Efeso 4:12 - Tosi Tapu

¹² ki le teuteui o le kau sagato ke malie tukupau, ti mo le fai o le gaoi o le fakasausau ti mo le faufau o le tino o Kilisito,

Efeso 4:12 ပူးပေါင်းရင်းမြစ်များ

Luka 22:32

Kae kua kau ulufaki a koe, ke aua na puli lau tui ; ti ko koe, ka ke toe liliu mai loa, tokoi ki ou fetaina.

Gaoi 1:17

Talie na lau a ia mo matou, ti na kau a ia ki lamatou gaoi.

Gaoi 1:25

ke kau ki le gaoi fakaapositolo leia na tiaki e Sutasi kae ano a ia ki lona nofoaga totonu.

Gaoi 11:23

I lana kaku ki ai, o tio ki le kalasia o le Atua, na fiafia loa a ia, ti na ako loa e ia latou fuli ke lotou pipiki mau ki le Aliki.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Loma 12:5

e tatau foki mo tatou, e tou toka api, ti e tou fau se tino e tasi ia Kilisito, ti e tou feaogaaki fuli, ofaipe ni koga tino e pipiki tasi.

Loma 12:7

ko leia kua kalagai ke fakasausau, ke pipiki ki le fakasausau ; ko leia e akonaki ke pipiki ki lana akonaki,

Loma 14:19

Koia loa, ke tou afa a nea ala e aoga ki le tokamalie ti mo le faufau.

Loma 15:14

O uiga mo koutou, ei oku fetaina, e kau iloa papau e kotou apele i le loto malie, mo apele i le iloa katoa o nea ala e aoga kia koutou, ti mo apele i le poto i le soli o tokoi ke fakamakeke ai koutou.

Loma 15:2

E tonu ke tasi afa e le tagata taki toka tasi le nea leia e malie ki lona oloi, o uiga mo lona malie ti mo lona fakatuputupua i le tui.

Loma 15:29

Ti e kau iloa i laku natu kia koutou, e kau kaku atu loa mo le tapuakina apele a Kilisito.

Uluaki tosi ki le kau Kolinto 12:27

Ko le tino koutou o Kilisito, ti ko ona koga tino koutou taki toka tasi.

Uluaki tosi ki le kau Kolinto 12:7

Kae kua soli e le Laumalie ki le tagata taki toka tasi le nea leia e tonu ke fakasa talie ke aoga ki tagata fuli.

Uluaki tosi ki le kau Kolinto 14:12

Ti ke tatau foki mo koutou. Kapau e kotou oli ki nea alofa fakalaumalie, kotou afa ke kotou mou koloa i nea ala e faufau ia le Ekelesia.

Uluaki tosi ki le kau Kolinto 14:14

Talie kapau e kau faikole i se masau kese, e faikole loku laumalie, kae e nofo paa loku atamai.

Uluaki tosi ki le kau Kolinto 14:26

Kolea loa ke fai, ei fetaina ? I akoutou fakatasi, ka maua loa e ni iki se katiko, se akonaki, se levelasio, se masau kese ti mo lona fakamatala ; ke fai nea fuli ke faufau ai le Ekelesia.

Lua tosi ki le kau Kolinto 12:19

Lagi kua fualoa lakotou pati e ma fakamatatonu ia maua i okoutou mua. E ma masau atu i mua o le Atua, ia Kilisito : ti ko nea fuli ana, alofaaga, e ma fakasa atu o tupu ke lagai ai koutou ki aluga.

Lua tosi ki le kau Kolinto 13:11

Ti e kau fakaoki loa, fetaina, kotou nonofo la ! kotou afa ki le malie tukupau, kotou fefakafimalieaki, kotou maua se manatu loto e tasi, kotou mauli i le tokamalie ; ti ko le Atua o le alofa mo le tokamalie e nofo loa mo koutou.

Lua tosi ki le kau Kolinto 13:9

E ma fiafia mo ka ma gagae, kae kotou makeke ; ti ko le nea leia e ma kole i ama faikole, ko lokoutou malie tukupau.

Lua tosi ki le kau Kolinto 3:8

Ti e feaki ake loa le lasi o le kololia o le gaoi a le Laumalie !

Lua tosi ki le kau Kolinto 4:1

Koia, i lama maua le gaoi lena o mulimuli ki le manavaalofa leia na tuku mai kia maua, e leaise ma loto gaegae.

Lua tosi ki le kau Kolinto 5:18

Ti ko nea fuli ana e au mei le Atua, leia na fakatokatoka ia tatou mo ia ia Kilisito, ti na soli ia kia tatou le gaoi o le fakatokatoka.

Lua tosi ki le kau Kolinto 6:3

E leaise ma loto ke siga se tasi i se nea, o tupu ke aua na liliu le gaoi ko se nea fakatupu lauveli.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Efeso 1:23

leia ko lona tino, ko le apeleaga katoa o leia e fakaapele ia nea fuli i kakai fuli.

Efeso 4:16

Ko ia leia e fakasokosoko ia a koga kesekese fuli o le tino, ti mo fakapipiki ia latou ki ni sai makeke ko se tino e tasi ; ti ko ia leia e fakatupu ia le tino o lasi o mulimuli ki le makeke leia e aoga ki le koga tino taki tasi, ti e faufau toka tasi e le tino a ia totonu i le alofa.

Efeso 4:29

Ke aua na vilo fua mei lokoutou gutu se masau veli, kae, mo kapau e soko, se masau malie leia e aoga ki le faufau ti mo ave ia se kalasia kia latou ala e logo ki ai.

Efeso 4:4

E i ai se tino e tasi, mo se Laumalie e tasi, ofai foki pe koutou ala na kalagai ki se amanaki malie e tasi i lokoutou vokasio ;

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Kolose 1:28

Ko ia leia e ma fakasa, o kole ki tagata fuli, ti mo akonakii tagata fuli i le poto katoa, o tupu ke ma momoli ki le Atua a tagata fuli kua malie tukupau ia Kilisito.

Kolose 4:17

Ti kotou pati kia Alikipe : tokaga ki le gaoi leia kua ke tali mei le Aliki, o tupu ke ke fai fakamalotoloto a ia.

Uluaki tosi kia Timoteo 1:12

E kau fakafetai ki leia na fakamakeke ia au, kia Sesu-Kilisito lotatou Aliki, i lana tio mai kiate au ofaipe se tagata agatonu, o fakanofo au ki lana gaoi,

Lua tosi kia Timoteo 4:11

Ko Luka toka tasi e nofo mo au. Too Maleko o au mo koe, talie e aoga a ia kiate au i le gaoi.

Lua tosi kia Timoteo 4:5

Kae ko koe, fakapotopoto i nea fuli, kataki a mamae, fai le gaoi a se evaselisita, fai ke katoa malie lau gaoi.

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Epelo 6:1

Koia foki, ke tuku ki muli a uluaki folafola a Kilisito, tou fai atu ki le nea leia e malie tukupau ; kae aua na toe teki le fakatafito o le fakafiti ki gaoi mate,