Efeso 3:14 - Tosi Tapu

¹⁴ O tupu ko le nea a ia, e kau peluki oku tuli i mua o le Tamana,

Efeso 3:14 ပူးပေါင်းရင်းမြစ်များ

Uluaki tosi o Sau 19:18

Kae e kau tuku loa i Iselaele se kau tagata e tino afe fitu, latou fuli ala na leaise peluki olatou tuli i mua o Paale, ti na leaise sogi olatou gutu kiate ia.

Uluaki tosi o Sau 8:54

I le oki o le fai e Salomone o lana kole katoa lena mo lana tagi lena ki le Eteleno, na tuu ake loa a ia ki aluga mei mua o le aletale o le Eteleno, leia na tutuli ai, mo ona lima na mafao ki le lagi.

Lua tosi o Koloniko 6:13

Talie na fai e Salomone se ganea fai akonaki sila, o fakatuu i loto malie o le lotoa ; ko lona loa ko meta e lua vaelua, ti ko lona laulasi ko meta e lua vaelua, ti ko lona taualuga ko le meta e tasi vaelua ; na tuu loa Salomone i ai, ti na tutuli loa a ia i mua o le fakatasiga katoa o Iselaele, ti na siki loa e ia ona lima ki le lagi, o pati :

Esetalasi 9:5

I le temi o le moliga o le afiafi, na kau tuu ake loa mei loku mafaia, mo oku kofu ti mo loku taupulupulu masaesae ; na kau tutuli loa ki lalo, o siki oku lima ki le Eteleno, loku Atua,

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Taniela 6:10

I le iloa e Taniela kua tosi le fakatotonu, na ano loa a ia ki lona fale ; ti na fakamavaa loa e ia a katupa o le kogafale i lau fata ki le fetuu o Selusalemi. Ti na tua tolu i le aso na tutuli loa a ia o faikole mo fakavikiviki ki lona Atua, ofaipe lana fai masani i mua.

Luka 22:41

Ti na fakamamao loa a ia ia latou, i se mamao o se fa fatu e ti, ti na tutuli loa a ia, o faikole,

Gaoi 20:36

I le oki o lana masau, na tuutuli loa Paulo ki lalo, o faikole mo latou fuli.

Gaoi 21:5

Kae, i le oki o aso ana e fitu, na motou ano loa, ke soko atu lamatou folau, ti na lotou au fuli loa mo olatou avaga ti mo olatou fanau, o ave matou o tuku ki le tua kolo. Na motou tuutuli loa i le mata tai, o faikole.

Gaoi 7:60

Ti na tuutuli loa a ia, o kalaga leo lasi : Aliki, aua na ke tuku kia latou le agasala leinei ! Ti i le oki o masau ana, na moe loa a ia.

Gaoi 9:40

Ti na fakamavae loa e Petelo le kakai katoa ki fafo, ti na tuutuli loa a ia o faikole ; ti na maliu loa a ia ki le mate, o pati : Tapita, tuu ki aluga ! Ti na fakamavaa loa e ia ona mata, ti i lana tio kia Petelo, na tonatona loa a ia.

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Efeso 3:15

leia e au mei ai a igoa o famili fuli i le lagi mo le kele,

Filipe 2:10

o tupu ke tutuli i le igoa o Sesu a tuli fuli i le lagi, mo le kele, ti mo le lalo kele,