Efeso 2:14 - Tosi Tapu

¹⁴ Talie ko lotatou tokamalie a ia, a ia leia kua fai ia ki nea e lua se nea e tasi, ti kua maumaui ia le paa fakamavaevae i loto, le fefiliaki.

Efeso 2:14 ပူးပေါင်းရင်းမြစ်များ

Esitele 3:8

Ti na pati loa Amane ki le sau ko Asuelusi : E i ai i fenua fuli o lou puleaga se kakai leia kua mavetevete ti kua mavae i la ake kakai, ti e kesekese alatou lao mo lao o kakai fuli, ti e leaise lotou fakalogo fua ki lao a le sau. Koia e leaise aoga ai ki le sau ke tuku latou ke malolo !

Mikea 5:5

E lotou fai loa ki alatou seleta lalatou nea kai ki le fenua o Asilia, Ti mo le fenua o Nimelote i loto o ona matapa. E saofaki loa e ia tatou i le tagata Asilia i ai, Mo ka au loa a ia ki lotatou fenua, Ti mo ka ulu loa a ia ki lotatou kele.

Sakalia 6:13

E fakatuu loa e ia le fale tapu o le Eteleno ; e tau loa e ia a fakamailoga o le pule fakasau ; e ekeeke loa a ia i lona ekeekeaga fakasau o pule ki le kakai ; e faisakilifisio loa a ia i lona ekeekeaga fakasau, ti e fakatasi malie loa a nea ana e lua iate ia.

Luka 1:79

Ke fakamalama latou ala e tonatona i le fakapouli mo le malu o le mate, Ke taki otou vae i le ala o le tokamalie.

Luka 2:14

Kololia ki le Atua i potu taualuga, Ti tokamalie i le kele ki tagata ala e alofa a ia ki ai !

Soane 10:16

Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi.

Soane 11:52

Ti e leaise gato fua ki le puleaga ; kae ke fakatasii ai foki a fanau a le Atua kua mavetevete.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Gaoi 10:28

Ti na pati loa a ia kia latou : E kotou iloa e tapu ki se Sutea ke fakatasi mo se matapule pe ke ulu ki lona fale ; kae na fakasa mai e le Atua kiate au ke aua na kau tio ki se tagata fua e tasi e tapu pe kelekele.

Gaoi 10:36

Na kakau e ia le folafola ki vosa o Iselaele, o fakasa kia latou le tokamalie ia Sesu-Kilisito, leia ko le Aliki o tagata fuli.

Loma 5:1

Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito,

Kalate 3:28

E leaise koi i ai se Sutea, pe ko se Keleka ; e leaise koi i ai se tagata popula pe lauatea ; e leaise koi i ai se tagata pe ko se fafine ; talie kua kotou liliu fuli ko se nea e tasi ia Sesu-Kilisito.

Efeso 2:15

Ti kua soloi e ia i lona tino le lao o fakatotonu i ona lekula ; ti kua loto a ia ke fakatupu iate ia kia laua toka lua se tagata foou e tasi, o fakatuu le tokamalie ;

Efeso 2:17

Ti na au a ia o fakasa le tokamalie kia koutou ala na mamao, ti mo le tokamalie kia latou ala na ofi ;

Efeso 3:15

leia e au mei ai a igoa o famili fuli i le lagi mo le kele,

Efeso 4:16

Ko ia leia e fakasokosoko ia a koga kesekese fuli o le tino, ti mo fakapipiki ia latou ki ni sai makeke ko se tino e tasi ; ti ko ia leia e fakatupu ia le tino o lasi o mulimuli ki le makeke leia e aoga ki le koga tino taki tasi, ti e faufau toka tasi e le tino a ia totonu i le alofa.

Kolose 1:20

ti na loto a ia ke fakatokatoka iate ia a nea fuli mo ia totonu, tatau a nea ala i le malama nei ti mo nea ala i le lagi, o fai le tokamalie iate ia i le toto o lona koluse.

Kolose 2:20

Kapau kua kotou mate mo Kilisito ki lao noa o le malama nei, kolea, o sakinake koi kotou mauli i le malama nei, e fakamaua ai kia koutou a lekula anei :

Kolose 3:11

Koia e leaise i ai se Keleka i leinei pe ko se Sutea, mo se tagata silikosisio pe ko se lee silikosisio, mo se matapule pe ko se Site, mo se tagata popula pe ko se tagata lauatea ; kae ko Kilisito fuai i tagata fuli.

Kolose 3:15

Ti ke pule i okoutou loto le tokamalie o Kilisito, leia na kalagai koutou ki ai ke kotou fau se tino e tasi. Ti ke kotou loto fakafetai.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Epelo 7:2

ti na soli loa e Apalaamo kiate ia le vaega kau agafulu o nea fuli ; ko le uluaki uiga o lona igoa, ko le sau o le faitotonu, ti ko le lua ko le sau o Salemi, ko lona uiga ko le sau o le tokamalie.