Efeso 1:3 - Tosi Tapu

³ Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Efeso 1:3 ပူးပေါင်းရင်းမြစ်များ

Senesi 14:20

Ke tapusa le Atua Taualuga, leia kua tuku ia ou fili ki ou lima ! Ti na soli loa e Apalamo kiate ia le vaega kau agafulu o nea fuli.

Senesi 22:18

E tapuakina loa a puleaga fuli o le malama nei i lou sakoga, talie na ke fakalogo ki loku leo.

Uluaki tosi o Koloniko 29:20

Na pati loa Tavite ki le fakatasiga katoa : Ke kotou fakafetai ki le Eteleno, lokoutou Atua ! Ti na fakafetai loa le fakatasiga katoa ki le Eteleno, le Atua o olatou tamana. Na lotou punou loa ki le kele i mua o le Eteleno, ti mo mua o le sau.

Uluaki tosi o Koloniko 4:10

Na tagi loa Saepete ki le Atua o Iselaele, o pati : Kapau e ke tapuaki mai loa kiate au, mo ke fakalaulasi loa oku koiga, kapau e kau loa lou lima mo au, ti kapau e ke puipui loa au mei le malaia ke aua na kau nofo i le mamae !… Ti na tali loa e le Atua le nea leia na kole e ia.

Lua tosi o Koloniko 31:8

Na au loa Esekiasi mo le kau pule o tio ki fakatuuga, ti na lotou fakamalo loa ki le Eteleno mo lona kakai ko Iselaele.

Neemia 9:5

Ko le kau Levi ko Sosue, mo Katemiele, mo Pani, mo Asapenia, mo Selepia, mo Otisa, mo Sepania, mo Petasa, na pati loa : Kotou tutuu ki aluga ti kotou fakafetai ki le Eteleno, lokoutou Atua, o lee gato ! Ke fakafetai ki lou suafa fakakololia, leia e taualuga i tapuakina fuli mo fakafetai fuli !

Pesalemo 134:3

Ke tapuaki le Eteleno kiate koe mei Sione, A ia leia na fai ia le lagi mo le kele !

Pesalemo 72:17

E tuu loa lona suafa o lee gato, O fualoa pe le laa e sosolo loa lona suafa ; Iate ia e fetapuaki loa leia ki leia, Ti pati loa a atu puleaga fuli kiate ia Manuia.

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Esaia 61:9

E iloa loa lolatou lanu i atu puleaga, Ti e logo loa lolatou sakoga i lotolotoga o kakai ; Ti ko latou fuli ala e tio loa kia latou e fakamaoki loa Ko latou ko se lanu tapuakina e le Eteleno.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Luka 2:28

na tali loa e ia a ia i ona lima, ti na fakafetai loa a ia ki le Atua, o pati :

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 17:21

o tupu ke lotou liliu fuli ko se nea e tasi, ofaipe koe, Tamana, e ke nofo iate au, ti mo au iate koe, o tupu ke lotou liliu foki ko se nea e tasi ia taua : O tupu ke tui le malama nei na ke kakau mai au.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Loma 12:5

e tatau foki mo tatou, e tou toka api, ti e tou fau se tino e tasi ia Kilisito, ti e tou feaogaaki fuli, ofaipe ni koga tino e pipiki tasi.

Loma 15:6

o tupu ke kotou fakatasi fuli, i se loto e tasi mo se leo e tasi, o fakavikiviki ki le Atua ti mo le Tamana o lotatou Aliki ko Sesu-Kilisito.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 12:12

Talie, ofaipe le tino e tasi kae maua e ia ni koga tino mauke, ti ko koga tino fuli o le tino, logo ai lolatou mauke, kae lotou fau se tino e tasi : e tatau foki mo Kilisito.

Lua tosi ki le kau Kolinto 1:3

Ke fakafetai ki le Atua, le Tamana o lotatou Aliki ko Sesu-Kilisito, le Tamana o manavaalofa ti mo le Atua o fakafimalie fuli,

Lua tosi ki le kau Kolinto 11:31

Ko le Atua, leia ko le Tamana o le Aliki Sesu, leia e manuia o lee gato, e iloa ia e leaise kau loi !

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 3:9

Koia, ko latou fuli ala e tui e tapuakina loa mo Apalaamo, le tagata tui.

Efeso 1:10

o tupu ke fai a ia i le fakaoki o sekulo, ke fakatasi a nea fuli ia Kilisito, a nea ala i le lagi mo nea ala i le malama nei.

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Efeso 1:20

i lana fakatuuake a Kilisito mei le kau mate, o fakanofo a ia i lona lima atamai i potu fakalagi,

Efeso 2:6

kua fakatuu ake e ia tatou fakatasi, ti kua fakaeke e ia tatou fakatasi i potu fakalagi, ia Sesu-Kilisito,

Efeso 3:10

Koia kua iloa ai i le aso nei e le kau pule mo le kau makeke i potu fakalagi i le Ekelesia le poto lee gato o le Atua i ona anoaga kesekese,

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Filipe 2:11

ti ke fakasa e alelo fuli ko Sesu-Kilisito ko le Aliki, ki le kololia o le Atua ko le Tamana.

Epelo 8:5

E lotou fai se tausi o fakatatau ki le paaki ti mo le ata o nea i le lagi, ofaipe le fakasa fakatomua e le Atua kia Moisese i mua o le fakatuu o le tapenakulo, i lana pati kiate ia : Tokaga o fai a nea fuli, o fakatatau ki le paaki leia na fakasa kiate koe i le mauga.

Epelo 9:23

Na aoga ke fakamea fenaaki a ata o nea maoki i le atu lagi. Kae na aoga ke fakamea a nea totonu o le atu lagi e ni sakilifisio ala e malilie tukupau oki.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,