Efeso 2:1 - Tosi Tapu

¹ Na kotou mamate i akoutou patigataa mo akoutou agasala,

Efeso 2:1 ပူးပေါင်းရင်းမြစ်များ

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Mateo 8:22

Kae na tali loa Sesu kiate ia : Muli mai iate au, ti tuku le kau mate ke tanu ia olatou mate.

Luka 15:24

talie ko loku vosa leinei na mate, ti kua toe mauli a ia ; na puli a ia, ti kua toe maua a ia. Ti na lotou kamata fakafiafia loa.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Soane 10:10

E au fua le tagata kaia o kaia, mo tamate, mo maumaui ; ko au, na kau au o tupu ke maua e le kau ovi le mauli, ti ke lotou maua a ia o lasi ai.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Soane 5:25

E maoki, e maoki, e kau pati atu kia koutou, e au le ola, ti kua soko foki a ia, e logo ai loa le kau mate ki le leo o le Alo o le Atua ; ti ko latou ala e logo loa ki ai e mauli loa.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Uluaki tosi ki le kau Kolinto 15:45

Koia e tuu ai i le tosi : Ko le uluaki tagata, ko Atama, na liliu a ia ko se laumalie mauli. Ko le Atama fakamuli, ko Sesu, kua liliu a ia ko se Laumalie fakamauli.

Lua tosi ki le kau Kolinto 5:14

Talie e ekenaki maua e le alofa o Kilisito, talie e ma iloa kapau na mate se toka tasi ki tagata fuli, ti na mamate a tagata fuli ;

Efeso 4:18

E lotou maua se atamai fakapouli, e lotou matapule ki le mauli o le Atua, o tupu ko le fakapouli leia e maua ia latou, o tupu ko le fakafefeka o olatou loto.

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Kolose 2:13

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Uluaki tosi kia Timoteo 5:6

Kae ko le lokonui leia e mauli i fiafia fakamalama, kua mate a ia logo ai koi mauli.

Uluaki tosi a Soane 3:14

E tou iloa na tou sao mei le mate ki le mauli, talie e tou alofa ki fetaina. Ko leia e leaise alofa, e nofo a ia i le mate.

Apokalipisi 3:1

Tosi ki le aselo o le Ekelesia o Salete : Ko leinei le nea leia e pati ki ai leia e nofo mo Laumalie e fitu o le Atua ti mo fetuu e fitu : E kau iloa au gaoi. E kau iloa e ke maua le igoa e ke mauli, kae e ke mate.