Efeso 3:3 - Tosi Tapu

³ Talie ko le Atua leia na fakasa ia kiate au le misitelio lena leia kua kau tosi atu kia koutou i ni ga kupu teiki.

Efeso 3:3 ပူးပေါင်းရင်းမြစ်များ

Gaoi 22:17

I laku toe liliu ki Selusalemi, ti i laku faikole i le fale tapu, na fakatio au e le Atua ki se nea,

Gaoi 22:21

Ti na pati mai loa le Aliki kiate au : Ano, e kau kakau loa a koe ki mamao ki atu puleaga…

Gaoi 23:9

Na toe asilisili ake loa le taukalaga, ti na tuu ake loa ki aluga ni sekelipa i le fetuuga o le kau faliseo, o kamata ia se visi lasi, o pati : E leaise motou maua fua se nea veli i le tagata leinei ; na saga na masau kiate ia se laumalie pe ko se aselo.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Lua tosi ki le kau Kolinto 12:1

E tonu ke fakakololia… E leaise malie le nea lena. Kae e kau fia masau i le temi nei ki nea ala na kau tio ki ai mo logo ki ai ti na fakasa mai e le Aliki kiate au.

Kalate 1:12

talie na leaise kau tali a ia pe na kau ako a ia mei se tagata, kae meia Sesu-Kilisito leia na sa mai kiate au.

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Efeso 3:4

I lakoutou lau a ia, e mafai loa ke kotou matala ki le malama leia kua kau maua ki le misitelio o Kilisito.

Efeso 3:6

Ko le misitelio lena : kua kau le kau pagani ki le tofiga, ti kua lotou liliu ko se tino e tasi, ti kua lotou kau ki le fakapapau e tasi ia Sesu-Kilisito i le Evaselio,

Efeso 3:9

ti ke iloa e tagata fuli le misitelio leia na fufu talu mei le kamataaga i le Atua, leia na fakatupu ia a nea fuli.

Efeso 6:19

Kotou ulufaki au, o tupu ke soli mai kiate au, mo ka kau fakamavaa loku gutu, ke kau fakasa i le loto toa ti mo le lauatea le misitelio o le Evaselio,

Kolose 2:2

o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Kolose 4:3

Kotou ulufaki foki maua, o tupu ke fakamavaa e le Atua kia maua se matapa o uiga mo le folafola, ti ke feala ke kau fakasa le misitelio o Kilisito, leia e tupu ai laku nofo i tini anei,

Epelo 13:22

E kau kole atu kia koutou, fetaina, ke kotou tali a kupu fakamakeke anei, talie na kau fai tosi fakatoetoe atu kia koutou.

Uluaki tosi a Petelo 5:12

Kua kau tosi atu kia koutou a ga kupu teiki anei ia Silivano, leia ko se taina agatonu kiate au, ke ekenaki ai koutou ti mo fakasa kia koutou le kalasia maoki leinei o le Atua, leia e kotou pipiki ki ai.

Lua tosi a Petelo 3:15

Kotou tui ko le kataki fualoa o lotatou Aliki ko lokoutou fakamauli a ia ofaipe lona tosi atu foki kia koutou e lotatou taina alofaina ko Paulo, o mulimuli ki le poto leia kua tuku kiate ia.