Efeso 3:20 - Tosi Tapu

²⁰ Koia, ki leia e mafai ke fai ia o lasi maumau ake i nea fuli ala e tou kole pe tou manatu ki ai, i le makeke leia e gaoi ia tatou,

Efeso 3:20 ပူးပေါင်းရင်းမြစ်များ

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 18:4

Tali ke aumai se ga vai ke fufulu ai okoutou vae ; ti mo kotou malolo mua i le lalo laakau leinei.

Lua tosi a Samuele 7:19

Ti e leikiaise feauga aifai le nea lena ki ou mata, ei Aliki Eteleno ; talie kua ke toe masau foki ki le fale o lau tagata fakasausau ki temi ki muli. Ti kua ke finegalo ke fakasa a nea ana ki se tagata, ei Aliki Eteleno !

Uluaki tosi o Sau 3:13

E kau toe soli atu loa kiate koe le nea leia na leaise ke kole ki ai, a koloa mo le kololia ; koia e leaise maua loa i le temi katoa o lou mauli se sau leia ke tatau loa mo koe.

Lua tosi o Koloniko 25:9

Na pati loa Amatesia ki le tagata a le Atua : Ti kolea loa ka fai ki fa tenalio paaga e kau lelau ala na kau soli ki le solia a Iselaele ? Na tali loa le tagata a le Atua : E feala ke soli atu kiate koe e le Eteleno o lasi mamao ake i le siliva lena.

Lua tosi o Koloniko 9:12

Na soli loa e le sau ko Salomone ki le fafine sau o Sepa a nea fuli ala na loto a ia ki ai, mo nea fuli ala na kole e ia, o lasi ake i nea ala na aumai e ia ki le sau. Ti na toe liliu loa a ia ki lona fenua mo ana tagata fakasausau.

Ekesote 34:6

Ti na ano loa le Eteleno i ona mua, o kalaga : Eteleno, Eteleno, Atua manava alofa mo loto alofa, mo kataki fualoa, mo mou koloa i le agamalie mo le agatonu,

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Taniela 3:17

Ko leinei, ko lomatou Atua leia e motou tausi ki ai, e mafai loa ke saofaki e ia matou mei le gutuumu kaka, ti e saofaki loa e ia matou mei lou lima, ei aliki sau !

Taniela 6:20

Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Mateo 3:9

ti aua na kotou pati i okoutou loto : Ko Apalaamo ko lomatou tamana ! Talie e kau fakasa kia koutou, mei fatu anei, e mafai ke fakatupu e le Atua ni fanau kia Apalaamo.

Soane 10:10

E au fua le tagata kaia o kaia, mo tamate, mo maumaui ; ko au, na kau au o tupu ke maua e le kau ovi le mauli, ti ke lotou maua a ia o lasi ai.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Loma 4:21

ti mo iloa fakapapau e ia i lona loto ko le nea leia kua fakapapau e le Atua, e mafai foki e ia lona fakasoko.

Uluaki tosi ki le kau Kolinto 2:9

Kae, ofaipe lona tuu i le tosi : Ko ni nea ala na leaise tio ki ai le mata, ti na leaise logo ki ai le taliga, ti na leaise ulu ki le loto o le tagata, ko ni nea ala na teuteui e le Atua kia latou ala e alofa kiate ia.

Lua tosi ki le kau Kolinto 9:8

Ti e mafai e le Atua lana fakaapele koutou ki ona kalasia fuli, o tupu ke kotou maua tuumau a nea fuli ala e aoga kia koutou, ti ke kotou toe maua foki o fakalaka ki gaoi malilie fuli,

Efeso 1:19

ti e feaki le lasi lee gato o lona mafimafi kia tatou ala e tui, leia na fakasa e ia lona makeke katoa,

Efeso 3:7

leia kua kau liliu ko lona tagata gaoi, o mulimuli ki le nea alofa o le kalasia o le Atua, leia na soli mai kiate au i le gaoi makeke o lona mafimafi.

Kolose 1:29

Ko le nea lena e kau gaoi foki ki ai, o tau i lona makeke leia e gaoi makeke iate au.

Uluaki tosi kia Timoteo 1:14

ti na lasi ai le kalasia o lotatou Aliki, mo le tui ti mo le alofa leia e maua ia Sesu-Kilisito.

Epelo 11:19

Na manatu a ia e mafimafi ai le Atua, o toe fakatuuake ia le kau mate ; koia i se fakatata na toe maua loa e ia lona vosa.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Sakopo 4:12

Ko le toka tasi fai e fai lao mo tui fakamaau, ko leia e mafai ia ke fakamauli mo fakamate ; kae ko ai a koe, leia e fakamaaui ia le oloi ?

Lua tosi a Petelo 1:11

Talie i le nea a ia, e fakamavaa fakalaulasi atu loa kia koutou le uluaga ki le Puleaga lee gato o lotatou Aliki mo Fakamauli ko Sesu-Kilisito.

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,