Efeso 2:13 - Tosi Tapu

¹³ Kae i le temi nei, ia Sesu-Kilisito, ko koutou ala na mamao i mua, kua fakafeofi mai koutou e le toto o Kilisito.

Efeso 2:13 ပူးပေါင်းရင်းမြစ်များ

Pesalemo 22:7

Kae ko au, ko se kelemutu au, e leaise ko se tagata, Ko le nea gologolo au a tagata, ti ko le tagata vesiainai au a le kakai.

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 43:6

E kau pati loa ki le noleto : Soli mai ! Ti e kau pati loa ki le potu saute : Aua na taofi ! Kotou aumai oku vosa mei fenua mamao, Ti mo oku taineliki mei potupotu o le malama nei,

Esaia 49:12

Ko nei latou, e lotou au mei mamao, Ko iki mei le potu noleto mo le potu uesite, Ko iki mei le fenua o Sinime.

Esaia 57:19

E kau tuku loa le fakafetai ki ona laugutu. Tokamalie, tokamalie ki leia e mamao ti mo leia e feofi ! e pati le Eteleno. E kau fakamauli loa latou.

Esaia 60:4

Tagaki ou mata ki ou tafa, ti ke tio : E lotou fakatasi fuli, e lotou au kiate koe ; E au ou vosa mei mamao, Ti e luluku ou taineliki i lima.

Esaia 60:9

Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Esaia 66:19

E kau tuku loa se fakamailoga ia latou, Ti e kau kakau loa latou ala na sao ia latou ki atu puleaga, Ki Talesisi, ki Pule mo Lute, ala e faikalolo, Ki Tupale mo Savani, Ki atu motu mamao, Ala na leikiaise logo masau kiate au i se aso, Ti na leikiaise tio ki loku kololia ; Ti e lotou fakasa loa loku kololia i atu puleaga.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Soane 10:16

Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi.

Gaoi 15:14

Kua fakamatala e Simone le uluaki tuku e le Atua ona mata ki puleaga, o filifili meia latou se kakai ke amo ia lona suafa.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Gaoi 22:21

Ti na pati mai loa le Aliki kiate au : Ano, e kau kakau loa a koe ki mamao ki atu puleaga…

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 12:13

Talie kua tou papitema fuli i se Laumalie e tasi, ke fau se tino e tasi, pe Sutea, pe Keleka, pe popula, pe lauatea, ti kua fakainu fuli tatou ki se Laumalie e tasi.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Kalate 3:28

E leaise koi i ai se Sutea, pe ko se Keleka ; e leaise koi i ai se tagata popula pe lauatea ; e leaise koi i ai se tagata pe ko se fafine ; talie kua kotou liliu fuli ko se nea e tasi ia Sesu-Kilisito.

Efeso 1:1

Ko au Paulo, apositolo a Sesu-Kilisito i le finegalo o le Atua, ki le kau sagato i Efeso ti mo le kau agatonu ia Sesu-Kilisito :

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 2:12

kotou manatui i le temi lena, na kotou sala Kilisito, mo sala kolo i Iselaele, mo matapule ki sai o le fakapapau, mo sala amanaki malie, ti mo sala Atua i le malama nei.

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Efeso 2:6

kua fakatuu ake e ia tatou fakatasi, ti kua fakaeke e ia tatou fakatasi i potu fakalagi, ia Sesu-Kilisito,

Epelo 9:18

Koia na leaise fakamaoki ai le uluaki sai i mua o le liligi o le toto.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;