Efeso 2:10 - Tosi Tapu

¹⁰ Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 2:10 ပူးပေါင်းရင်းမြစ်များ

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 119:3

Ala e leaise fai ia le agaveli, Kae saele i ona ala !

Pesalemo 138:8

E gaoi loa le Eteleno kiate au. Eteleno, e lee gato lou agamalie, Aua na ke tiaki a gaoiaga o ou lima !

Pesalemo 51:10

Ke ke fakasa mai kiate au le nekenekea mo le fiafia, Ti e fiafia loa a ivi ala na ke fatifatii.

Pesalemo 81:13

Koia na kau tuku ai latou ki oli o olatou loto, Ti na lotou mulimuli ki alatou manatu totonu.

Esaia 19:25

E tapuaki loa le Eteleno o kau tau kia latou, o pati : Ke manuia Esipito, loku kakai, Ti mo Asilia, le gaoiaga o oku lima, Ti mo Iselaele, loku tofiga !

Esaia 29:23

Talie, ka tio loa ana fanau ki le gaoiaga o oku lima i loto malie o latou, E lotou tapuaki loa ki loku suafa, E lotou tapuaki loa ki le Sagato o Sakopo, Ti e lotou i loa ki le Atua o Iselaele ;

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 44:21

Manatui a nea ana, ei Sakopo ! Ei Iselaele ! talie ko laku tagata fakasausau a koe ; Na kau gaoi a koe, ko laku tagata fakasausau a koe ; Iselaele, e leaise kau toe galoi loa a koe.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Mateo 5:16

Ke mu lokoutou malama i mua o tagata, o tupu ke lotou tio ki akoutou gaoi malilie, ti ke lotou fakakololia ki lokoutou Tamana leia e nofo i le atu lagi.

Soane 3:21

kae ko leia e fai ia le maoki e au ki le malama, o tupu ke sa ana gaoi, talie na fai latou i le Atua.

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Gaoi 9:36

Na nofo i Sope, i le kau tisipulo, se fafine na igoa ko Tapita, ko lona uiga i le fakakeleka ko Tolokasi ; na fai e le fafine lena ni gaoi malilie lasi ai mo ni nea alofa.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Uluaki tosi ki le kau Kolinto 3:9

Talie e ma kau gaoi mo le Atua. Ko koutou ko le faigasaga a le Atua, le fale o le Atua.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Lua tosi ki le kau Kolinto 5:5

Ti ko leia kua teuteui ia maua ki le nea lena, ko le Atua, leia kua soli ia foki kia maua a fakamaoki o le Laumalie.

Lua tosi ki le kau Kolinto 9:8

Ti e mafai e le Atua lana fakaapele koutou ki ona kalasia fuli, o tupu ke kotou maua tuumau a nea fuli ala e aoga kia koutou, ti ke kotou toe maua foki o fakalaka ki gaoi malilie fuli,

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Efeso 1:1

Ko au Paulo, apositolo a Sesu-Kilisito i le finegalo o le Atua, ki le kau sagato i Efeso ti mo le kau agatonu ia Sesu-Kilisito :

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Efeso 2:13

Kae i le temi nei, ia Sesu-Kilisito, ko koutou ala na mamao i mua, kua fakafeofi mai koutou e le toto o Kilisito.

Efeso 2:15

Ti kua soloi e ia i lona tino le lao o fakatotonu i ona lekula ; ti kua loto a ia ke fakatupu iate ia kia laua toka lua se tagata foou e tasi, o fakatuu le tokamalie ;

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Efeso 2:6

kua fakatuu ake e ia tatou fakatasi, ti kua fakaeke e ia tatou fakatasi i potu fakalagi, ia Sesu-Kilisito,

Efeso 4:1

Koia e kau kole ai kia koutou, e au, ko le tagata pilisoni i le Aliki, ke kotou saele i se saele leia e gali mo le kalaga leia kua fai atu kia koutou,

Efeso 4:24

ti ke kotou kofu le tagata foou, leia na fakatupu ke tatau mo le Atua i se faitotonu mo se maokioki ala e au mei le maoki.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Filipe 1:6

E kau iloa papau ko leia na kamata ia ia koutou le gaoi malie lena e fakasoko ia loa a ia ke malie tukupau o kaku ki le aso o Sesu-Kilisito.

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Lua tosi ki le kau Tesalonika 2:17

ke fakapelepele ia okoutou loto mo fakamakeke ia koutou i gaoi malilie fuli ti mo masau malilie fuli !

Uluaki tosi kia Timoteo 2:10

kae ke lotou teu ki ni gaoi malilie, ofaipe ni fafine ala kua fakasa ia ko le kau tausi latou ki le Atua.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Uluaki tosi kia Timoteo 5:25

Ti e fenaaki foki ki gaoi malilie, e lotou sa malie, ti ko iki e leikiaise sa nei kae e leaise mafai ke munia tuumau.

Uluaki tosi kia Timoteo 6:18

Fakatotonu kia latou ke lotou fai le malie, ke lotou mou koloa i gaoi malilie, ke lotou loto solisoli, ti ke lotou loto tokoi,

Lua tosi kia Timoteo 2:21

Koia kapau e fakamea se tasi mei nea ana, e liliu loa a ia ko se ipu mauiga, mo maokioki, mo aoga ki lona pule, ti kua teuteu a ia ki gaoi malilie fuli.

Lua tosi kia Timoteo 3:17

o tupu ke katoa le tagata a le Atua, ti ke katoa lona teuteui ki gaoi malilie fuli.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Tito 2:7

o ke fakasa e koe totonu i nea fuli se faifaitakiaga o gaoi malilie, ti mo ke tuku se akonaki mea, mo gali,

Tito 3:1

Fakamanatu kia latou ke lotou fakataulalo ki le kau takitaki mo le kau pule, ke lotou fakalogo kia latou mo nofo teuteu ki gaoi malilie fuli ;

Tito 3:14

E tonu ke ako e latou foki ala o tatou, ke lotou fai a gaoi malilie ala e aoga ki nea fakavilivili, o tupu ke lotou mauli aoga.

Tito 3:8

E maoki le folafola lena, ti e kau loto ke ke fakasa fakamakeke tuumau a nea ana, o tupu ke tokaga latou ala kua tui ki le Atua o fai ni gaoi malilie. Ko lena le nea leia e malie mo aoga ki tagata.

Epelo 10:24

Ke tou fetokagaaki ia tatou ke ekenaki tatou ki le alofa ti mo gaoi malilie.

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Uluaki tosi a Soane 1:7

Kae kapau e tou saele i le malama, ofaipe ia totonu e nofo i le malama, e tou fekomunioaki tuumau, ti e fakamea tatou e le toto o Sesu lona Alo i agasala fuli ai.

Uluaki tosi a Soane 2:6

Ko leia e pati e nofo iate Ia, e tonu ke saele foki a ia ofaipe Ia totonu.