Efeso 2:20 - Tosi Tapu

²⁰ Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Efeso 2:20 ပူးပေါင်းရင်းမြစ်များ

Uluaki tosi o Sau 7:11

ti na teki loa a fatu ta mo alaga sete i aluga o fatu lalasi ana.

Pesalemo 118:22

Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Taagapati 9:1

Na fakatuu e le poto lona fale, Na ta e ia ona fa pou e fitu.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Sakalia 10:4

E ulu loa meiate ia le fatu agele, meiate ia le fao, meiate ia le kalolo tau, E ulu loa meiate ia a pule tau fuli, fakatasi.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Mateo 21:42

Na pati loa Sesu kia latou : Pe na leaise kotou lau i le Tosi : Ko le fa fatu leia na tiaki e le kau tufuga Kua liliu ko le fatu tafito o le agele ; Ko le nea lena e au mei le Aliki, Ti ko se nea fakaofolele ki otatou mata ?

Uluaki tosi ki le kau Kolinto 12:28

Ti kua fakanofo e le Atua i le Ekelesia, ko le uluaki ko le kau apositolo, ko le lua ko le kau polofeta, ko le tolu ko le kau fai akonaki, ti sosolo ai mai latou ala e maua ia le nea alofa o milakulo, ti mo latou ala e maua ia a nea alofa ke fakamauli ai a masaki, ke tokoi, ke lagiaki, ke masau ki masau kesekese.

Kalate 2:9

Ti i lalatou iloa le kalasia leia kua tuku mai kiate au, ko Sakopo, mo Kefasi, ti mo Soane, ala e pati ko pou tafito, na soli ia mai loa kiate au mo Palenapa le lima atamai, o tupu ke ma ano ki le kau lee silikosisio, kae ko latou ki le kau silikosisio.

Efeso 3:5

Na leaise fakasa a ia ki vosa o tagata i tautupu mua, ofaipe lona fakasa i le temi nei e le Laumalie ki le kau apositolo maokioki mo le kau polofeta a Kilisito.

Kolose 2:7

o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Uluaki tosi a Petelo 2:6

Talie e pati i le Tosi : Ko leinei, e kau tuku i Sione se fatu agele, na filifili, mauiga ; Ti ko leia e tui kiate ia e leaise luma loa.

Apokalipisi 21:14

Ti ko le kaua o le kolo na fakatuu ki ni fatu fakatafito e kau agafulu tupu lua, ti na tosi i ai a igoa e kau agafulu tupu lua o apositolo e tino agafulu tupu lua a le Akeno.