumau olatou loto, Ti e leaise lotou iloa oku ala.

Epelo 3:17

Ti ko ai ma latou ala na ita loa ki ai le Atua i le lolotoga o fetuu e kau fa ? Pe leaise ko latou ala na agasala loa, ti na vivilo loa olatou tino o mamate i le toafa ?

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.