Efeso 4:26 - Tosi Tapu

²⁶ Kapau e kotou ita, ke aua na kotou agasala ; ti ke aua na galo le laa i aluga o lokoutou ita,

Efeso 4:26 ပူးပေါင်းရင်းမြစ်များ

Pesalemo 37:8

Ke ke tuku le ita, ke ke tiaki le itaita veli ; Ke aua na ke ita, talie e ke fai loa le nea leia e veli.

Pesalemo 4:4

Ke kotou iloa kua filifili e le Eteleno kiate ia se tagata agamalie ; Ti e logo le Eteleno, mo ka kau tagi kiate ia.

Ekesote 11:8

Ti e ifo mai loa au tagata fakasausau fuli anei kiate au, ti e lotou punou loa ki le kele i oku mua, o pati : Mavae, a koe mo le kakai katoa leia e muli iate koe ! Ka oki loa le nea lena, e kau mavae loa. Ti na mavae loa Moisese mei le fale o Falaone i se ita lasi ai.

Taagapati 14:29

Ko leia e leaise itaita vave e nofo mo se atamai lasi, Kae ko leia e itaita vave e fakasa ia lona valea.

Taagapati 19:11

Ko le tagata leia e poto e leaise itaita vave, Ti e maua e ia lona kololia i le fakamolemole ki veli ala na fai ake kiate ia.

Taagapati 25:23

E fanaui e le matagi o le potu noleto le ua, Ti e fanaui e le alelo fakaveli ni mata itaita.

Ekelesiasi 7:9

Aua na ke ita vave i lou loto, talie e nofo le ita i le fatafata o le kau vale.

Numelo 20:24

Ka mate loa Alone. Talie e leaise ulu loa a ia ki le fenua leia e kau soli ki fanau a Iselaele, o tupu na leaise kolua fakalogo ki laku fakatotonu, i le vai o Melipa.

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Maleko 10:14

I le tio a Sesu ki le nea lena, na mamae ai, ti na pati loa a ia kia latou : Kotou tuku ke au kiate au a toe liliki, kae aua na kotou taofi latou ; talie e fakalogo le puleaga o le Atua kia latou ala e tatau mo toe liliki.

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Tetelonome 24:15

Kae e ke soli loa kiate ia le totogi o lona aso gaoi i mua o le vilo o le laa ; talie e mativa a ia ti e aoga ai lona totogi kiate ia. Kapau e leaise ke fai loa le nea lena, e tagi loa a ia ki le Eteleno, ti e ke maua loa i ai se agasala.

Sakopo 1:19

Ke kotou iloa le nea leinei, ei oku fetaina alofaina : ke fakalogologo vave a tagata fuli, ke aua na masau vave, ke aua na itaita vave ;

Sakopo 1:20

talie e leaise fakasoko e le ita o le tagata le faitotonu o le Atua.

Uluaki tosi a Samuele 20:34

Na malaga loa a ia mei le laupapa mo se ita lasi ai, ti na leaise kau loa a ia ki le kai i le lua o aso o le masina foou, talie na loto mamae ai a ia o tupu ko Tavite, talie kua lauvelii a ia e lona tamana.