Efeso 2:12 - Tosi Tapu

¹² kotou manatui i le temi lena, na kotou sala Kilisito, mo sala kolo i Iselaele, mo matapule ki sai o le fakapapau, mo sala amanaki malie, ti mo sala Atua i le malama nei.

Efeso 2:12 ပူးပေါင်းရင်းမြစ်များ

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Lua tosi o Koloniko 15:3

Kua fualoa ai le nofo a Iselaele o mamao mo le Atua maoki, ti na leaise tagata faisakilifisio ke ako ia latou, ti na leaise lao.

Esetalasi 4:3

Kae na tali loa Solopapele, mo Sosue, ti mo la ake kau pule famili o Iselaele kia latou : E leaise tonu ke kotou kau mo matou ki le fakatuu o le fale o lomatou Atua ; e motou fakatuu tefua loa le fale o le Eteleno, le Atua o Iselaele, ofaipe le nea leia na fakatotonu mai kia matou e Silusi, sau o Pelesi.

Ekesote 12:45

E leaise kai loa le Pasikate e le tagata totonu o le fenua mo le tagata gaoi totogi.

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Esaia 61:5

E nofo loa ni kau matapule i ai, ti e lotou fagai loa akoutou kau manu, E gaoi loa ni vosa o le matapule i akoutou faisaga mo akoutou vite.

Selemia 14:8

Ko koe leia ko le fanakiaga o Iselaele, Lona fakamauli i le aso o le mamae, Kolea e ke fai ai loa pe se matapule i le fenua, Pe se tagata fanoga leia e ulu ki ai o moe i le pouli ?

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Esekiele 13:9

E vilo loa loku lima ki le kau polofeta Ala e fai ia ni tio vaiga mo ni kikite loi ; E leaise lotou toe kau loa i le fakatasiga o loku kakai, E leaise tosi loa latou i le tosi o le fale o Iselaele, Ti e leaise lotou ulu loa ki le fenua o Iselaele. Ti e kotou iloa loa ko au ko le Aliki, le Eteleno.

Esekiele 37:26

E kau fai loa mo latou se sai o le tokamalie, ti e i ai loa se sai lee gato mo latou : e kau fakanofo loa latou i ai, ti e kau liuliuga loa latou, ti e kau fakatuu loa loku fale tapu i loto malie o latou ki le lee gato.

Esekiele 47:22

E kotou vaevae loa a ia ko lokoutou tofiga o mulimuli ki le toso, kia koutou mo matapule ala e nonofo i loto malie o koutou, ala e maua ia loa ni alatou fanau i loto malie o koutou ; e kotou tio loa kia latou ofaipe ni kakai totonu o le fenua o fanau o Iselaele ; e lotou vaevae loa mo koutou le tofiga o mulimuli ki le toso, i loto malie o faasiga o Iselaele.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Numelo 18:19

E kau soli kiate koe, mo ou vosa, ti mo ou taineliki, i se lao tuku sosolo, a moliga tapu fuli ala e ave loa e fanau a Iselaele ki le Eteleno i le siki. Ko se fakapapau a ia e leaise feala ke maumaui ti e tuu a ia o lee gato i mua o le Eteleno, kiate koe mo lou sakoga.

Luka 1:72

E fakasa e ia i ai lona manavaalofa ki otatou tamana, Ti e manatui e ia lana sai maokioki,

Soane 10:16

Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi.

Soane 15:5

Ko au ko le tafito vite, ko koutou ko laa vite. Ko leia e nofo iate au, ti e kau nofo iate ia, e fua a ia o lasi, talie ka sala mo au e leaise kotou mafai se nea.

Soane 4:22

E kotou atolasio ki le nea leia e leaise kotou iloa ; ko matou, e motou atolasio ki le nea leia e motou iloa, talie e au le fakamauli mei le kau Sutea.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Gaoi 28:20

Ko le tupuaga loa lena o laku kole ke kau felavei mo koutou ti ke kau masau kia koutou ; talie e tupu ko le amanaki malie a Iselaele leia e kau nofo ai mo tini anei.

Gaoi 3:25

Ko vosa koutou o le kau polofeta ti mo le fakapapau leia na fai e le Atua mo otatou tamana, i lana pati kia Apalaamo : E tapuakina loa a famili fuli o le malama nei i lou sakoga.

Loma 9:8

ko lona uiga : E leaise ko fanau o le kanofi ala ko fanau a le Atua, kae ko fanau o le fakapapau ala e lau ko le sakoga.

Kalate 4:8

I mua, na leaise kotou iloa le Atua, ti na kotou tausi ki ni atua ala na leaise ko ni atua maoki ;

Efeso 2:19

Koia, e leaise ko ni matapule koutou, pe ko ni tagata mei fafo ; kae kua kotou kau ki le kolo o le kau sagato, mo le fale o le Atua.

Efeso 4:18

E lotou maua se atamai fakapouli, e lotou matapule ki le mauli o le Atua, o tupu ko le fakapouli leia e maua ia latou, o tupu ko le fakafefeka o olatou loto.

Kolose 1:21

Ti ko koutou, ala na matapule mo fili i mua o tupu ko akoutou manatu mo akoutou gaoi veveli, kua fakatokatoka e ia koutou i le aso nei i lona mate i le tino o lona kanofi,

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 1:5

o tupu ko le amanaki malie leia kua taofi atu ma koutou i le atu lagi, ti kua fakasa atu kia koutou i mua e le folafola o le maoki, le folafola o le Evaselio.

Uluaki tosi ki le kau Tesalonika 4:13

E leaise motou loto, fetaina, ke kotou nonofo i le fakapouli o uiga mo latou ala kua mamate, o tupu ke aua na kotou mamae ofaipe latou ake ala e leaise maua ia se amanaki malie.

Uluaki tosi ki le kau Tesalonika 4:5

kae tuku lakoutou fai a oli fakavale o le tino, ofaipe le fai a le kau pagani ala e leaise iloa ia le Atua ;

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Uluaki tosi kia Timoteo 1:1

Ko au Paulo, apositolo a Sesu-Kilisito i le fakatotonu a le Atua lotatou Fakamauli ti mo Sesu-Kilisito lotatou amanaki malie,

Epelo 11:34

mo tamate loa le makeke o le afi, mo sao loa mei le mata o le seleta, mo mauli loa i ni masaki, mo toa loa i le tau, mo tuli loa ni kau tau matapule.

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Epelo 8:6

Kae ko leinei, kua maua e ia se gaoi leia e malie lasi ake, talie kua liliu a ia ko le tagata fakasokopati o se sai leia e malie lasi ake ti kua fakatafito ki ni fakapapau ala e malilie lasi ake.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Uluaki tosi a Petelo 3:15

Kae ke kotou fakaapaapa i okoutou loto kia Kilisito ko le Aliki ; ti ke kotou nofo teuteu fuai ke tali i le agamalu mo le fakaapaapa ki leia e afa atu ia kia koutou le uiga o le amanaki malie leia ia koutou,

Uluaki tosi a Soane 3:3

Ko leia e maua ia le amanaki malie lena iate ia, ke fakamea a ia, ofaipe ia totonu e mea.