Efeso 2:2 - Tosi Tapu

² ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Efeso 2:2 ပူးပေါင်းရင်းမြစ်များ

Sopo 1:16

Koi lolotoga masau a ia, kae kaku mai se tasi ake tagata avelogo, o pati : Kua vilo le afi a le Atua mei lagi, o tutu a ovi mo tagata tausi ovi, o mamate fuli. Ti na kau sao, au toka tasi, o aumai le logo kiate koe.

Sopo 1:19

Ti ko leinei, na au loa se sasataki mei le toafa, o taai a potupotu e fa o le fale ; ti na solo loa a ia ki le kau tupulaga, o lotou mamate fuli. Ti na kau sao, au toka tasi, o aumai le logo kiate koe.

Sopo 1:7

Na pati loa le Eteleno kia Satana : Pe ke au meifea ? Ti na tali loa Satana ki le Eteleno : Mei laku folii le malama nei, o evaeva i ai.

Sopo 31:7

Kapau na mavae kese loku vae mei le ala totonu, Ti kapau na mulimuli loku loto ki oku mata, Ti kapau na pipiki se nea kelekele ki oku lima,

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Esaia 30:1

E pati le Eteleno : Malaia ki fanau patigataa, Ala e fai ia ni fakapapau sala mo au, Ti e fai ia ni sai sala mo loku finegalo, Ke fakalasi ai a agasala !

Esaia 57:4

Ko ai e kotou gologolo ki ai ? Ko ai e fakamavaa fakalaulasi ki ai okoutou gutu Ti e kotou fakainaina ki ai ? Pe leaise ko ni fanau koutou o le agasala, Se lanu o le loi ?

Selemia 23:10

Talie kua apele le fenua i tono ; Kua mamae le fenua o tupu ko le malaia ; Kua malo a potu faisaga o le toafa. Kua lotou makape ki le veli, Kua lotou makeke ata ki le fai o le agasala.

Oseo 10:9

Iselaele, na ke agasala talu mei aso o Kipea ! I ai na lotou tutuu loa i aluga. Na leaise kaku loa kia latou le tau ki le kau agaveli i Kipea.

Levitiko 11:16

Le otulusi, mo le lulu, mo le gogo, mo le epelevie, ti mo manu fuli ala e kau ki olatou famili ;

Mateo 11:19

Na au le Vosa o le tagata, o kai mo inu, ti na lotou pati : Ko se tagata kai fakavale a ia ti ko se tagata inu kava a ia, ko se kaukau nea a ia o le kau popelikano mo le kakai mauli veli. Kae na fakasa le poto o le Atua e ana gaoi.

Mateo 13:22

Ko leia na tali ia le fakaili i vao talatala, ko leia e logo ki le folafola, kae ko tuania o le mauli ti mo olioli noa ki koloa fakamalama e tapono ia le folafola iate ia ke aua na fua iate ia.

Mateo 13:38

ko le faigasaga ko le malama nei ; ko le fakaili malie ko vosa o le Puleaga ; ko le sisania ko vosa o le pule veli ;

Maleko 4:19

kae ko le tokaga ki nea o le sekulo, mo le kaka o koloa, ti mo le ulu o la ake manumanu fuli, e taotao ia le folafola ke aua na fua.

Luka 16:8

Na vikiviki loa e le pule le tagata taupau koloa lee agatonu lena, i lona poto i le fai o ni puleaki kaka. Talie e poto ake a fanau o le sekulo leinei i le fai koloa mo olatou tautagata i fanau o le malama.

Luka 22:31

Na pati loa le Aliki : Simone, Simone, na kole koutou e Satana, ke lu koutou ofaipe le lu o le fulumeto.

Soane 12:31

Ko leinei le ola leia e fakamaaui ai le malama nei ; ko leinei le ola leia e ti ai loa le pule o le malama nei ki fafo.

Soane 13:2

I le lolotoga o le kai afiafi, kua tuku e le temonio ki le loto o Sutasi Isekaliote, vosa o Simone, le manatu ke fakatau a ia,

Soane 13:27

I le temi fai leia na soli ai le potu pane, na ulu loa Satana kia Sutasi. Ti na pati loa Sesu kiate ia : Ko le nea leia e ke fai, fai a ia ke vave.

Soane 14:30

E leaise kau toe masau lasi loa mo koutou ; talie e au le pule o le malama nei. E leaise maua e ia sana nea fua e tasi iate au.

Soane 15:19

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.

Soane 16:11

o uiga mo le fakamaau, talie kua fakamaaui le pule o le malama nei.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Soane 8:23

Ti na pati loa a ia kia latou : E kotou au mei lalo ; ko au, e kau au mei aluga. E kotou au mei le malama leinei ; ko au, e leaise kau au mei le malama leinei.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Gaoi 19:35

Kae na lolomi loa le kakai e le sekalaipe o le kolo, o pati : Tagata Efeso, ko ai le tagata leia e leaise iloa ia e taupau e le kolo ko Efeso le fale tapu o le Aletemisi lasi, ti mo lona fakatata leia na vilo mei le lagi ?

