Efeso 2:8 - Tosi Tapu

⁸ Talie na fakamauli koutou i le kalasia, ki le tui. Ti e leaise au le nea lena meia koutou, ko le nea alofa a ia o le Atua ;

Efeso 2:8 ပူးပေါင်းရင်းမြစ်များ

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 20:9

Na au loa latou ala o le ola lima afiafi, ti na soli loa kia latou taki toka tasi se fa tenalio e tasi.

Maleko 16:16

Ko leia e tui loa ti e papitema loa e mauli loa a ia, kae ko leia e leaise tui loa e malaia loa a ia.

Luka 7:50

Kae na pati loa Sesu ki le fafine : Kua fakamauli a koe e lau tui, ano i le tokamalie.

Soane 3:36

Ko leia e tui ki le Alo e maua e ia le mauli lee gato ; ko leia e leaise tui ki le Alo e leaise toe tio loa a ia ki le mauli, kae e nofo loa le sausau o le Atua iate ia.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Soane 6:35

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.

Soane 6:37

Ko latou fuli ala e soli mai kiate au e loku Tamana e au loa kiate au, ti e leaise kau tuku loa ki fafo leia e au kiate au ;

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Soane 6:44

E leaise feala ke au se tasi kiate au, mo kapau e leaise fakalalata mai a ia e loku Tamana leia na kakau ia mai au ; ti e kau toe fakatuuake loa a ia i le aso fakamuli.

Soane 6:65

Ti na toe pati loa a ia : Ko le tupuaga lena o laku pati atu kia koutou e leaise feala ke au se tasi kiate au mo kapau e leaise soli le nea lena kiate ia e le Tamana.

Gaoi 13:39

ti ko leia e tui kiate ia e lauatea loa i agasala fuli ala na leaise mafai ke kotou lauatea ai i le lao a Moisese.

Gaoi 14:27

I lala kaku ki Atiokia, na la fakatasii loa le Ekelesia, ti na la fakamatala loa a nea fuli ala na fai e le Atua ia laua, lana fakamavaa ki le kau pagani le matapa o le tui.

Gaoi 15:11

Kae e tou tui na fakamauli tatou o tupu ko le kalasia o le Aliki Sesu, o tatau mo latou.

Gaoi 16:14

Ko se tasi o latou, na igoa ko Litia, fafine fakatau kie kula mauiga mei le kolo ko Tiatile, na fakalogo. Ti na fakamavaa loa e le Aliki lona loto, o tupu ke tokaga a ia ki le nea leia na masau ki ai Paulo.

Gaoi 16:31

Ti na pati loa Paulo mo Silasi : Tui ki le Aliki ko Sesu, ti e ke mauli loa, a koe mo lou famili.

Loma 10:14

E feaki loa ke lotou kalaga ki leia na leaise lotou tui ki ai ? Ti e feaki loa ke lotou tui ki leia na leikiaise lotou logo ki ai ? Ti e feaki loa ke lotou logo kiate ia, mo kapau e leaise tasi leia e akonaki ?

Loma 10:17

Koia e au ai le tui mei le nea leia e logo ki ai, ti ko le nea leia e logo ki ai, e au mei le folafola a Kilisito.

Loma 4:16

Koia, e tou maua ai le tofiga o le fakapapau i le tui, o tupu ke tuu a ia ko se kalasia, ti ke tuu mau le fakapapau ki le sakoga katoa, o leaise gato fua ki le sakoga leia e fakalogo ki le lao, kae ki le sakoga foki leia e maua ia le tui a Apalaamo, lotatou tamana fakatasi, ofaipe lona tuu i le Tosi :

Loma 4:5

kae ka tuku ata e se tagata, sala mo fai ia se gaoi, lana tui ki le Atua, leia e fakamatatonu ia le tagata agasala, e lau e le Atua lana tui ko se faitotonu kiate ia.

Loma 9:16

Koia loa, e leaise fakalogo le nea lena ki leia e loto, pe ki leia e makape, kae ki le Atua leia e manavaalofa.

Kalate 3:14

o tupu ke fakasoko le tapuaki a Apalaamo ki le kau pagani ia Sesu-Kilisito, ti ke tou tali i le tui le Laumalie leia na fakapapau mai.

Kalate 3:22

Kae na fakasa e le Tosi e taomi le malama nei katoa e le agasala, o tupu ke soli le nea leia na fakapapau i le tui kia Sesu-Kilisito kia latou ala e tui.

Efeso 1:19

ti e feaki le lasi lee gato o lona mafimafi kia tatou ala e tui, leia na fakasa e ia lona makeke katoa,

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 2:5

tatou ala na mamate i atatou patigataa, kua fakamauli e ia tatou fakatasi mo Kilisito (kua kotou mauli i le kalasia) ;

Filipe 1:29

ti e au le nea lena mei le Atua, talie kua tuku atu kia koutou le kalasia, o tupu ko Kilisito, ke aua na gato fua i lakotou tui kiate ia, kae ke kotou toe mamae foki o tupu ko ia,

Kolose 2:12

Ti kua tanu fakatasi koutou mo ia i le papitema, ti kua kotou toe tuuake foki iate ia ti mo ia, i le tui ki le mafimafi o le Atua, leia na toe fakatuuake ia a ia mei le kau mate.

Lua tosi ki le kau Tesalonika 1:9

E tautea loa latou ki se maumau lee gato, o mamao mei mata o le Aliki ti mo le kololia o lona makeke,

Epelo 6:4

Talie e leaise mafai ai kia latou ala kua oki i le fakamalamai tua tasi, ala kua kai ki le nea alofa mei lagi, ti kua kau ki le Laumalie Maokioki,

Uluaki tosi a Petelo 1:5

kia koutou ala kua taupau i le makeke o le Atua ki le tui ki le fakamauli leia kua teuteu ke fakasa i temi fakamuli !