Efeso 3:6 - Tosi Tapu

⁶ Ko le misitelio lena : kua kau le kau pagani ki le tofiga, ti kua lotou liliu ko se tino e tasi, ti kua lotou kau ki le fakapapau e tasi ia Sesu-Kilisito i le Evaselio,

Efeso 3:6 ပူးပေါင်းရင်းမြစ်များ

Esekiele 47:22

E kotou vaevae loa a ia ko lokoutou tofiga o mulimuli ki le toso, kia koutou mo matapule ala e nonofo i loto malie o koutou, ala e maua ia loa ni alatou fanau i loto malie o koutou ; e kotou tio loa kia latou ofaipe ni kakai totonu o le fenua o fanau o Iselaele ; e lotou vaevae loa mo koutou le tofiga o mulimuli ki le toso, i loto malie o faasiga o Iselaele.

Uluaki tosi ki le kau Kolinto 12:12

Talie, ofaipe le tino e tasi kae maua e ia ni koga tino mauke, ti ko koga tino fuli o le tino, logo ai lolatou mauke, kae lotou fau se tino e tasi : e tatau foki mo Kilisito.

Uluaki tosi ki le kau Kolinto 12:27

Ko le tino koutou o Kilisito, ti ko ona koga tino koutou taki toka tasi.

Kalate 3:14

o tupu ke fakasoko le tapuaki a Apalaamo ki le kau pagani ia Sesu-Kilisito, ti ke tou tali i le tui le Laumalie leia na fakapapau mai.

Kalate 5:24

Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.

Efeso 3:3

Talie ko le Atua leia na fakasa ia kiate au le misitelio lena leia kua kau tosi atu kia koutou i ni ga kupu teiki.

Efeso 5:30

talie ko koga tino tatou o lona tino, o lona kanofi, mo ona ivi.

Efeso 5:7

Koia ke aua na kotou fakatasi fua i se nea mo latou,

Kolose 2:19

kae e leaise pipiki a ia ki le ulu, leia e fagai ia mo fakatasi ia le tino katoa i ona sokoga mo ona nonoa, ti e tuku ia kiate ia le tutupu o mulimuli ki lona finegalo.

Uluaki tosi a Soane 1:3

ko le nea leia na motou tio ki ai ti na motou logo ki ai, e motou fakasa atu a ia kia koutou foki, o tupu ke kotou komunio fakatasi foki mo matou. Ti ko lamatou komunio e fakatasi mo le Tamana mo lona Alo ko Sesu-Kilisito.

Uluaki tosi a Soane 2:25

Ti ko leinei le fakapapau leia na fai e ia kia tatou : ko le mauli lee gato.