Gaoi 5:3

Na pati loa Petelo kiate ia : Ananiasi, kolea kua ke tuku ai Satana ke fakaapele ia lou loto, o tupu ai lau loiloisi le Laumalie Maokioki, ti mo lau taofi se potu o le paaga o le kele ?

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Uluaki tosi ki le kau Kolinto 5:10

E leaise kau pati atu ki le kau fai feauaki katoa o le malama nei, pe ko le kau manumanu paaga, pe ko le kau kaia tagata, pe ko le kau tausi taulaatua ; talie kapau koia, e tonu loa ke kotou mavae i le malama nei.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Efeso 1:21

o taualuga ake i pule fuli, mo makeke fuli, mo mafimafi fuli, mo mamalu fuli, ti mo igoa fuli ala e feala ke sua, o leaise gato fua i le sekulo leinei, kae i le sekulo foki ka au.

Efeso 2:11

Koia, ko koutou kau pagani i mua i le kanofi, na fakaigoa ko le kau lee silikosisio e latou ala e pati ko le kau silikosisio talie na silikosisio latou i le kanofi e le lima o le tagata,

Efeso 2:13

Kae i le temi nei, ia Sesu-Kilisito, ko koutou ala na mamao i mua, kua fakafeofi mai koutou e le toto o Kilisito.

Efeso 2:3

Ti ko tatou fuli foki, na tou kau ia latou, ti na tou mauli i mua o mulimuli ki oli veveli o lotatou kanofi, o fai a loto o le kanofi mo otou manatu ; ti ko ni fanau tatou o le sausau i le natula, ofaipe tagata fuli.

Efeso 4:17

Ko leinei loa le nea leia e kau fakasa mo fakamaoki i le Aliki : E leaise koi tonu ai ke kotou saele ofaipe le kau pagani, ala e saele o mulimuli ki le vaiga o olatou manatu.

Efeso 4:22

Koia e tonu ai ke kotou tiaki lokoutou natula mago leia e pala i oli veveli kaka,

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Kolose 1:21

Ti ko koutou, ala na matapule mo fili i mua o tupu ko akoutou manatu mo akoutou gaoi veveli, kua fakatokatoka e ia koutou i le aso nei i lona mate i le tino o lona kanofi,

Lua tosi kia Timoteo 4:10

talie kua tiaki au e Temasi ; kua alofa a ia ki le malama nei, ti kua ano a ia ki Tesalonika ; ko Kelesenesio ki Kalatia, mo Tito ki Talamasia.

Sakopo 1:27

Ko le lotu leia e mea mo lee mele i mua o le Atua ko le Tamana, ko le fakatele ki fanau sala matua mo lokonui i olatou mamae, ti mo le fakamamao mei nea kelekele fuli o le malama nei.

Sakopo 1:7

Ke aua na manatu le tagata lena e tali loa e ia se nea mei le Aliki :

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Uluaki tosi a Petelo 1:14

Ofaipe ni fanau patigaofie, ke aua na kotou fakatatau koutou ki oli ala na kotou maua i mua, i le temi leia na kotou nonofo ai i le fakapouli.

Uluaki tosi a Petelo 4:3

Talie kua lasi le temi leia i mua na koutou fai ai le finegalo o le kau pagani, o saele i le mauli fakalialia, mo oli veveli, mo le inu fakavale, mo le kai fakavale, ti mo le fakalialia o tausi ki taulaatua.

Lua tosi a Petelo 2:14

E apele olatou mata i le tono fafine, ti e leaise lotou makona i le agasala ; e lotou maselei a laumalie ala koi gagae ; ti kua poto olatou loto i le manumanu ki le paaga ; ko ni fanau latou o le malaia.

Uluaki tosi a Soane 3:10

Ko leinei le nea leia e mailoga kesekese ai fanau a le Atua mo fanau a le Tiapolo : Ko leia e leaise mauli i le maokioki e leaise au a ia mei le Atua, tatau mo leia e leaise alofa ki lona taina.

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.

Uluaki tosi a Soane 4:4

Ko koutou, fanau liliki, e kotou au mei le Atua, ti kua kotou malo i le kau polofeta loi, talie ko leia e nofo ia koutou e lasi ake i leia e nofo i le malama nei.

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.

Uluaki tosi a Soane 5:4

talie ko fanau fuli ala na tupu mei le Atua e malo i le malama nei ; ti ko leinei le nea leia e tou malo ai i le malama nei : ko latatou tui.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 16:17

Ti na liligi loa e le fitu aselo lana ipu ki le aele. Ti na ulu loa mei le fale tapu, mei le ekeekeaga fakasau, se leo makeke leia na pati : Kua soko le aso o le Aliki !

Apokalipisi 20:2

Ti na too loa e ia le gata, le gata afea, leia ko le Tiapolo mo Satana, ti na sai loa e ia a ia i fetuu e afe.