Efeso 2:3 - Tosi Tapu

³ Ti ko tatou fuli foki, na tou kau ia latou, ti na tou mauli i mua o mulimuli ki oli veveli o lotatou kanofi, o fai a loto o le kanofi mo otou manatu ; ti ko ni fanau tatou o le sausau i le natula, ofaipe tagata fuli.

Efeso 2:3 ပူးပေါင်းရင်းမြစ်များ

Senesi 5:3

Ko Atama, i lona fetuu kau lelau kau tolu, na fakatupu ia loa se vosa leia na tatau mo ia, mo aga ofaipe ia, ti na soli loa e ia kiate ia le igoa ko Seti.

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Sopo 14:4

Pe feaki loa ke tupu mei se tagata kelekele se tagata mea ? E leaise feala ke tupu meiate ia se fa toka tasi fua.

Sopo 25:4

Pe feaki loa ke agatonu le tagata i mua o le Atua ? Pe feaki loa ke mea leia na tupu i le fafine ?

Pesalemo 51:5

Talie e kau iloa aku sala : Ti e tuu mau laku agasala i oku mua.

Esaia 53:6

Na tou sese fuli ofaipe ni ovi, Na tou tasi muli i lona ala totonu ; Ti na fakavilo e le Eteleno kiate ia le agatuu a tatou fuli.

Maleko 4:19

kae ko le tokaga ki nea o le sekulo, mo le kaka o koloa, ti mo le ulu o la ake manumanu fuli, e taotao ia le folafola ke aua na fua.

Soane 1:13

o leia i le toto, pe i le finegalo o le kanofi, pe i le finegalo o le tagata, kae i le Atua.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Gaoi 14:16

Ko le Atua lena, i tautupu kua sili, na tuku ia a puleaga fuli ke muli i olatou ala,

Loma 1:24

Koia kua tuku ai latou e le Atua ki le mauli fakalialia o mulimuli ki manumanu o olatou loto ; koia kua lotou fakamatagafua ai e latou totonu olatou tino ;

Loma 11:30

Ko koutou, i mua na kotou patigataa ki le Atua ; kae i le temi nei kua kotou maua le manavaalofa o le Atua, o tupu ko lolatou patigataa.

Loma 13:14

Kae ke kotou kofu ki le Aliki ko Sesu-Kilisito, ti ke aua na kotou tokaga ki le tino o mulimuli ki ona olioli.

Loma 2:14

Ka fai e le kau Pagani, ala e leaise maua ia le lao, le nea leia e tuu i le lao, e lotou liliu, latou ala e leaise maua ia le lao, ko se lao kia latou totonu ;

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Loma 5:9

Koia, i le temi leinei kua tou fakamatatonu ai e lona toto, e toe asilisili saofaki loa e ia tatou mei le sausau.

Loma 6:12

Ke aua na toe pule le agasala i lokoutou tino mate, ti ke aua na kotou fakalogo ki ona olioli.

Loma 7:18

E kau iloa e leaise nofo iate au le nea e malie, ko lona uiga i loku kanofi : Talie e kau maua ia le loto fia fai ki le nea e malie, kae e leai le mafai.

Loma 9:22

Ti kapau kua loto le Atua ke fakasa lona sausau, ti mo fakailo lona mafimafi, na katakii e ia i se kataki fualoa lasi ni ipu o le sausau ala na fau ki le malaia,

Uluaki tosi ki le kau Kolinto 4:7

Talie ko ai e fakakese ia a koe ? Kolea e ke maua na leaise ke tali ? Ti kapau na ke tali le nea lena, kolea e ke fakakololia ai, o sakinake na leaise ke tali a ia ?

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Kalate 3:22

Kae na fakasa e le Tosi e taomi le malama nei katoa e le agasala, o tupu ke soli le nea leia na fakapapau i le tui kia Sesu-Kilisito kia latou ala e tui.

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Efeso 4:22

Koia e tonu ai ke kotou tiaki lokoutou natula mago leia e pala i oli veveli kaka,

Kolose 1:21

Ti ko koutou, ala na matapule mo fili i mua o tupu ko akoutou manatu mo akoutou gaoi veveli, kua fakatokatoka e ia koutou i le aso nei i lona mate i le tino o lona kanofi,

Uluaki tosi ki le kau Tesalonika 4:13

E leaise motou loto, fetaina, ke kotou nonofo i le fakapouli o uiga mo latou ala kua mamate, o tupu ke aua na kotou mamae ofaipe latou ake ala e leaise maua ia se amanaki malie.

Uluaki tosi ki le kau Tesalonika 5:6

Koia aua na tou momoe ofaipe latou ake ala, kae tou alaala ti mo tou fakapotopoto.

Uluaki tosi kia Timoteo 6:9

Kae ko latou ala e fia mou koloa, e vivilo ki le fakasala, mo le masele, ti mo ni oli fakavale mo fakamamae, ala e fakauku ia a tagata ki le maumau mo le pulinoa.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Uluaki tosi a Petelo 1:14

Ofaipe ni fanau patigaofie, ke aua na kotou fakatatau koutou ki oli ala na kotou maua i mua, i le temi leia na kotou nonofo ai i le fakapouli.

Lua tosi a Petelo 2:14

E apele olatou mata i le tono fafine, ti e leaise lotou makona i le agasala ; e lotou maselei a laumalie ala koi gagae ; ti kua poto olatou loto i le manumanu ki le paaga ; ko ni fanau latou o le malaia.

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Uluaki tosi a Soane 2:16

talie ko nea fuli ala e maua i le malama nei, a oli o le kanofi, mo le manumanu o mata, ti mo le fia nealasi o le mauli, e leaise au mei le Tamana, kae au mei le malama nei.

Uluaki tosi a Soane 2:8

Kae ko se fakatotonu foou foki leia e kau tosi atu kia koutou, ti e maoki a ia iate Ia ti mo koutou foki : talie na puli atu le fakapouli, ti na sa foki le malama maoki.