Efeso 4:14 - Tosi Tapu

¹⁴ Talie ke aua na tou toe fai loa pe ni toe liliki, ala e fetaaki mo feaveaki e matagi o akonaki fuli ala e fakamafola e ni tagata kaka ke fakasese ai ni iki ki alatou puleaki kaka.

Efeso 4:14 ပူးပေါင်းရင်းမြစ်များ

Pesalemo 10:9

E moemoe a ia o leoleo mei lona mumuniaga, ofaipe le laione i lona ana ; E moemoe a ia ke tapo le tagata mativa ; E tapo e ia le mativa i lona kupega.

Pesalemo 59:3

Saofaki au i le kau agaveli, Ti ke fakamauli au i tagata o le toto !

Esaia 28:9

E lotou pati : Ko ai leia e loto Esaia ke ako ki ai le poto ? Ko ai leia e ke loto ke tuku ki ai ni akonaki ? Pe ki ni uviki toe ala nao puaki fua, Pe ki ni toe ala nao too mai fua mei le u o le tinana ?

Mikea 7:2

Kua puli le tagata agamalie i le fenua, Ti e leaise koi i ai se tagata agatonu i lotolotoga o tagata ; Kua lotou mumuni fuli o lamalama ke liligi le toto, Kua tasi fai e le tagata se masele ki lona taina.

Mateo 11:7

I lalatou ano, na masau loa Sesu ki le kakai, o kupu kia Soane : Kolea le nea leia na kotou ano o tioi i le toafa ? pe ko se fa u leia e viligia i le matagi ?

Mateo 24:11

E mafuta loa se kau polofeta loi toka api, ti e lotou fakasesei loa ni kakai toka api ai.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Gaoi 23:21

Aua na ke tali lalatou kole, talie kua lama a ia e se tino fa tupu o latou, ala kua fakapapau ke aua na kai pe inu i mua o le tamate o Paulo ; i le temi nei kua lotou tokamalie, ti e lotou talitali fua ke ke io.

Uluaki tosi ki le kau Kolinto 12:2

E kotou iloa, i lakotou koi nofo i le pagani, na kotou tuku koutou ke ave ki ni taulaatua gutu mate, ti na taki koutou e latou.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Uluaki tosi ki le kau Kolinto 3:19

Talie ko le poto o le malama nei ko se valea a ia i mua o le Atua. Talie kua tosi : E tapo e ia le kau poto i lalatou fia poto.

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Kalate 3:1

Ei kau Kalate valelea ! Ko ai lena kua fakauluvalea ia koutou, ke aua na koutou fakalogo ki le maoki, koutou ala na fakasa tautonu ki okoutou mata a Sesu-Kilisito leia na tutuki i le koluse ?

Efeso 6:11

Kotou kofu a masafu tau fuli o le Atua, o tupu ke mafai lakotou tuu makeke ki pikoi kaka a le Tiapolo.

Uluaki tosi kia Timoteo 3:6

E leaise tonu ko se tasi leia nao tafoki foou, talie ke aua na makita a ia i le fia nealasi o vilo ki le fakamaau a Satana.

Lua tosi kia Timoteo 1:15

E ke iloa ko latou fuli ala i Asia kua lotou tiaki au, o kau i ai a Fisele mo Elemosene.

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Lua tosi kia Timoteo 4:3

Talie e soko mai loa se temi leia e leaise koi kataki loa e tagata le akonaki totonu ; kae, i lalatou maua le mageo ke logo ki ni nea malilie, e lotou fakatupu loa ni kau fai akonaki toka api o fakatatau ki olatou oli.

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Sakopo 1:6

Kae e tonu ke kole e ia a ia i le tui, sala lotolotolua, talie ko leia e lotolotolua, e tatau a ia mo piau o le tai, ala e fetaaki mo feaveaki e le matagi.

Sakopo 3:4

Kotou tio foki ki vaka, ala e lalasi ti e fakagasolo e matagi makeke, kae e taki latou e se ga foe ikiiki, o fakalogo ki le pailate.

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Uluaki tosi a Soane 2:19

Na lotou malaga ki aluga mei loto malie o tatou, kae na leaise lotou kau ia tatou ; talie kapau na lotou kau ia tatou, na lotou nonofo loa mo tatou, kae na soko le nea lena, o tupu ke fakasa ai e leaise lotou kau fuli ia tatou.

Uluaki tosi a Soane 2:26

Na kau tosi atu kia koutou a nea anei, o tupu ko latou ala e fakasese ia koutou.

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Suta 1:12

Ko ni fatu fakatupu agasala latou i akoutou kaitasi, ala e lotou kai fakavalevale ai mo fakalumaluma. Ko ni ao sala vai latou, ala e viligia i matagi. Ko ni laakau latou o le temi fakamamate, ala e sala fua, ti kua mamate tua lua, ti kua taaki mei le kele.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.